جامبىل وبلىسى قاراتاۋ قالاسىندا جوعالىپ كەتكەن 8 جاسار قىزدىڭ مۇردەسى تابىلدى دەپ جازادى Qamshy.kz اقپارات اگەنتتىگى. ارۋاي ەسىمدى قىزدىڭ اناسى قىزىنىڭ كيىمدەرىنەن تانىپ، قايتىس بولعان قىزدىڭ ارۋاي ەكەنىن راستادى. اتالمىش ءىس بويىنشا قىلمىستىق ءىس قوزعالىپ، تەرگەۋ جۇمىستارى جۇرگىزىلىپ جاتىر. 

ايتا كەتسەك، 24 ساۋىردە تالاس اۋداندىق پوليسياسىنا 8 جاسار قىزدىڭ جوعالۋىنا بايلانىستى ارىز ءتۇستى. ارۋاي بالالارعا ارنالعان ونەر مەكتەبىنە بارىپ، ۇيگە قايتىپ ورالماعان. ارۋايدىڭ اتاسى ۇنەمى بيگە دايىندىققا ءوزى اپارىپ-اكەلىپ جۇرگەن. ءبىراق ءدال سول كۇنى ارۋاي ۇيگە ءوزى قايتىپ كەلۋى كەرەك بولاتىن. ىزدەۋ جۇمىستارىنا پوليسيا قىزمەتكەرلەرىنەن بولەك 70-كە جۋىق بەلسەندىلەر اتسالىسقان. 

ءقازىر قىزدىڭ مۇردەسىنە ساراپتامالىق تەكسەرىس جۇرگىزىلۋدە. اتالمىش وقيعا جامبىل وبلىسىنىڭ اكىمى مەن ءىىم ەرلان تۇرعىمبايەۆتىڭ باقىلاۋىندا. 

ۇسىنعان: اسەل بولات قىزى