تاراز قالاسىنداعى «بالاساعۇن» ورتالىق كونسەرت زالىندا «Keleshekke – kemel bilimmen» اتتى وبلىستىق تامىز كەڭەسى وتۋدە. جيىندا وتكەن وقۋ جىلىنا شولۋ جاسالىپ، جاڭا وقۋ جىلىنداعى ماقساتتار مەن جوسپارلار ناقتىلانباق دەپ جازادى Qamshy.kz اقپارات اگەنتتىگى. 

جالپى، وبلىستا ءبىلىم بەرۋ جۇيەسىن دامىتۋعا ەرەكشە نازار اۋدارىلۋدا. بيىل ءبىلىم جۇيەسىن قارجىلاندىرۋعا 130 ملرد. تەڭگە ءبولىندى، بۇل وتكەن جىلمەن سالىستىرعاندا 22،2 ملرد. تەڭگەگە ارتىق (2017 جىلى – 107،8 ملرد. تگ.). ونىڭ 5،1 ملرد. تەڭگەسى ءبىلىم بەرۋ نىساندارىنىڭ قۇرىلىسى مەن كۇردەلى جوندەۋگە قارالعان.

وبلىستا ءبىلىم سالاسى جاڭا وقۋ جىلىندا بىرنەشە جاڭالىقتارمەن ەرەكشەلەنبەك. اتاپ ايتقاندا مەكتەپكە دەيىنگى ءبىلىم بەرەتىن ۇيىمداردىڭ سانى 545-كە جەتتى. وندا 55207 بالا تاربيەلەنۋدە. وڭىردە مەكتەپكە دەيىنگى تاربيەمەن قامتىلعاندار ۇلەسى 3-6 جاس ارالىعىندا 98،6%-عا ارتسا، جىل سوڭىنا دەيىن 100%-عا قامتىلادى.

جالپى، وتكەن وقۋ جىلى جەمىستى بولدى. مەكتەپ بىتىرگەن 8813 تۇلەكتىڭ 317ء-ى «التىن بەلگى» ءتوس بەلگىسىنە، ال 242 وقۋشى «ۇزدىك» اتتەستاتقا يە بولدى. تۇلەكتەردىڭ 65،4 پايىزعا جۋىعى جوعارعى وقۋ ورىندارىندا وقۋعا مەملەكەتتىك گرانت جەڭىپ الدى.

وبلىس وقۋشىلارى حالىقارالىق، دۇنيەجۇزىلىك، رەسپۋبليكالىق ءپان وليمپيادالارى مەن عىلىمي جارىستاردا132 مەدالداردى يەلەنسە (2018 ج. - 123)، شىعارماشىلىق بايقاۋلاردا 2967 جۇلدەلى ورىنداردى، ءتۇرلى سپورت جارىستارىندا 238 مەدال جەڭىپ الدى.

رەسپۋبليكالىق «ۇلتتىق مەكتەپ ليگاسىندا» جامبىلدىق وقۋشىلار جالپى كوماندالىق ەسەپتە ءى ورىنعا يە بولدى.

شاكىرتتەرىن ءبىلىم نارىمەن سۋسىنداتىپ، ادامگەرشىلىك رۋحتا تالىم-تاربيە بەرىپ، جاقسى قاسيەتتەردى بويىنا دارىتۋدا ءمۇعالىمنىڭ ەڭبەگى زور. وبلىستا 1232 پەداگوگ رەسپۋبليكالىق، حالىقارالىق بايقاۋلار مەن قاشىقتىق وليمپيادالارىندا جەڭىمپاز اتاندى.