27-28 ءساۋىر كۇندەرى تۇرىكمەنستاندا احالتەكە جىلقىسىنىڭ ۇلتتىق مەيرامىن اتاپ ءوتتى دەپ حابارلايدى Qamshy.kz اقپارات اگەنتتىگى تدح سايتىنا سىلتەمە جاساپ.
اتالمىش مەيرامدا اشحاباد قالاسىنداعى ورتالىق يپپودرومدا كورمە، كونسەرت، سيرك، سپورتتىق جارىستار مەن بايگە ۇيىمداستىرىلدى.
احالتەكە كۇنىن اتاپ وتۋگە ەل پرەزيدەنتىنىڭ ءوزى قاتىستى. گۋربانگۋلى بەردىمۇحامەدوۆ ءوزىنىڭ روۆاچ اتتى سۇيىكتى ساگۇلىگىمەن سەرۋەندەگەن. ەستەرىڭىزدە بولسا، ءبىرشاما ۋاقىت بۇرىن بۇل دۇلدۇلگە ارناپ ولەڭ دە جازىلعان ەدى.
باعدارلامالاردىڭ ەڭ شۋلىسى مەملەكەت باسشىسىنىڭ ءوز نەمەرەسى كەريمگۋلىمەن بىرگە ساحناعا شىعۋى بولدى. دۋەت روۆاچ تۋرالى ءاندى ناقىشىنا كەلتىرە ورىندادى. ءانىن كەريمگۋلى جازعان تۋىندىدا پرەزيدەنت رەپ وقىدى.
ۇسىنعان: ادىلەت مادەنيەت
