گولوۆكين جانكۇيەرلەرىنە ۋادە بەردى

/uploads/thumbnail/20190417051953246_small.jpg

ءالى جەڭىلىستىڭ اششى ءدامىن تاتىپ كورمەگەن كانادالىق بىلعارى قولعاپ شەبەرى گولوۆكينمەن كەزدەسۋگە دايىن ەكەنىن جەتكىزدى دەپ حابارلايدى Qamshy.kz اقپارات اگەنتتىگى. بۇل تۋرالى Sport Illustrated  باعدارلاماسىنىڭ كوررەسپاندەنتى كريس مەننيكس مالىمدەدى. 

"گولوۆكين مەن روللستىڭ كەلىسسوزى ماۋسىم ايىنداعى كەلىسسوزدەردىڭ ىشىندە العاشقىلاردىڭ ءبىرى بولىپ تۇر. قولدا بار دەرەكتەر بويىنشا روللس بارلىق شارتتى قابىلداپ، كەلىسىمىن بەردى"، - دەپ جازدى كريس مەننيكس. 

كەيىن گولوۆكين جەكپە-جەك تۋرالى پىكىرىمەن ءبولىسىپ، ءوز جانكۇيەرلەرىنە ۋادە بەردى. 

"مەن رينگكە قايتا ورالاتىنىما قۋانىشتىمىن ءارى قوبالجىپ تۇرمىن. MSG-عا ەرەكشە اسەر قالدىرارلىق ونەر كورسەتەتىن بولامىن. مەن بوكستى قاتتى جاقسى كورەمىن جانە كورەرمەندەر ءۇشىن روللسپەن كەزدەسۋىمدى ۇمىتىلماستاي قىزىقتى ءارى كەرەمەت ەتىپ وتكىزۋگە ۋادە بەرەمىن"، - دەپ جازدى گولوۆكين ءوزىنىڭ Twitter پاراقشاسىنا. 

اتالمىش جەكپە-جەك 8 ماۋسىمدا نيۋ-يورك قالاسىنداعى Madison Square Garden ارەناسىندا وتەتىن بولادى. كەلەسى اپتانىڭ باسىندا، 22 نەمەسە 23 ساۋىردە العاشقى باسپا ءسوز كونفەرەنسياسى ءوتىپ، بيلەتتەر 27 ساۋىردەن باستاپ ساتىلىمعا شىعادى. 

قاتىستى ماقالالار