ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتەنىنىڭ ۇيىمداستىرۋىمەن «قازمۇنايگاز» اق قاراستى «قازمۇنايتەڭىز» جاۋاپكەرشىلىگى شەكتەۋلى سەرىكتەستىگىندە سىبايلاس جەمقورلىققا قارسى ءىس-قيمىل ماسەلەلەرى بويىنشا سەمينار وتكىزىلدى. ءىس-شاراعا اگەنتتىكتىڭ اۋماقتىق دەپارتامەنتىنىڭ، سىبايلاس جەمقورلىققا قارسى ءىس-قيمىل ۇلتتىق بيۋروسى ماڭعىستاۋ وبلىسى بويىنشا دەپارتامەنتىنىڭ باسشىلىعى، مۇناي كومپانياسىنىڭ باسشىلىق قۇرامى مەن قىزمەتكەرلەرى قاتىستى.
العاشقى كىرىسپە سوزىندە اۋماقتىق دەپارتامەنت باسشىسى نۇرگۇل جاننازاروۆا اگەنتتىكتىڭ باسىم باعىتتارىنىڭ ءبىرى قوعامدا سىبايلاس جەمقورلىققا قارسى مادەنيەتتى قالىپتاستىرۋ ەكەندىگىن، پاراقورلىق سياقتى قوعامدى جايلاعان كەسەلمەن كۇرەسۋگە بۇكىل جۇرتشىلىقتى تارتۋ مىندەتى تۇرعاندىعىن، سونىڭ ىشىندە شەتەلدىك، ۇلتتىق مۇناي-گاز جانە باسقا دا وندىرىستىك كومپانيالارى دا، كۆازيمەملەكەتتىك سەكتور مەن جەكە مەنشىك مەكەمەلەرى دە بۇل قوزعالىستان شەت قالماۋى قاجەتتىگىن اتاپ ءوتتى. سپيكەر سونىمەن بىرگە، جەمقورلىق دەرەكتەرى ءۇشىن اكىمشىلىك جانە قىلمىستىق جاۋاپكەرشىلىكتىڭ قاراستىرىلعاندىعىن، ال شەتەل جانە ۇلتتىق كومپانيا وكىلدەرىنە ءوز كەزەگىندە ءتيىستى ورگاندارعا دەر كەزىندە حابارلاپ، قىلمىستىق ارەكەتتەردىڭ الدىن الۋ كەرەكتىگىن باسا ايتتى.
بۇدان باسقا، نۇرگۇل جاننازاروۆا ءوڭىر دەڭگەيىندە كەڭ كولەمدە اشىلعان «ادالدىق دۇكەندەرىنە» دە توقتالدى. اتاپ ايتقاندا، وقۋ ورىندارى، حالىقارالىق اۋەجاي، قالالىق پوليسيا باسقارماسىندا، ارنايى مامانداندىرىلعان حالىققا قىزمەت كورسەتۋ ورتالىعىندا اشىلعان بۇل ەرەكشە دۇكەندەر جاس ۇرپاقتى ادالدىققا، تۇرعىنداردى الەۋمەتتىك جاۋاپكەرشىلىككە باۋليدى جانە دە وسىنداي «ساتۋشىسىز دۇكەندەردى» مۇناي كومپانيالارى دا قولداپ، كاسىپورىنداردا اشۋعا جۇمىستانۋدا. سونىمەن بىرگە، نۇرگۇل الماس قىزى وسىنداي فورماتتاعى تۇسىندىرمە جۇمىستارىن تەك ورتالىق كەڭسە دەڭگەيىندە ەمەس، مۇناي كەن ورىندارىنداعى جۇمىسشىلارمەن دە وتكىزۋگە ۇسىنىس ءبىلدىردى.
سىبايلاس جەمقورلىققا قارسى ءىس-قيمىل ۇلتتىق بيۋروسى ماڭعىستاۋ وبلىسى بويىنشا دەپارتامەنتى باسشىسىنىڭ ورىنباسارى باقداۋلەت ماحمۋد تۇسىندىرمە شارالارىنىڭ باستى ماقساتى قوعامدا ۇرەي تۋعىزۋ ەمەس، كەرىسىنشە سىبايلاس جەمقورلىقتىڭ پريەۆەنسياسى، ياعني الدىن الۋ بولىپ تابىلادى. ۇلتتىق بيۋرو وكىلىنىڭ ايتۋىنشا، كومپانيالارعا قاتىستى مەملەكەتتىك ساتىپ الۋ، تەندەر وتكىزۋ، كادرلاردى ىرىكتەۋ ءۇردىسىن بارىنشا اشىق، تۇرعىندارعا قولجەتىمدى ەتۋدىڭ، ينتەرنەت-رەسۋرستاردىڭ مۇمكىندىكتەرىن كەڭ قولدانۋ قاجەتتىگىن ۇسىنىم رەتىندە جەتكىزدى. سپيكەردىڭ ايتۋىنشا، كومپانيا باسشىلىعى مەن لاۋازىمدى تۇلعالاردىڭ اراسىنداعى قىلمىستىق سىبايلاستىق ورىن السا، تەك پارا الۋشى ەمەس، پارا بەرۋشى دە قىلمىستىق جاۋاپكەرشىلىككە تارتىلادى.
اۋماقتىق دەپارتامەنتىڭ مەملەكەتتىك كورسەتىلەتىن قىزمەتتەر باسقارماسىنىڭ باسشىسى جاسۇلان مارشاك ۇلى «Digital agent» موبيلدىك قوسىمشاسىمەن تانىستىرىپ، كورسەتىلەتىن قىزمەتتەر ناتيجەسىن باعالاۋعا، قوڭىراۋ شالۋ ارقىلى اۋماقتىق دەپارتامەنتكە ءوز وتىنىشتەرى مەن وڭ پىكىرلەرىن قالدىرۋعا مۇمكىندىك بەرىلگەندىگىن ەكسپەريمەنت نەگىزىندە كورسەتتى.
مۇنايشىلار سول بويدا «Digital agent» موبيلدىك قوسىمشاسىن ءوز سمارتفوندارىنا جۇكتەپ، ءتيىستى نومىرگە قوڭىراۋ شالىپ، وپەراتورمەن بايلانىسىپ، ەندىگى جەردە مەملەكەتتىك ورگانداردى جاعالاماي، ۇيدە وتىرىپ تا كەز-كەلگەن قىزمەتكە ارىز-شاعىمىن قالدىرا الاتىندىقتارىنا كوزدەرىن جەتكىزدى.
تىڭداۋشىلارعا سونىمەن بىرگە «Protecting business and investments» جوباسىنىڭ پرەزەنتاسياسى وتكىزىلدى. ياعني، زاڭ تالاپتارىن اينالىپ ءوتىپ، بيزنەسكە قىسىم كورسەتكىسى كەلگەن مەملەكەتتىك ورگان وكىلدەرىنە قاتىستى شەتەلدىك جانە وتاندىق ينۆەستورلار ارىز-شاعىمدارىن وڭىرلىك فرونت-كەڭسەگە ارنايى 8707 170 1424 شۇعىل جەلىسىنە حابارلاۋ ارقىلى تىكەلەي جەتكىزىپ، اۋماقتىق دەپارتامەنت تاراپىنان شۇعىل ارەكەت ەتىلەتىندىگى باياندالدى.
ءىس-شارا بارىسىندا جەمقورلىققا قارسى سيپاتتاعى بەينەروليكتەر كورسەتىلىپ، كومپانيا قىزمەتكەرلەرىنىڭ ۇسىنىس پىكىرلەرى قابىل الىندى. دەپارتامەنت وكىلدەرى مۇنايشىلاردى سەمينار بارىسىندا ايتىلعان پايدالى اقپاراتتى تەك وزدەرى ءبىلىپ قانا قويماي، تۋىسقاندارى مەن دوس-جاراندارىنا دا جەتكىزىپ، قوعامدا سىبايلاس جەمقورلىققا قارسى مادەنيەتتى قالىپتاستىرۋعا جانە مەملەكەتتىك كورسەتىلەتىن قىزمەت ساپاسىن كوتەرۋگە ءوز ۇلەستەرىن قوسۋعا شاقىردى.
