قازاقستاندىق جۋرناليستەردىڭ ءبىرى ۋكراينانىڭ جاڭادان سايلانعان پرەزيدەنتىمەن سۇحباتتاسىپ، ۆلاديميردەن ءبىزدىڭ ەل تۋرالى پىكىرىن سۇرادى دەپ حابارلايدى Qamshy.kz اقپارات اگەنتتىگى Topsmi.me سايتىنا سىلتەمە جاساپ.

- ۆلاديمير، قازاقستاندىق جۋرناليستەرگە بىرەر سۇراق قويۋعا رۇقسات ەتىڭىز. ءسىز قازاقستاندا بولعانسىز با؟

- سالەم، قازاقستان! ەشقاشان سىزدەردىڭ ەلدەرىڭىزدە بولماپپىن، ءبىراق 90-جىلدارى ماسكەۋدە كۆن جوعارى ليگاسىندا ويناپ جۇرگەندە قازاقستاندىق ازاماتتارمەن جۇمىس جاسادىم.

- ەگەر سىزدە مۇمكىندىك بولسا، قازاقستاننىڭ قاي قالاسىنا بارار ەدىڭىز؟

- شىنىمدى ايتسام، مەن الماتىعا بارعىم كەلەدى. مەنى الماتىعا شاقىرىپ، ول جەردىڭ سۇلۋلىعىن كورسەتكىسى كەلگەن جىگىتتەر بولدى. سىزدەردە بارلىعى دامىپ جاتىر. ەستيمىن، ارا-تۇرا وقىپ تۇرامىن.

–  قازاقستاندىقتاردىڭ ءومىرى تۋرالى پىكىرىڭىز قانداي؟

- بىردەڭە دەۋ قيىنعا سوعادى. مەن جىگىتتەردەن قالاي ءومىر سۇرەتىندەرىن سۇراپ وتىرامىن. ولار وزدەرىنىڭ ەلىن سۇيەدى جانە ولارعا بارلىعى ۇنايدى. سوعان قاراعاندا، ءبارى قاناعاتتاندىرادى دەپ ويلايمىن. ەگەر كوڭىلدەرىنەن شىقپاسا، سايلاۋ وتكىزۋشى ەدى. ويتكەنى، ونداي مۇمكىندىك بار عوي.

دۇرىسى، بىلمەيتىن ادامعا باسقا ەلدىڭ ساياساتىن سىناۋ قاتە دەپ سانايمىن.

- ۋكراينا مەن قازاقستاننىڭ اراقاتىناسى قالاي بولماق؟

- ەشكىم جاعا جىرتىسپايدى! (كۇلىپ). تمد ەلدەرىن بىر-بىرىمەن بايلانىستىرىپ تۇراتىن دۇنيەلەر كوپ ەكەنىن تۇسىنەمىن. بىرىنشىدەن، بىزگە مۇرا بولىپ قالعان مادەني قۇندىلىقتار ورتاق. ەكىنشىدەن، ءبىزدىڭ قازاقتارمەن ورتاق تاقىرىپتارىمىز دا، ۇقساستىقتارىمىز دا كوپ.

اۋدارعان: ادىلەت مادەنيەت