جەلىدە بەلگىسىز قولدانۋشىنىڭ شەتپە ماڭىندا بولعان جول-كولىك اپاتى ورىن العان جەردەن جاريالاعان بەينەماتەريالى جارىق كوردى. 24ء-ساۋىر كۇنى كەشقۇرىم ماڭعىستاۋ وبلىسىنىڭ تەرريتورياسىندا بولعان وقيعا ورىنىنان كىنالى جۇرگىزۋشى قاشىپ كەتكەن دەپ حابارلايدى Qamshy.kz اقپارات اگەنتتىگى lada.kz سايتىنا سىلتەمە جاساپ.

Toyota Hilux اۆتوكولىگىنىڭ جۇرگىزۋشىسى Toyota Camry كولىگىندەگى زارداپ شەككەندەردىڭ ءحالىن كورگەن سوڭ ءوز ماشيناسىنىڭ نومەرىن الىپ، بەلگىسىز باعىتقا ءىز سۋىتقان. زارداپ شەككەن كولىكتىڭ ىشىندە ءۇش ەر ادام جانە جۇكتى ايەل بولىپتى.

"كۋاگەرلەر پوليسيا شاقىردى. ءتارتىپ ساقشىلارى كەلدى دە، ارتىنان دەرەۋ كەتىپ قالدى. باسقا پاترۋلدىك كولىك ارادا جارتى ساعات وتكەننەن كەيىن كەلدى"، - دەيدى بەينەروليك اۆتورى.

جەدەل جاردەم كەلگەن بەتتە ءۇش جاسوسپىرىمگە العاشقى مەديسينالىق كومەك كورسەتىپ، ۇيىنە قايتاردى. ال اياعى اۋىر ايەلدى وبلىس ورتالىعىنداعى اۋرۋحاناعا جەتكىزگەن. 25ء-ساۋىر كۇنى ونى دارىگەرلەردىڭ نۇسقاۋىمەن شەتپەگە ەمدەلۋ پروسەسىن ءارى قاراي جالعاستىرۋعا جىبەردى.

اۆتور جول تالعامايتىن كولىكتىڭ رولىندە قالاداعى بەلدى شەنەۋنىكتەردىڭ ءبىرى ەكەنىنە ءشۇباسى جوق ەكەنىن ايتادى.

ۇسىنعان: ادىلەت مادەنيەت