قازىرگى تاڭدا ەكى تاراپ ءبىر شەشىمگە كەلە الماي جاتىر. بۇل تۋرالى Sport Illustrated ءتىلشىسى ءارى DAZN ستريمينگ سەرۆيسىنىڭ جۇرگىزۋشىسى كريس مەننيكس ايتتى دەپ حابارلايدى Qamshy.kz اقپارات اگەنتتىگى Vesti.kz سايتىنا سىلتەمە جاساپ.

كوماندالار ءۇشىنشى جەكپە-جەكتىڭ وتەتىن ورنىن شەشە الماي وتىر. گولوۆكين نيۋ-يوركتە نەمەسە تەحاس شتاتىندا جۇدىرىقتاسۋدى قالاسا، الۆارەس تريلوگيانى لاس-ۆەگاستا اياقتاۋدى ءجون كورەدى. قازاقستاندىق بوكسشىنىڭ لاس-ۆەگاستا وتكەن العاشقى ەكى جەكپە-جەكتەگى تورەشىلەردىڭ قازىلىعىنا كوڭىلى تولماعان - ەكى كەزدەسۋدە وعان التى تورەشىنىڭ بىرەۋى عانا جەڭىس بەرگەن ەدى. 

Golden Boy پروموۋتەرلىك كومپانياسى گولوۆكيننىڭ كومانداسىمەن تريلوگيا وتكىزۋ بويىنشا كەلىسسوز جۇرگىزۋگە دايىن، كەيىن باسقا كانديداتتارعا اۋىسپاق. مەننيكستىڭ مالىمدەۋىنشە، ەكى تاراپ كەلىسە المايدى.  گولوۆكين مەن الۆارەس ءۇشىنشى جەكپە-جەكتەن كوپ قاراجات الادى. ەكى بوكسشى دا DAZN-مەن كەلىسىمشارتقا وتىرعان، ال ستريمينگ سەرۆيسى جەكپە-جەكتى بيىل وتكىزۋدى قالايدى، سەبەبى ول جازىلۋشىلار سانىن ارتتىرادى. 

ايتا كەتەيىك، 9 ماۋسىمدا گولوۆكين DAZN-داعى العاشقى جەكپە-جەگىن وتكىزىپ، نيۋ-يوركتە كانادالىق ستيۆ روللستى نوكاۋتپەن جەڭگەن بولاتىن. جەكپە-جەكتەن سوڭ گولوۆكين الۆارەستى تريلوگيانى اياقتاۋعا شاقىرعان. گولوۆكين مەن "كانەلو" بۇعان دەيىن ەكى رەت جۇدىرىقتاسقان. بوكسشىلاردىڭ العاشقى جەكپە-جەگى تەڭ اياقتالسا، كەيىن مەكسيكالىق بوكسشى تورەشىلەر شەشىمىمەن جەڭىسكە جەتكەن ەدى.