قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازاربايەۆ «بولاشاققا باعدار: رۋحاني جاڭعىرۋ» اتتى ماقالاسىندا بىزگە ينجەنەرلەر مەن دارىگەرلەر عانا ەمەس، قازىرگى زاماندى جانە بولاشاقتى تەرەڭ تۇسىنەتىن بىلىكتى گۋمانيتارلىق سالا ماماندارى دا اۋاداي قاجەت ەكەنىن ايتتى. تاريح پەن ساياساتتانۋ، الەۋمەتتانۋ مەن فيلوسوفيا، پسيحولوگيا، پەداگوگيكا، ەكونوميكا، مادەنيەتتانۋ جانە فيلولوگيا عىلىمدارى بويىنشا ستۋدەنتتەرگە زامانعا لايىق ءبىلىم بەرۋگە قاجەتتى جاعداي جاساۋدى تاپسىردى.
وسى مىندەتتى ىسكە اسىرۋعا مۇمكىندىك بەرەتىن نەگىزگى تەتىك رەتىندە «جاڭا گۋمانيتارلىق ءبىلىم. قازاق تىلىندەگى «100 جاڭا وقۋلىق» جوباسى قولعا الىندى دەپ جازادى Qamshy.kz اقپارات اگەنتتىگى.
جوبانىڭ ماقساتى – گۋمانيتارلىق ءبىلىمنىڭ بارلىق باعىتى بويىنشا الەمدەگى تاڭدامالى وقۋلىقتاردى قازاق تىلىنە اۋدارىپ، جاستارعا جاڭاشىل باعىتتا ءبىلىم بەرۋ. بۇل باستاما 2018-2019 وقۋ جىلىندا ستۋدەنتتەردىڭ وقۋ باعدارلاماسى بويىنشا جۇزەگە اسىرىلادى.
«100 جاڭا وقۋلىق» جوباسى اياسىندا كوۆي مەن ءحاراريدىڭ كىتاپتارى جارىق كورىپ، جامبىل وبلىسى تالاس اۋداندىق ورتالىق كىتاپحانانىڭ كىتاپ قورىن تولىقتىردى. “رۋحاني جاڭعىرۋ” باعدارلاماسىندا كورسەتىلگەن سانانىڭ اشىقتىعى، بىلىمگە قۇشتارلىق، پراگماتيزم سياقتى نەگىزگى قۇندىلىقتار جاستار اراسىندا وسىنداي كىتاپتار ارقىلى جاقسى قامتىلادى.
اتالمىش كىتاپ اۋدان اكىمىنىڭ ورىنباسارى ق.سادۋبايەۆقا ناسيحاتتالىندى.
يۋۆال نواھ ءحاراريدىڭ “Sapiens: ادامزاتتىڭ قىسقاشا تاريحى” 20-دان استام مەملەكەتتە 7 ميلليون دانامەن تارالعان. ونى قازاق تىلىنە اۋدارعان اۆتور – ماقسوت ءىزىم ۇلى.
ايتا كەتەيىك، وقۋلىقتار 130 جوعارى وقۋ ورنى مەن 130 كوللەدجگە 10 مىڭ دانامەن تاراتىلدى. ونىڭ ۇستىنە openu.kz سايتىنان «ۇلتتىق اۋدارما بيۋروسىندا» شىققان بارلىق كىتاپتىڭ ەلەكتروندى نۇسقاسىن اشىپ، وقۋعا بولادى. ياعني، كىتاپتاردى ينتەرنەتى بار كەز كەلگەن ادام اشا الادى.
بۇعان قوسا، سالا عالىمدارىنىڭ قاتىسۋىمەن بارلىق وقۋلىققا قازاق، ورىس تىلدەرىندە ۆيدەولەكسيالار ازىرلەنىپ، سول رەسۋرسقا سالىنىپ جاتىر. كىتاپتاردىڭ كەيبىرىنىڭ اۋديونۇسقالارى ازىرلەنىپ، ولاردى دا جۇكتەپ جاتىرمىز. حالىقتان سۇرانىس بولعاندىقتان، كەي وقۋلىقتاردى كىتاپ دۇكەندەرىنە شىعاردىق. قىسقاسى، وقۋلىقتار قالىڭ وقىرمانعا جەتۋى ءۇشىن قولدان كەلگەن مۇمكىندىكتىڭ ءبارىن جاساۋعا تىرىسىپ جاتىر.
