بايلانىس جانە اقپارات قىزمەتكەرلەرى (جۋرناليستەر) كۇنىنە وراي «حابار» ارناسى بريتانيالىق BBC One تەلەارناسىنىڭ "پرەسسا" تەلەحيكاياسىن كورسەتەدى دەپ حابارلايدى Qamshy.kz اقپارات اگەنتتىگى. 

6 ءبولىمدى تۋىندىنى كورەرمەندەر 24-28 ماۋسىم ارالىعىندا ساعات 21.30-دا تاماشالايدى.

كارتينانىڭ وقيعا جەلىسى بويىنشا The Herald  گازەتى The Post تابلويدىمەن ءبىر عيماراتتا وتىرادى. The Herald  قىزمەتكەرلەرى جۋرناليستيكانىڭ  پرينسيپتەرىن ۇستانسا، ەكىنشى باسىلىم وقىرماندار سانىن ارتتىرۋ ءۇشىن ەتيكا ەرەجەلەرىن بۇزىپ، جالعان اقپارات تاراتۋعا ءازىر. باسەكەلەس باسىلىمدار كۇردەلى ماسەلەلەر مەن سان الۋان پروبلەمالاردى شەشۋ بارىسىندا كەزدەسەدى. ورتاق اقپارات، دەگەنمەن The Herald ماقساتى – شىندىقتى ايتۋ، ال The Post – وقىرمانداردىڭ كوڭىلىن كوتەرۋدى ءوز مىندەتى دەپ بىلەدى.      

تەلەحيكايادا ەكى باستى كەيىپكەر بار: The Post-تىڭ باس رەداكتورى دۋنكان اللان،  ول ءۇشىن جۇمىس ءبىرىنشى ورىندا جانە  The Herald گازەتىنىڭ جاڭالىقتار ءبولىمىنىڭ رەداكتورى حوللي ەۆانس. سونىمەن قاتار تۋىندىدا  مەديانىڭ digital زامانىنا جانە اقپارات اعىنىنا  بەيىمدەلۋ بارىسى دا ءسوز بولادى.

كارتينانىڭ اۆتورى مايك بارتلەتت («دوكتور فوستەر»)، باستى رولدەردى بەن چاپلين («سنوۋدەن»، «يمەنيننيسا»)، شارلوتتا رايلي («گروزوۆوي پەريەۆال»، «وسترىە كوزىركي») جانە ديەۆيد سۋشە («پۋارو اگاتى كريستي») وينايدى.

«پرەسسا» تەلەحيكاياسىنداعى گازەتتەر ويدان شىعارىلعان، دەگەنمەن سىنشىلار، سەريالداعى باسىلىمدار The Sun تابلويدى جانە The Guardian گازەتى (بريتانيانىڭ تانىمال باسىلىمدارى) بولۋى مۇمكىن دەيدى. تەلەحيكايانىڭ رەجيسسەرى توم ۆوننىڭ ايتۋىنشا باسىلىمداردىڭ ايقىن ءپروتوتيپى جوق، الايدا تۇسىرىلىمنەن بۇىن شىعارماشىلىق توپ ءارتۇرلى باسىلىمداردىڭ جۇمىسىمەن تانىسىپ، ءارقايسىنان قىزىقتى تۇستارىن العان.