«Nur Otan» پارتياسى جامبىل وبلىستىق فيليالىنىڭ قوعامدىق قابىلداۋ بولمەسىنىڭ مەڭگەرۋشىسى ءۇمىتبالا يبرايموۆا «Nur Otan» پارتياسى مويىنقۇم اۋداندىق فيليالىندا «حالىققا كومەك» پارتيالىق جوباسى اياسىندا «حالىقتىڭ ماسەلەسىن شەشەمىز» اتتى كوشپەلى قوعامدىق قابىلداۋ وتكىزدى دەپ جازادى Qamshy.kz اقپارات اگەنتتىگى. 

كوشپەلى قوعامدىق قابىلداۋعا وبلىستىق ماسليحاتتىڭ دەپۋتاتى جايدار ايتىشيەۆ، پارتيا اۋداندىق فيليالى ءتوراعاسىنىڭ ءبىرىنشى ورىنباسارى ماناربەك كوشكىمبايەۆ جانە وزگە جەرگىلىكتى اتقارۋشى ورگانداردىڭ وكىلدەرى قاتىستى.

كوشپەلى قوعامدىق قابىلداۋعا كەلگەن مويىنقۇم اۋىلىنىڭ تۇرعىنى، كوپ بالالى انا گۇلميرا اسەتىلدايەۆا ءوزىنىڭ از قامتىلعان وتباسى رەتىندە مەكتەپ جاسىنداعى بالالارىنا مەكتەپكە قاجەتتى كيىم-كەشەكتەرىن الىپ بەرۋىن ءوتىندى. پارتيا وبلىستىق فيليالىنىڭ قوعامدىق قابىلداۋ بولمەسىنىڭ مەڭگەرۋشىسى ءۇ. يبرايموۆا ءوتىنىش يەسىمەن سويلەسە كەلە وسى وتباسىندا مەكتەپ جاسىنداعى بالا سانىن انىقتاپ، قوعامدىق قابىلداۋعا قاتىسىپ وتىرعان اۋداندىق ءبىلىم بولىمىنە از قامتىلعان وتباسىلار تىزىمىنە قوسۋدى قاتاڭ تاپسىردى. سونىمەن قاتار، ءۇمىت سەرىك قىزى بۇل وتباسىنى ءوز نازارىنا ۇستايتىنىن جەتكىزدى. قوعامدىق قابىلداۋ بارىسىندا اتالعان ازاماتشاعا اۋدان اكىمدىگىنىڭ قارجى ءبولىمىنىڭ باسشىسى ادىلبايەۆ تانات جومارتتىلىعىن تانىتىپ، كوپبالالى اناعا 1 سىنىپ وقيتىن بالاسىنا مەكتەپكە قاجەتتى كيىم-كەشەك تاپسىردى.

قوعامدىق قابىلداۋعا جازىلعان كەلەسى ازاماتشا – مويىنقۇم اۋىلىنىڭ تۇرعىنى، كوپ بالالى انا كۇلياش سماعۇلوۆا ءوزىنىڭ 6 بالاسى بار ەكەنىن ايتتى. جاعدايى جوقتىعىن، جانە مەكتەپ جاسىنداعى بالالارىنا مەكتەپكە قاجەتتى قۇرالدارىن، كيىم-كەشەكتەرىن الىپ بەرۋىن سۇرادى. ءۇمىت يبرايموۆا ءوتىنىش يەسىمەن تىلدەسە كەلە كوپبالالى وتباسى رەتىندە اتاۋلى الەۋمەتتىك كومەك الاتىنىڭ انىقتاپ، بالالارىن از قامتىلعان وتباسىلار تىزىمىنە كىرگىزۋدى ەسكەرتتى. ال ءوز كەزەگىندە وبلىستىق پارتيا قوعامدىق قابىلداۋ بولمەسىنىڭ مەڭگەرۋشىسى ءۇ.يبرايموۆا الداعى ۋاقىتتا اتالعان كومەكتى العانىن ءجىتى باقىلايتىندىعىن ەسكە سالدى. قابىلداۋ بارىسىندا اۋدان اكىمدىگىنىڭ ەكونوميكا جانە بيۋدجەتتى جوسپارلاۋ ءبولىمىنىڭ باسشىسى تولەگەنوۆ ءسابيت ءوزىنىڭ ءارقاشاندا وسىنداي كوپبالالى انالارعا قول ۇشىن بەرەتىندىگىن جەتكىزىپ، سماعۇلوۆا كۇلياشقا 7 سىنىپ وقيتىن بالاسىنا مەكتەپكە قاجەتتى سپورتتىق كيىم مەن سپورتتىق اياق كيىمىن تاپسىردى. ءوتىنىش يەسى ءوزىنىڭ ريزاشىلىعىن ءبىلدىرىپ، قوعامدىق قابىلداۋعا جينالعان قۇزىرلى ورگانداردىڭ باسشىلارى ءوز العىسىن ءبىلدىردى.

قوعامدىق قابىلداۋعا كىرگەن قىلىشباي اۋىلىنىڭ تۇرعىنى، كوپبالالى انا ديدانبەكوۆا جازيرا قالماقان قىزى كوپ بالالى انا رەتىندە

مەملەكەتتەن قايتارىمسىز نەسيە العىسى كەلەتىنىن جەتكىزىپ، وزىنە جەكە كاسىپ اشقىسى كەلەتىندىگىن ايتىپ، نەسيە الۋعا كومەكتەسۋىن ءوتىندى. جۇمىسپەن قامتۋ ورتالىعىنىڭ ديرەكتورى قالىمبەتوۆا باقىت ديدانبەكوۆا جازيرا بۇدان بۇرىن وزىنە ءوتىنىش جاساعانىن، سونىمەن قاتار، بۇل ازاماتشانىڭ بيزنەس جوباسىن ءوزى قورعاپ شىققانىن، ءبىر اپتا كولەمىندە نەسيە بەرىلەتىندىگىن ايتىپ، ءوتىنىش يەسىن قۋانتتى. ماسەلە وڭ شەشىمىن تاپتى.

قوعامدىق قابىلداۋ سوڭىندا «Nur Otan» پارتياسى جامبىل وبلىستىق فيليلانىڭ قوعامدىق قابىلداۋ بولمەسىنىڭ مەڭگەرۋشىسى قاتىسىپ وتىرعان قۇزىرلى ورگاندارعا قوعامدىق قابىلداۋعا ۇنەمى قاتىسىپ، بەلسەندىلىك تانىتۋعا شاقىردى.