بوروداۆكيننىڭ پىكىرىنشە، لاتىن الىپبيىنە كوشۋ – قازاقستاننىڭ ىشكى شارۋاسى، دەپ جازادى Qamshy.kz اقپارات اگەنتتىگى Sputnik قازاقستان سايتىنىڭ دەرەگىن نەگىزگە الا وتىرىپ.

رەسەيدىڭ قازاقستانداعى ەلشىسى الەكسەي بوروداۆكين قازاقستاندا قازاق ءتىلى پوزيسياسىنىڭ كۇشەيۋى – قالىپتى قۇبىلىس دەپ سانايدى.

ونىڭ پىكىرىنشە، ءتىل، تاريح، مادەنيەت – قازاقستان حالقى بىرتەكتىلىگىنىڭ ەلەمەنتتەرى.

"قازاقستاندا قازاق ءتىلىنىڭ قولدانىس اياسى كەڭەيىپ بارادى دەپ الاڭدايتىنداردى تۇسىنبەيمىن: بۇل تابيعي ءارى دۇرىس پروسەسس. ءبىراق، بۇل ورىس ءتىلىنىڭ پوزيسياسى ادەيى باسەڭدەتىلىپ نەمەسە شەك قويىلىپ جاتىر دەگەندى بىلدىرمەيدى. ماسەلەن، ناقتى مىسال كەلتىرەيىن. ەل باسشىلىعى ورىس تىلىندە سويلەيدى، تەك ءوز ارالارىندا عانا ەمەس، قازاقستان حالقىنا ۇندەۋ جاساعان كەزدە دە"، - دەيدى ديپلومات  "روسسيا 24" تەلەارناسىنا بەرگەن سۇحباتىندا.

سونداي-اق، ول لاتىن الىپبيىنە كوشۋ مەن قازاقستاندىق بانكنوتتاردا جازبانىڭ تەك قازاق تىلىندە جازىلۋى قازاقستاننىڭ ىشكى شارۋاسى دەپ سانايدى.

"قازاقستان ەگەمەن ەل ەكەنىن ەستەن شىعارماۋ كەرەك. سوندىقتان بانكنوتتاردا جازبا ءماتىنى قازاق تىلىندە ەمەس، باسقا تىلدە بولسا، بۇل قىزىق بولار ەدى. دەگەنمەن ءبىز، قازاقستاندىق دوستارىمىزبەن بىرلەسىپ، ورىس ءتىلىنىڭ قازاقستان يگىلىگى بولىپ قالا بەرۋىن، ونىڭ مادەنيەتى مەن ينتەللەكتۋالدى الەۋەتىن بايىتا بەرۋى جولىندا ايانباي ەڭبەك ەتەمىز"، - دەيدى بوروداۆكين.

ۇسىنعان: نازەركە لابيحان