قازاقستاننىڭ تۇڭعىش پرەزيدەنتى نۇرسۇلتان نازاربايەۆتىڭ تاپسىرماسىن ىسكە اسىرۋ اياسىندا ايماقتا كوپ بالالى وتباسىلارعا پاتەر بەرىلە باستادى. بۇگىن اتىراۋدا 15 كوپ بالالى وتباسى جاڭا پاتەر كىلتىن الدى، دەپ حابارلايدى وڭىرلىك كوممۋنيكاسيالار قىزمەتى.
اتىراۋ قالالىق اكىمدىگى حابارلاعانداي، 15 پاتەر «بەرەكە» ىقشاماۋدانىنان بەرىلگەن.
«كەزەكتە تۇرعان كوپ بالالى وتباسىلار پاتەر الدى. جالدامالى باسپانا، جەكەشەلەندىرۋگە جاتپايدى. اي سايىن زاڭمەن بەلگىلەنگەن مولشەردە ازعانتاي سوما تولەيدى"،-دەپ ناقتىلادى اكىمدىكتەن.
ايتا كەتەيىك، ق ر ءماجىلىسى دەپۋتاتتارى كوپ بالالى وتباسىلاردى ساتىپ الۋ قۇقىعىنسىز جالدامالى پاتەرمەن قامتاماسىز ەتۋ تۋرالى زاڭ جوباسىن ماقۇلداعان بولاتىن. قۇجات بويىنشا جالداۋ قۇنى ايىنا ءبىر شارشى مەترگە 115 تەڭگە. جالدامالى باسپاناعا تىركەۋگە تۇرۋ تەك كوپ بالالى وتباسى مۇشەلەرىنە عانا رۇقسات ەتىلەدى، ۇيدە تۋىستارىنىڭ جەڭىلدىكپەن تۇرۋى زاڭمەن قاراستىرىلماعان.
«كەزەكتە تۇرعان كوپ بالالى وتباسىلاردىڭ سانى — 1،5 مىڭ. الداعى ايدا تاعى دا كوپ بالالى وتباسىلارعا باسپانا بەرىلەدى»، - دەپ ناقتىلادى اكىمدىكتەن.
ۇسىنعان: اسەل بولات قىزى
