"Startap Bolashak: مەنىڭ ارمانىم" جوباسىنا قاتىسۋشى جاس كاسىپكەرلەردى بيزنەستەرىن ادال جۇرگىزۋگە شاقىردى دەپ جازادى Qamshy.kz اقپارات اگەنتتىگى. 

قىزىلوردا قالاسىندا "Startap Bolashak: مەنىڭ ارمانىم" جوباسىنا قاتىسۋشى جاس كاسىپكەرلەر مەن بيزنەستە باعىن سىناعىسى كەلەتىن جاستاردى سىبايلاس جەمقورلىقپەن بىرلەسىپ كۇرەسۋگە شاقىردى.

"Startap Bolashak: مەنىڭ ارمانىم" جوباسى – بۇل جاستار كاسىپكەرلىگىن قولداۋعا ارنالعان بيزنەس-جوبالار بايقاۋى. بايقاۋدىڭ ماقساتى – جاستاردى كاسىپكەرلىككە باۋلۋ جانە وزگەلەرمەن باسەكەگە ءتۇسۋ.

«بيزنەس-Start» ورتالىعى ۇيىمداستىرعان ايماقتىق بايقاۋعا جاس كاسىپكەرلەرگە باعىت-باعدار بەرۋ ءۇشىن كاسىپكەرلىك سالاسىنداعى قۇزىرلى مەكەمەلەرمەن قاتار ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ قىزىلوردا وبلىسى بويىنشا دەپارتامەنتىنىڭ قىزمەتكەرلەرى دە قاتىستى.

«بيزنەستى جۇرگىزۋ بارىسىندا سىبايلاس جەمقورلىققا جول بەرمەي، وزدەرىنىڭ كاسىپتەرىنە ادال بولىپ، جاسالعان كەلىسىم-شارتتارعا سايكەس ساپالى قىزمەت كورسەتۋ بيزنەس سۋبەكتىلەرىن دە بايلانىستى. سىبايلاس جەمقورلىقتىڭ الدىن الۋ ءۇشىن كەز-كەلگەن جەكە نەمەسە زاڭدى تۇلعا ەلىمىزدەگى زاڭدىلىقتاردى قاتاڭ ۇستانۋى ءتيىس. بايقاۋعا قاتىسۋشى جاس كاسىپكەرلەردەن سىبايلاس جەمقورلىق كورىنىستەرىنە مۇلدەم جول بەرمەۋدى سۇرايمىن. جاس كاسىپ يەلەرىنە ايتارىم، وتكەن جىلدان باستاپ اگەنتتىكتىڭ باستاماسىمەن «رrotecting business and investments» جوباسى جۇزەگە اسىرىلۋدا. جوبا اياسىندا قۇنى 595 ملرد. تەڭگەنى قۇرايتىن 15 ينۆەستيسيالىق جوبا سىبايلاس جەمقورلىققا قارسى سۇيەمەلدەۋگە الىندى. ينۆەستورلار مەن كاسىپكەرلەردەن 36 ءوتىنىش ءتۇستى. وتىنىشتەردى قاراۋ ناتيجەسىمەن كاسىپكەرلەردىڭ زاڭدى قۇقىقتارى مەن مۇددەلەرىنە نۇقسان كەلتىرىپ، كەدەرگى جاساعانى ءۇشىن 5 لاۋازىمدى تۇلعا تارتىپتىك جاۋاپكەرشىلىككە تارتىلسا، مەملەكەتتىك كىرىستەر ورگانىنىڭ 1 قىزمەتكەرى كاسىپكەرگە قامقورشىلىق جاساۋ ماقساتىندا پارا العانى ءۇشىن قىلمىستىق جاۋاپكەرشىلىككە تارتىلدى. كەز-كەلگەن بيزنەس سۋبەكتىسى ءتۇرلى اكىمشىلىك كەدەرگىلەر مەن بيۋروكراتتىق ىس-ارەكەتتەر تۋرالى ءبىزدىڭ دەپارتامەنتكە حابارلاسۋىنا بولادى. كاسىپكەرلەردىڭ قۇقىقتارىن قورعاپ، جوبالارىن انتيكوررۋپسيالىق سۇيەمەلدەۋگە الامىز»، - دەدى دەپارتامەنت باسشىسىنىڭ ورىنباسارى بەرىكبول بايحوجايەۆ.

"Startap Bolashak: مەنىڭ ارمانىم" بايقاۋىنىڭ ايماقتىق كەزەڭىندە ءساتتى قورعالعان جوبالار شيرەك فينالدا شىمكەنت قالاسىندا، جارتىلاي فينال مەن اقتىق فينال "نۇر-سۇلتان" قالاسىندا تەليەۆيزيالىق فورماتتا رەاليتي شوۋ كۇيىندە تۇسىرىلەتىن بولادى. بايقاۋ فيناليستەرى ءوز جوبالارىنا ينۆەستيسيا بولدىرتۋگە ۇلكەن مۇمكىندىك الاتىن بولادى.

ۇسىنعان: اسەل بولات قىزى