تۇركىستان وبلىسى تولەبي اۋدانىنداعى 2 ش.ءۋاليحانوۆ اتىنداعى مەكتەبىن 1999 جىلى بىتىرگەن تۇلەكتەر قاسيەتتى رامازان ايىندا قايىرىمدى ءىس جاساپ، كوپبالالى اناعا باسپانا اپەردى دەپ حابارلايدى Qamshy.kz اقپارات اگەنتتىگى teriskei.kz سايتىنا سىلتەمە جاساپ.
تۇلەكتەر مەكتەپ بىتىرگەندەرىنە 20 جىل تولۋىنا وراي جينالىپ، ورتاق كۇش-جىگەرمەن اۋىز اشار ۇيىمداستىرعان. وعان بارلىق مۇعالىمدەرى مەن اتا-انالارىن شاقىرىپ، سول جەردە كوپبالالى اناعا ءبىر بولمەلى پاتەردىڭ كىلتى مەن بالالارىنا سىيلىقتار تابىستادى.
بۇل قايىرىمدى ءىستى مەكتەپ بىتىرگەندەرىنە 20 جىل تولۋىنا ارنالعان مەرەيتويدا ءسان-سالتانات ورنىنا وزگەلەرگە ۇلگى بولىپ، وسىنداي حالىق سانىن كوبەيتىپ وتىرعان وتباسىلارعا قولداۋ بولسىن دەگەن نيەتپەن جاساعان.
ۇسىنعان: ماقپال سەمباي
