بۇگىن الماتى وبلىسى كەربۇلاق اۋدانىنىڭ كاسىپكەرلەرى تاعى دا ەكى وتباسىعا باسپانا سىيلادى. جاڭا شاڭىراق يەلەرىنىڭ ەكەۋى دە – جالعىز باستى انالار. ءبىرى 3 كىشكەنتايدى،  ەكىنشىسى 7 بىردەي بالانى باعىپ وتىر.

سارىبۇلاق اۋىلىنىڭ تۇرعىنى، 7 بالانىڭ اناسى مەيرامگۇل بايسەيتوۆاعا، وسى اۋىلدا ورنالاسقان "سارىبۇلاق" شارۋا قوجالىعىنىڭ باسشىلارى 4 بولمەلى ءۇيدى ساتىپ اپەرگەن.

«وسى كۇنگە دەيىن 7 بالامەن باسپاناسىز، جالدامالى  پاتەردە تۇردىم. ەكى بالام وقيدى،  5 بالام مەكتەپتە. جالعىز ءوزىمنىڭ قولىمنان كەلگەنىنشە تىرمىسىپ، بالالارىمدى جەتكىزىپ كەلەمىن. ەندىگى ءوزىمىزدىڭ ءۇيىمىز بار. بۇل ءبىز ءۇشىن ۇلكەن كومەك بولدى. قوجالىق باسشىلىعىنا العىسىم شەكسىز »،- دەيدى كوپ بالانى باتىر انا كوزىنە جاس الىپ.

سونىمەن قاتار،  التىنەمەل  ۇلتتىق مەملەكەتتىك تابيعي پاركىنىڭ  باس ديرەكتورى حالىق  وڭعار ۇلى  سەمباي گۇلسانات ەسىمدى جالعىز باستى انانى ءۇش بولمەلى كەڭ ۇيگە كىرگىزدى.

«6 جىلدان استام ۋاقىت جالدامالى پاتەردە تۇردىم. كىشى بالام ەندى عانا 3-كە تولدى، ەكى بالام مەكتەپتە وقيدى. تۋعان تۋىستىڭ جانە وسىنداي زيالى ازاماتتاردىڭ ارقاسىندا كۇنىمىزدى كورىپ ءجۇرمىز» ، - دەدى جاس انا.

ايتا كەتۋ كەرەك، اۋداندا ناۋرىز ايىندا باستاۋ العان قايىرىمدى شارا وسىمەن 8 بىردەي وتباسىنى باسپانالى قىلدى. "بۇل شارا ءالى دە جالعاسىن تابا بەرمەك"،– دەيدى اۋدان بەلسەندىلەرى.