2018 جىلى ۇلتتىق قاۋىپسىزدىك كوميتەتى ۇزاق ۋاقىت بويى قىتايعا قۇرامىندا التىنى بار كەندى كونتراباندالىق جولمەن شىعارۋمەن اينالىسقان توپتىڭ قۇقىققا قايشى ارەكەتىنىڭ جولىن كەستى. بۇل تۋرالى ۇقك باسپا ءسوز قىزمەتىنە سىلتەمە جاساپ. 

ترانسۇلتتىق ۇيىمداسقان توپتىڭ قۇرامىنا قازاقستان مەن قحر ازاماتتارى بولعان.  

قۇرامىندا التىنى بار كەندى اۋقىمدى تۇردە زاڭسىز ءوندىرۋ جانە ۇرلاۋ اقمولا وبلىسىنىڭ ستەپنوگورسك وڭىرىندە ورنالاسقان كەن ورنىنان جۇزەگە اسىرىلعان. شيكىزاتتى زەرتتەۋ جانە قايتا وڭدەۋ ءۇشىن ارنالعان جاسىرىن زەرتحانالار جويىلدى. 

التىن قۇرامى جوعارى (تونناسىنا 1 كگ دەيىن) قازاقستاندىق كەن ءارتۇرلى مينەرال (كۆارسيت، پيريت جانە باسقالارى) بۇركەمەسىمەن جالعان قۇجاتتار بويىنشا شەتەلگە شىعارىلعان. قىلمىسكەرلەر اي سايىن شامامەن 100 توننا قۇرامىندا التىنى بار شيكىزات شىعارعان.  

ۇقك جۇرگىزگەن ارنايى وپەراسيا بارىسىندا تۇت مۇشەلەرى 250 ملن. تەڭگەدەن استام سالماعى 106 توننادان ارتىق كونتراباندالىق جۇكتىڭ كەزەكتى پارتياسىن – ەكى ۆاگون قۇرامىندا التىنى بار كەندى شىعارۋ كەزىندە قىلمىس ۇستىندە  ۇستالدى. 

“2019 جىلعى 20 ماۋسىمدا الماتى قالاسىنىڭ قىلمىستىق ىستەر بويىنشا مامانداندىرىلعان اۋدانارالىق سوتى بارلىق 12 ايىپتالۋشىنى ق ر قك 234 (ەكونوميكالىق كونتراباندا) جانە 264 (ترانسۇلتتىق ۇيىمداسقان توپ، ترانسۇلتتىق قىلمىستىق ۇيىم قۇرۋ، ولارعا باسشىلىق ەتۋ، سونداي-اق ولارعا قاتىسۋ) باپتارىمەن كوزدەلگەن قىلمىس جاساعانى ءۇشىن كىنالى دەپ تانىپ، ۇزاق مەرزىمگە باس بوستاندىعىنان ايىرۋعا سوتتادى”، - دەلىنگەن حابارلامادا.