جامبىل وبلىسىنىڭ قورداي اۋدانىنداعى جانتۇرشىگەرلىك اپاتقا كىنالى دەگەن كۇدىككە اۆتوبۋس جۇرگىزۋشىسى دە ىلىكتى. ول ەكى ايعا تەرگەۋ اباقتىسىنا قاماۋعا الىندى دەپ جازادى Qamshy.kz اقپارات اگەنتتىگى  sputniknews.kz سايتىنىڭ دەرەگىن نەگىزگە الىپ. بۇل تۋرالى وبلىستىق پوليسيا دەپارتامەنتى تەرگەۋ باسقارماسى باستىعىنىڭ ورىنباسارى ايتتى. 

"سول كۇنى ونىڭ ق ر قىلمىستىق كودەكسىنىڭ 345-بابى، 4ء-شى بولىگى بويىنشا ىس-ارەكەتى سارالانىپ، اۋداندىق سوتتىڭ قاۋلىسى نەگىزىندە 2 اي مەرزىمگە قاماققا الىندى. ياعني، كولىك قۇرالىن جۇرگىزۋشى  "ەكى نەمەسە ودان كوپ ادامنىڭ ولىمىنە ۇشتاسقان جول قاعيدا ەرەجەلەرىن بۇزدى" دەگەن كۇدىككە ءىلىندى. ەگەر ونىڭ ىس-ارەكەتى سوتتا دالەلدەنسە، وعان 10 جىلعا دەيىن باس بوستاندىعىنان ايىرۋ جازاسى قولدانىلۋى مۇمكىن"، - دەيدى جامبىل وبلىستىق پوليسيا دەپارتامەنتى تەرگەۋ باسقارماسى باستىعىنىڭ ورىنباسارى جاراسقان اقبەردييەۆ.

ۇسىنعان: اسەل بولات قىزى