اتىراۋدا مەملەكەتتىك رامىزدەر الاڭى مەن 91 مەترلىك تۋتۇعىر سالىنۋدا دەپ جازادى Qamshy.kz اقپارات اگەنتتىگى اتىراۋ وبلىسىنىڭ وڭىرلىك كوممۋنيكاسيالار قىزمەتىنىڭ دەرەگىن نەگىزگە الىپ. تۋتۇعىر مەن 112 شارشى مەتردى قۇرايتىن مەملەكەتتىك رامىزدەر الاڭى اعىمداعى جىلى قولدانىسقا بەرىلەدى.

تۋدىڭ كولەمى 14،5-تە 29 مەتردى قۇرايدى. ونىڭ ارتىندا ءمارمار تاستان جاسالعان ساۋلەت كومپوزيسياسى – قازاقستان كارتاسى، قولادان جاسالعان بارىس پەن كولوننادا ورنالاسقان. سونداي-اق، قۇرىلىمنىڭ ەكى جاعىنا ەكى يلليۋزيالىق سۋبۇرقاق، جارىقتاندىرۋ ورناتۋ جانە ەكى گەكتار جەردى كوگالداندىرۋ كوزدەلگەن.

— قازىرگى ۋاقىتتا ءبىز بەتون بولىگىنە كوشۋدەمىز، ينجەنەرلىك كوممۋنيكاسيالاردى جۇرگىزىپ جاتىرمىز. قۇرىلىس ءۇشىن بەتون جانە توپىراق قولدانىلادى، توسەۋ جۇمىستارىنا گرانيت جانە ءمارمار قولدانىلادى. جۇمىستاردى اياقتاۋ مەرزىمى - اعىمداعى جىلدىڭ سوڭى، - دەيدى «كاستاتور» ج ش س جوبالىق ينجەنەرى اسحات ءاليانوۆ.