حالىقارالىق عالىمدار توبى نان ونىمدەرىن ازىرلەۋ بارىسىندا پايدالانىلاتىن پروپيوناتتى تۇتىنۋ گورمونداردىڭ قالىپتى قىزمەتىن بۇزادى دەپ دابىل قاقتى. ايتۋلارىنشا، بۇل قوسپا ديابەتكە الىپ كەلەدى دەپ حابارلايدى Lenta.ru سايتىنا سىلتەمە جاساپ.

تاجىريبە جاساۋ بارىسىندا عالىمدار الگى قوسپانى اعزانىڭ بۇلشىق ەتتەرىنە قالاي اسەر ەتەتىنىن انىقتادى. ناتيجەسىندە، پروپيونات جۇيكە تالشىقتارىنىڭ بەلسەندىلىگىن كۇشەيتىپ، گليۋكاگون، نورادرەنالين جانە باسقا گورمونداردىڭ ەرەكشە جۇمىس جاساي باستايتىنى انىقتالدى. ال بۇل دۇنيەلەر قانت ديابەتىنە الىپ كەلەدى.

تاجىريبەنىڭ ەكىنشى توبىنا ءوز ەركىمەن 14 ادام قاتىستى. ولار ەكى توپقا ءبولىنىپ، پروپيونات قوسىلعان جانە قوسىلماعان تاعامداردى تۇتىندى. نان ونىمدەرىن تۇتىنباس بۇرىن ەكى توپتىڭ دا مۇشەلەرىنەن قان الىندا. ارتىنشا 15 مينۋتتان كەيىن، سوسىن ءتورت ساعات بويى ءاربىر 30 مينۋت سايىن تەكسەرۋ جۇرگىزىلىپ وتىردى. قورىتىندىسىندا پروپيونات مەتوبوليزم قاعيدالارىن بۇزىپ، گورمونداردىڭ كۇشەيۋىنە اكەلىپ سوعاتىنى انىقتالدى.

ستاتيستيكاعا سۇيەنسەك، الەمدە 400 ميلليون ادام قانت ديابەتىنەن زارداپ شەگۋدە. بۇل دەرتتىڭ الدىن الۋ شارالارى قاتاڭ ساقتالۋىنا قارماستان، 2040 جىلعا قاراي ديابەتىنىڭ دەڭگەيى 40 پايىزعا دەيىن ءوسۋى مۇمكىن.

اۋدارعان: ادىلەت مادەنيەت