1 مامىر – قازاقستان حالقىنىڭ بىرلىگى مەرەكەسىنە وراي ماڭعىستاۋ وبلىسىنىڭ مۇنايلى اۋدانىنا قاراستى باتىر اۋىلىنداعى 4 پاتەرلى 40 تۇرعىن ءۇيدىڭ كىلتى تابىستالدى.

باسپانالى بولعانداردىڭ قاتارىندا حالىقتىڭ الەۋمەتتىك جاعىنان قورعالاتىن توبىنا جاتاتىن – 22 وتباسى (ونىڭ ىشىندە: 1،2 توپتاعى مۇگەدەك وتباسى - 4، كوپ بالالى وتباسى -1، مۇگەدەك بالاسى بار 4 جانۇيا، 1 زەينەتكەر جانە 12 تولىق ەمەس وتباسى) جانە 18 بيۋدجەت سالاسىنىڭ قىزمەتكەرلەرى بار.

شاراعا قاتىسقان ماڭعىستاۋ وبلىسى اكىمىنىڭ ءبىرىنشى ورىنباسارى ءاليحان قىراۋبايەۆ اۋىل تۇرعىندارىن 1 مامىر - قازاقستان حالقىنىڭ بىرلىگى كۇنى مەرەكەسىمەن قۇتتىقتاپ، كۇنى كەشە عانا ەلباسىمىز نۇرسۇلتان ءابىش ۇلى قازاقستان حالقى اسسامبلياسىنىڭ سەسسياسىندا اتاپ وتكەندەي، بۇل مەرەكەنىڭ ماڭىزى زور ەكەندىگىن اتاپ ءوتتى. 

«اتاجۇرتىن اڭساپ كەلگەن قانداستارىمىز كوپتەپ قونىستانعان جاس اۋدان مەملەكەتتىك ساياساتقا ساي شەشىمدى ءىس-قيمىلداردىڭ، بىرلىكپەن جاسالعان تىرلىكتىڭ، توگىلگەن تەر مەن ەسەپسىز ەڭبەكتىڭ، كوپ كۇش-جىگەردىڭ ارقاسىندا كۇن ساناپ دامىپ، شاڭىراعى بيىك ىرىسى مەن بەرەكەسى دارىعان ولكەگە اينالىپ كەلەدى مىنە، ءبىز بۇگىن جاڭا باسپاناعا قول جەتكىزگەن 40 وتباسىنىڭ قۋانىشىنا كۋا بولىپ وتىرمىز. مۇنىڭ بارلىعى ەلباسىمىزدىڭ الەۋمەتتىك باستامالارى مەن رەفورمالارىنىڭ ءساتتى جۇزەگە اسقاندىعىنىڭ ايقىن كورىنىسى. حالىقتىڭ ءال-اۋقاتىن ارتتىرۋ، تۇرمىس-تىرشىلىگىن جاقسارتۋ مەملەكەتتىڭ ءجىتى نازارىندا»، - دەدى ءاليحان قىراۋبايەۆ. 

سونىمەن قاتار، 2019 - «جاستار جىلى» اياسىندا قىزىلتوبە اۋىلدىق وكرۋگىندەگى جاڭادان بوي كوتەرگەن «جاستار» ساياباعىن ارالادى. دەمەۋشىلەردىڭ قولداۋىمەن سالىنعان امبەباپ سپورتتىق ساياباقتىڭ جالپى اۋدانى 22 626،0 شارشى مەتردى قۇرايدى. ويىن الاڭىندا فۋتبول، باسكەتبول ويناپ، جاس سپورتشىلارعا ستريت-ۆوركاۋتتا شۇعىلدانۋعا جانە دەمالۋشىلارعا قولايلى جاعدايلار جاسالعان.