«استانا ەكونوميكالىق فورۋمى» اياسىندا ماڭعىستاۋ وبلىسى «استانا حالىقارالىق قارجى ورتالىعىمەن» بىرىگىپ، «Global Silk Road Mangystau invest 2019» حالىقارالىق فورۋمىن وتكىزدى. ناتيجەسىندە ماڭعىستاۋ وبلىسى العاش بولىپ وزگە وبلىستاردىڭ ىشىنەن «استانا حالىقارالىق قارجى ورتالىعىمەن» مەموراندۋمعا قول قويدى. 
وسىلايشا وبلىس اكىمى ەرالى توعجانوۆ پەن احقو باسقارۋشىسى قايرات كەلىمبەتوۆ جاڭا مەموراندۋم اياسىندا جان-جاقتى كەلىسىمگە كەلدى. بۇدان بىلاي ماڭعىستاۋ ءوڭىرى ينۆەستورلارمەن حالىقارالىق قۇقىق قاعيداتتارى بويىنشا جۇمىس ىستەيتىن بولادى. 
باستى ماقسات احقو قاتىسۋشىلارىن ماڭعىستاۋ وبلىسىنىڭ ەكونوميكاسىنا ينۆەستيسيا قۇيۋعا شاقىرۋ ارقىلى ايماقتىڭ ەكونوميكالىق الەۋەتىن ارتتىرۋ. بۇگىنگى فورۋمنىڭ ناتيجەسىندە كاسىپكەرلەرمەن ماڭعىستاۋ وبلىسىندا قۇنى 230 ملن اقش دوللارىن قۇرايتىن ەكى ينۆەستيسيالىق جوبانى ىسكە اسىرۋ بويىنشا كەلىسىمگە كەلدى.
وڭىرلەرگە ينۆەستيسيا تارتۋدىڭ جاڭا مودەلى رەتىندە بيىل «استانا ەكونوميكالىق فورۋمىنىڭ» اياسىندا «ءوڭىر قوناق» جاڭا جۇيەسى ەنگىزىلىپ، وعان العاش بولىپ ماڭعىستاۋ وبلىسى تاڭدالدى. بۇل جۇيەنىڭ باستى ماقساتى وڭىرگە الەمدىك دەڭگەيدەگى جاڭا ينۆەستورلار مەن قارجى ۇيىمدارىن جۇمىلدىرۋ.
«استانا» حالىقارالىق قارجى ورتالىعىندا وتكەن فورۋمدا وبلىس اكىمى ماڭعىستاۋ ءوڭىرىنىڭ ينۆەستيسيالىق الەۋەتىمەن تانىستىردى.
اتاپ ايتقاندا، ايماققا تۇركيا، رەسەي، جۇڭگو، يتاليا، اقش، گەرمانيا جانە باسقا ەلدەردەن كەلگەن ءىرى شەتەلدىك ينۆەستورلار كەلدى.
Forbes Global 2000 تىزىمىندە تۇرعان CNPC، Shlumberger، Halliburton، OMV Petrom، Total، Saipem، Tenaris، Arcelor Mittal، Heidelberg Cement سەكىلدى كومپانيالاردىڭ قاتىسۋىمەن ءتۇرلى سالالاردا بىرنەشە جوبالار ويداعىداي ىسكە اسىرىلدى.
بۇگىنگى تاڭدا ماڭعىستاۋ وبلىسىنىڭ 2019-2025 جىلدارعا باعىتتالعان، 2،4 ترلن. تەڭگە قۇرايتىن 44 ينۆەستيسيالىق جوباسى بەلگىلەندى.
ولاردىڭ ىشىندە، شەت مەملەكەتتەردىڭ قاتىسۋىمەن 2،2 تريلليون تەنگە قۇرايتىن 18 جوبانى ىسكە اسىرۋ جوسپارلانعان.
2019 جىلى وبلىستا 66،7 ملرد. تەڭگەنى قۇرايتىن 22 جوبانى، ونىڭ ىشىندە، قۇنى 38،4 ملرد. تەڭگەنى قۇرايتىن 4 جوبانى شەتەلدىكتەردىڭ قاتىسۋمەن ىسكە قوسۋ جوسپارلانىپ وتىر.
قازاقستان رەسپۋبليكاسى تۇڭعىش پرەزيدەنتىنىڭ تاپسىرماسىنا سايكەس، ماڭعىستاۋ وبلىسىنىڭ اكىمدىگى «سوپ«مانگيستاۋ» ج ش س بازاسىندا ينۆەستورلارعا ءبىر تەرەزە قاعيداتى بويىنشا قىزمەت كورسەتۋگە ارنالعان «فرونت وفيس» جۇمىس ىستەيدى.
«فرونت ءوفيستىڭ باستى ماقساتى ينۆەستورلاردى بارلىق ۇكىمەتتىك جانە باسقا ۇيىمدارمەن بايلانىستى جۇمىستارىن ارتتىرۋ.مۇندا الەۋەتتى ينۆەستور ماڭعىستاۋ وبلىسىنداعى ينۆەستيسيالىق قىزمەتتى مەملەكەتتىك قولداۋدىڭ ىقتيمال نىساندارى تۋرالى جانە وزدەرىڭە قاجەتتى بارلىق اقپاراتتاردى الادى. بۇگىنگى كۇنى وبلىس اكىمدىعى ينۆەستيسيالىق ساياساتتى جۇزەگە اسىرۋ ماقساتىندا، مەملەكەتتىك ورگاندار مەن باسقا دا ۇيىمدار اراسىنداعى ءوزارا ارەكەتتەسۋ ەرەجەلەرىن دايىنداپ بەردى. ەرەجەدە فرونت ءوفيسىنىڭ بۇكىل جۇمىسى قاراستىرىلعان»، - دەدى ە.توعجانوۆ.
سونىمەن قاتار، الداعى 5 جىلدا وبلىستى دامىتۋدىڭ باسىم باعىتتارى - تۋريزم، اۋىل شارۋاشىلىعى، ونەركاسىپ، ەنەرگەتيكا، كولىك جانە لوگيستيكا سالالارىندا 6 ينۆەستيسيالىق قۇرىلىم بار. ءار سالانىڭ ينۆەستيسيالىق تارتىمدىلىعى ورىس، اعىلشىن، تۇرىك، پارسى، جۇڭگو تىلدەرىنە اۋدارىلىپ جازبا تۇردە ۇسىنىلادى.
بۇدان باسقا، شەتەلدىك ينۆەستورلاردىڭ قاتىسۋىمەن، كوپ فۋنكسيونالدى لوگيستيكالىق ورتالىقتىڭ، تۇزسىزداندىرۋ زاۋىتىنىڭ، كاۋستيكالىق سودا مەن تۇز قىشقىلىن شىعاراتىن زاۋىتتىڭ، سۋ تۇشىتۋ قوندىرعىسىنىڭ قۇرىلىسى سياقتى پەرسپەكتيۆالىق جوبالار جۇزەگە اسىرىلۋدا.
ىڭعايلى گەوگرافيالىق ورنالاسۋى، باي تاريحي مۇرالارى مەن كورنەكتەرى، تەڭىزگە شىعۋدىڭ قول جەتىمدىلىگى، سونداي-اق نەگىزگى تۋريستىك اعىنداردى تۋدىراتىن ەلدەرگە جاقىن بولۋ ءتۋريزمدى دامىتۋعا مۇمكىندىك بەرەدى.
ماڭعىستاۋدا ءتۋريزمدى دامىتۋ ءۇشىن، 63 شاقىرىمعا سوزىلعان تەنىز جاعالاۋىندا ينجەنەرلىك ينفراقۇرىلىمدى جاساۋ جۇمىستارىن باستاپ كەتتى.
«ءوڭىردىن كليماتتىق جاعدايى ايماققا ەلەكتر قۋاتىنىڭ قوسىمشا كوزى ءۇشىن، كۇن جانە جەل ەلەكتر ستانسيالارىن سالۋعا مۇمكىندىك بەرەدى. ايماقتاعى شۋاقتى كۇندەرىنىڭ ۇزاقتىعى جىلىنا 300 كۇن بولىپ تابىلادى. بۇل ەلدەگى ەڭ جاقسى كورسەتكىش، جەلدىڭ جىلدامدىعى - 8،43 مەتر سەكۋند. سوندىقتان باسقا ماڭىزدى سەكتور - بالامالى ەنەرگيا كوزدەرىن دامىتۋ. بۇل كەلەشەكتە ەلەكتر ەنەرگياسىن ءوندىرۋدىڭ بارلىق ءداستۇرلى ادىستەرىن توقتاتا الاتىن ەڭ پەرسپەكتيۆالى رەسۋرستاردىڭ ءبىرى. بۇگىنگى تاڭدا ايماقتا قۋاتى 90 مۆت جەل ەلەكتر ستانسياسى سالىنىپ جاتىر »، - دەدى وبلىس اكىمى.
ءسوزىنىڭ سوڭىندا ەرالى توعجانوۆ ينۆەستورلارعا، ماڭعىستاۋ وبلىسى بيزنەستى قولدايتىنىن جانە «اشىق ەسىكتەر» پرينسيپىمەن جۇمىس ىستەيتىنىن، سونداي-اق جەرگىلىكتى اتقارۋشى ورگاندار ءوزارا ءتيىمدى ىنتىماقتاستىققا دايىن ەكەندىكتەرىن جەتكىزدى.
