اۋەجايعا باراتىن جول بويىنا شاعان، ۇيەڭكى، قاراعاش كوشەتتەرى ەگىلدى، دەپ حابارلايدى اتىراۋ قالالىق اكىمدىگىنىڭ باسپا ءسوز قىزمەتى.
27 ساۋىردە اتىراۋدا وبلىس ورتالىعىن سانيتارلىق تازالاۋ مەن كوگالداندىرۋدىڭ ەكىايلىعى اياسىندا جالپىقالالىق سەنبىلىك ءوتتى. اكسيا اياسىندا اتىراۋ حالىقارالىق اۋەجايىنا اپاراتىن جول بويىنا ەكى مىڭ شاعان، ۇيەڭكى مەن قاراعاش كوشەتتەرى وتىرعىزىلدى.
-سەنبىلىككە قالاداعى مەكەمەلەردىڭ قىزمەتكەرلەرى، جالپى سانى 300 ادام قاتىستى. تەرەكتەردى سۋارىپ، كۇتىم جاساۋدى وبلىس ورتالىعىنداعى جاسىل جەلەكتەرگە كۇتىم جاساۋ جانە كوگالداندىرۋ بويىنشا قىزمەت كورسەتۋگە تەندەردى ۇتىپ العان مەردىگەر مەكەمە قامتاماسىز ەتەدى،-دەيدى اتىراۋ قالاسى اكىمىنىڭ ورىنباسارى شاكىر كەيكين.
ەسكە سالساق، اتىراۋدا بيىل 15 ساۋىردە تۇرعىندارعا تەگىن كوشەتتەر تاراتىلدى. قالا تۇرعىندارى جالپى سانى ءۇش مىڭ كوشەت الدى.
