ماڭعىستاۋ وبلىسىنىڭ اكىمى ەرالى توعجانوۆ ۇلى وتان سوعىسى ارداگەرلەرىمەن كەزدەستى.

1941 جىلى سۇراپىل سوعىسقا ماڭعىستاۋ ولكەسىنەن 6388 ەر-ازامات اتتانعان. ونىڭ 4200 ەلگە ورالماي، جات جەردىڭ توپىراعى بۇيىرعان. بۇگىنگى كۇندە وسىناۋ سۇم سوعىس جاڭعىرىعى قاشىقتاعان سايىن، ونىڭ وتتى كۇندەرىن باستارىنان وتكەرگەن اعا ۇرپاق وكىلدەرىنىڭ سانى دا كۇن ساناپ ازايۋدا. كەزدەسۋگە وبلىستا قالعان 16 ارداگەردىڭ سەگىزى قاتىستى. ولار دوستىق ۇيىندە، ءبىر شانىراقتان استىندا، ءبىر ءۇيدىن بالاسىنداي ءتاتۋ-تاتتى، بىرلىكتە ءومىر ءسۇرىپ جۇرگەن 22 ەتنومادەنيەت ورتالىقتارىنىڭ مەرەكەلىك كونسەرتىنە كۋا بولدى. مەرەكەلىك داستارحاننان ءدام تاتىپ، سوعىس جىلدارىنان سىر شەرتەر بەينەروليكتەردى تاماشالادى. 

قازىرگى ۋاقىتتا ماڭعىستاۋ وبلىسىندا ۇلى وتان سوعىسىنىڭ ارداگەرلەرى تولىقتاي تۇرعىن ۇيمەن قامتاماسىز ەتىلگەن. شارادا وبلىس اكىمى ەرالى توعجانوۆ ارداگەرلەردى قۇتتىقتاپ، ولاردىڭ ەرلىگى ۇمىتىلمايتىنىن ايتتى.

«قۇرمەتتى ارداگەرلەر، بۇل – وتان قورعاۋ جولىنداعى وشپەس ەرلىك پەن ولشەۋسىز داڭقتىڭ، حالقىمىزدىڭ قايسارلىعى مەن قاھارماندىعىنىڭ مەرەكەسى. سىزدەردىڭ مايدان شەبىندەگى تەڭدەسسىز ەرلىكتەرىڭىز بەن تاباندىلىقتارىڭىز عاسىرلار بويى جاساي بەرەدى. جىلدار بويى سۇم سوعىسقا شىداي بىلگەندەردى جىلىنا ءبىر رەت ەمەس، ساعات سايىن قۇرمەتكە بولەۋ ءبىزدىڭ پارىزىمىز» – دەدى وبلىس باسشىسى.