جاپپاي كوكپارعا 30-دان اسا شاباندوز قاتىستى، دەپ حابارلايدى اتىراۋ وبلىسىنىڭ وڭىرلىك كوممۋنيكاسيالار قىزمەتى.

جاپپاي كوكپاردى "نۇراتىراۋ قۇرىلىس" ءجشس-ى ۇيىمداستىردى. مەكەمە قولداۋىمەن كيىز ءۇي تىگىلىپ، قازاقشا كۇرەسكە كىلەم جايىلىپ، قۇران وقىلدى. شاراعا شالكار اقىمعالييەۆتىڭ اناسى ءلاززات ماجەن قىزى، قايعىلى وقيعانى باستان كەشىرگەن رۇستەمبەك سۇندەتوۆ، ەل ازاماتتارى، قالا تۇرعىندارى مەن قوناقتارى قاتىستى.

شارا بارىسىندا شالقار باتىرىمىزدىڭ اناسىنا العىس xات تابىستالىپ، رۇستەمبەك باتىرىمىزعا شاپان جابىلدى.

-اتىراۋ وبىسىندا ۇلتتىق سپورت، سونىڭ ىشىندە كوكپار قارقىندى دامىپ كەلەدى. قازىرگى تاڭدا قالامىزدا اپتا سايىن جەكە ازاماتتار، مەكەمەلەر ۇيىمداستىرۋىمەن جاپپاي كوكپار، توپتىق كوكپار ۇيىمداستىرىلادى. بۇگىنگى شارا حالىق باتىرى شالقاردىڭ رۋحىنا ۇيىمداستىرىلدى. بۇل ەلىنە ەلەۋلى ازامات، ونىڭ ەرلىك قادامى ماڭگىلىك ەل جادىندا،- دەدى اتىراۋ وبلىستىق ۇلتتىق سپورت تۇرلەرى فەدەراسياسىنىڭ پرەزيدەنتى اسلانبەك جانبالايەۆ.

ەسكە سالا كەتەيىك، 21 ناۋرىز كۇنى اتىراۋدا شالقار اقىمعالييەۆ جايىق وزەنىنە كوپىردەن سەكىرگەن بويجەتكەندى قۇتقارىپ، ءوزى قازا بولعان ەدى.