26 ساۋىردە اتىراۋ وبلىسىنداعى قالالىق، اۋداندىق، اۋىلدىق اكىمدىكتەردە، ءبىلىم بەرۋ، دەنساۋلىق ساقتاۋ، سپورت جانە الەۋمەتتىك مەكەمەلەردە اشىق ەسىك كۇنى ءوتتى، دەپ حابارلايدى Qamshy.kz اقپارات اگەنتتىگى وڭىرلىك كوممۋنيكاسيالار قىزمەتىنىڭ دەرەگىن نەگىزگە الىپ.
اشىق ەسىك كۇنىنە جالپى سانى 1770 ادام قاتىسىپ، 1700-دەن استام ساۋال قويىلدى. اكىمدىكتەر «اشىق ەسىك كۇنىن» مەملەكەتتىك قىزمەت جارمەڭكەسى قاعيداسى بويىنشا ۇيىمداستىرىپ، كەزدەسۋلەر وتكىزدى.
— ايماق باسشىسى نۇرلان نوعايەۆتىڭ تاپسىرماسىمەن بارلىق الەۋمەتتىك مەكەمەلەردە كەزدەسۋلەر ءوتتى. شارانىڭ ماقساتى - مەملەكەتتىك ورگاندار مەن الەۋمەتتىك مەكەمەلەردىڭ تۇرعىندارمەن ءوزارا بايلانىسىن نىعايتۋ،- دەپ حابارلادى اتىراۋ وبلىسى اكىمدىگىنىڭ باسپا ءسوز قىزمەتى.
ايتا كەتەيىك، اشىق ەسىك كۇندەرى ءار ايدىڭ سوڭعى جۇماسىندا وتەدى.
جۇرتشىلىق پەن مەملەكەتتىك ورگاندار اراسىنداعى ءوزارا بايلانىستى جاقسارتۋ باعىتىندا قالا مەن اۋدانداردىڭ اكىمدەرىنە اي سايىق اشىق ەسىك كۇنىن ۇيىمداستىرۋ تۋرالى تاپسىرما بەرىلگەن بولاتىن. بۇل باستامانى اتىراۋ وبلىسىنىڭ اكىمى 2019 جىلدىڭ قاڭتارىندا جىلىوي اۋدانىندا وتكەن كوشپەلى وتىرىستا ايتتى. سونىمەن قاتار، قازاقستان پرەزيدەنتى قاسىم-جومارت توقايەۆ وبلىس اكىمدەرىمەن جينالىستا بارلىق دەڭگەيدەگى اكىمدەرگە حالىقپەن ءجيى كەزدەسىپ تۇرۋ تۋرالى تاپسىرما بەردى.
ۇسىنعان: اسەل بولات قىزى
پىكىر قالدىرۋ