كەشە الماتىداعى «الاتاۋ» ءداستۇرلى ونەر تەاترىندا قازاقستان مۇسىلماندارى ءدىني باسقارماسى ۇيىمداستىرعان VءىىI رەسپۋبليكالىق قۇران جارىسى جۇلدەگەرلەرىن ماراپاتتاۋ رۋحاني كەشى ءوتتى دەپ حابارلايدى Qamshy.kz اقپارات اگەنتتىگى muftyat.kz سايتىنا سىلتەمە جاساپ.  

ءدىن جاناشىرلارى مەن دەمەۋشىلەردىڭ قارجىلاي قولداۋىمەن وتكەن جۇلدە قورى 16 ملن تەڭگەنى قۇرايتىن سايىسقا رەسپۋبليكا بويىنشا 558 قاري قاتىستى. ءتورت باعىت بويىنشا ب ا ق سىناسقان قاريلار قۇراننىڭ 10 پاراسىن، 20 پاراسىن، قاسيەتتى كىتاپتى تولىق (30 پارا) جاتقا ايتۋدىن جانە قۇراندى مانەرلەپ وقۋدان جارىستى.

يگى ءىس-شارادا ءسوز العان باس ءمۇفتي سەرىكباي قاجى ساتىبالدى ۇلى: «اللا تاعالا قاسيەتتى قۇراندا: «… اللانىڭ شەكسىز راقىمىنا بولەنەمىز دەسەڭدەر، قۇران وقىلعاندا، وعان قۇلاق ءتۇرىپ، ءۇنسىز تىڭداڭدار!» دەيدى. قۇراندى تىڭداۋدىڭ ءوزى ۇلكەن ساۋاپ. قۇران سەكىلدى ەشقانداي كىتاپ جاتقا وقىلىپ، ناسيحاتتالمايدى. قۇران وقىلعان، وعان امال ەتىلگەن ۇيدە، ەلدە تىنىشتىق ورنايدى، اللانىڭ بەرەكەتى بولادى. قۇراندى كوپ وقىعان ادامنىڭ اللا الدىندا دارەجەسى ارتادى»، – دەپ، كەش قوناقتارىنا قاسيەتتى قۇراننىڭ ماڭىزىن جەتكىزدى. ىزگى ىسكە اتسالىسقان بارشا ازاماتتارعا، ءادىل قازى القاسىنا، قاتىسۋشى قاريلارعا العىسىن ءبىلدىردى.

«اقوردا» رەسپۋبليكالىق قوزعالىسىنىڭ ءتوراعا ورىنباسارى قانات جانات ۇلى جانە الماتى قالاسى، ءدىن ىستەر جونىندەگى باسقارما باسشىسى ايدار ەسەنبەكوۆتەر دە اقجارما تىلەكتەرىن ءبىلدىرىپ، قۇتتىقتاۋ سوزدەرىن ارنادى. يگى شاراعا مۇرىندىق بولعان ازاماتتارعا العىستارىن ايتتى.

رۋحاني كەشتە حازىرەت بەردىحان، ەرگەن ايتىمبەتوۆ، رايىم ۋايىس سىندى ونەرپازدار ارناۋ ورىنداپ، وزدەرىنىڭ اسقاق ان-كۇيىمەن كورەرمەنگە رۋحاني كوڭىل-كۇي سىيلادى. سونداي-اق، قۇراننىڭ حيكمەتتەرى جايلى بەينەروليك كورسەتىلىپ، «ونەر قىراندارى» تەاترى حالىق نازارىنا قۇران وقۋدىڭ ماڭىزى جايىندا عيبراتتى قويىلىم ۇسىندى.

قۇران بايقاۋىنىڭ جۇلدەگەرلەرىنە ماراپاتتارىن ەلىمىزگە تانىمال ءدىن جانە قوعام قايراتكەرلەرى تابىستادى.

4 باعىت بويىنشا بايقاۋ جۇلدەگەرلەرىنىڭ كورسەتكىشى مىناداي:

30 پارا قۇراندى تولىق جاتقا وقۋ بويىنشا:

باس جۇلدە – ساقي ساتەشوۆ (19 جاستا، ماڭعىستاۋ) – اۆتوكولىك

ءىى ورىن – نۇرمۇحامەد ليروۆ (18 جاستا، جامبىل) – 2 ملن. تگ

ءىىى ورىن – سالامات قاراتايەۆ (27 جاستا، الماتى) – 1،5 ملن. تگ

20 پارا قۇراندى جاتقا وقۋ بويىنشا:

ءى ورىن – قۋانىش توقسان ۇلى ابيشيەۆ (29 جاستا، الماتى) – 1،5 ملن. تگ

ءىى ورىن – نيعماتۋللا ساۆرانبەك ۇلى ابدازيموۆ (12 جاستا، قىزىلوردا) – 1 ملن. 250 مىڭ تگ.

ءىىى ورىن – احمادقوجا سايۆالي ۇلى حاكيموۆ (17 جاستا، سقو) – 1 ملن. تگ.

10 پارا قۇراندى جاتقا وقۋ بويىنشا:

ءى ورىن – نۇرتىلەۋ سەرىك ۇلى مەيىتقاسىم (6 جاستا، نۇر-سۇلتان) – 1 ملن. تگ.

ءىى ورىن – اكمال داۆرانبەك ۇلى راحيمقۇلوۆ (18 جاستا، تۇركىستان) – 750 مىڭ تگ.

ءىىى ورىن – ومار باۋىرجان ۇلى ىزگىلىك (11 جاستا، ماڭعىستاۋ) – 500 مىڭ تگ.

قۇراندى مانەرلەپ وقۋ بويىنشا:

ءى ورىن – قاينار بازارقان ۇلى بازارقان (25 جاستا، الماتى) – 500 مىڭ تگ.

ءىى ورىن – ۇلان باعدات ۇلى بالتاباي (14 جاستا، اتىراۋ) – 300 مىڭ تگ.

ءىىى ورىن – باۋىرجان باقىتجان ۇلى يسابەكوۆ (26 جاستا، الماتى ءوڭىرى) – 150 مىڭ تگ.

سونىمەن قاتار، جارىس جۇلدەگەرلەرىنەن بولەك قۇران بايقاۋىنا قاتىسقانى ءۇشىن 57 قاريدىڭ اربىرىنە ىنتالاندىرۋ رەتىندە 50 مىڭ تەڭگەدەن سىياقى بەرىلدى. 

ۇسىنعان: ماقپال سەمباي