جامبىل وبلىسى اكىمدىگىنىڭ تۋريزم باسقارماسى وبلىستىڭ تۋريزم سالاسى كاسىپكەرلەرىنە جانە ماماندارىنا ارنالعان وقىتۋ سەمينارىن وتكىزدى. ش.ءۋاليحانوۆ اتىنداعى وبلىستىق عىلىمي امبەباپ كىتاپحاناسىندا وتكەن جيىندا ۇيىمداستىرۋشى باسقارمانىڭ ماماندارى «Taraz Tour» ءموبيلدى قوسىمشاسىن ءتيىمدى پايدالانۋ بويىنشا ءدارىس جۇرگىزدى. باسقوسۋعا وبلىستاعى بارلىق تۋريستىك فيرمالار، ءقوناق-ۇي باسشىلارى، مەيرامحانا جانە دە ەمدەۋ ساۋىقتىرۋ ورتالىقتارىنىڭ وكىلدەرى قاتىستى دەپ جازادى Qamshy.kz اقپارات اگەنتتىگى. 

ايتا كەتەيىك، بۇدان بۇرىن «سيفرلى قازاقستان» باعدارلاماسىنىڭ اياسىندا وبلىستا «Taraz Tour» ءموبيلدى قوسىمشاسى ىسكە قوسىلعان بولاتىن. ءموبيلدى قوسىمشا ۇستەمە شىنايىلىق ەلەمەنتتەرىن قۇرايتىن بەس تىلدەگى اۋديو جانە ماتىندىك اقپاراتتان تۇرادى. بۇگىندە وبلىستىڭ 33 ءىرى تۋريستىك نىساندارىنا QR كودتارى ورناتىلدى. ناتيجەسىندە كەز-كەلگەن تۋريست تاريحي ورىن جايىندا تولىق اقپارات الاتىن جاعدايعا جەتتى. ەندىگى كەزەك، جان-جاقتى قامتىلعان ءموبيلدى قوسىمشاعا وڭىردەگى بارلىق تۋريستىك قىزمەت كورسەتۋ ورىندارىن ەنگىزۋ. اتالمىش وقىتۋ سەمينارى وسى ماقساتتا وتكىزىلىپ وتىر.

ءموبيلدى قوسىمشا تەك تۋريستەر ءۇشىن عانا ەمەس، سونىمەن قاتار تۋريستىك فيرمالار، قوناق-ۇيلەر مەن مەيرامحانا جانە دە ەمدەۋ ساۋىقتىرۋ ورتالىقتارىنا دا وڭتايلى. قىزمەت كورسەتۋشى مەكەمەسى جايىندا تولىق اقپاراتتى قوسىمشاعا جۇكتەي وتىرىپ، تۋريستەردى تارتۋىنا مول مۇمكىندىك الادى.

«Taraz Tour» - بۇل ايماقتىڭ تۋريستىك وبەكت تۋرالى جىلدام اقپارات بەرۋ ماقساتىندا ءموبيلدى قۇرىلعىلارعا ارنالعان، تۋريستىك ورىنداردى كوپشىلىككە تاراتۋ ءۇشىن ىڭعايلى بولاتىن قۇرامىندا بىرنەشە قىزمەت ءتۇرى ەنگىزىلگەن بىرەگەي ءموبيلدى قوسىمشا. «Taraz Tour» ءموبيلدى قوسىمشاسىن قولدانۋ ءۇشىن Google ۇسىنعان رlay market نەمەسە اppstore قولدانبالار دۇكەنىنەن «Taraz Tour» قوسىمشاسىن جۇكتەۋ قاجەت. «Taraz Tour» قوسىمشاسىن جۇكتەپ العان سوڭ، ءموبيلدى تەلەفون كامەراسىن ارنايى ورناتىلعان QR-كودقا جاقىنداتۋ ارقىلى بەرىلگەن وبلىستىق تاريحي-مادەني جانە تۋريستىك ورىن تۋرالى تولىق اقپارات الۋعا بولادى. ءموبيلدى قوسىمشا ۇستەمە شىنايىلىق ەلەمەنتتەرىن قۇرايتىن بەس تىلدە اۋديو جانە ماتىندىك اقپاراتتان تۇرادى.

قوسىمشا تاريحي پەرسوناجدار ستيلىندە ۇستەمەلى شىنايىلىقتىڭ كومەگىمەن اقپاراتتى قابىلداۋدى جاقسارتۋ، جامبىل وبلىسىنىڭ ساكرالدى ورىندارىندا «تۇرعان اسەردى» بەرەتىن جانە ۆيرتۋالدى شىنايىلىلىقتى جاسايتىن 360 گرادۋستى ۆيدەوروليكتەر، ينتەرنەت جەلىسى جوق جەرلەردە دە قوسىمشامەن قولدانۋعا مۇمكىندىك بەرەتىن ءتارتىپ، تۋريستىك گيد جانە وبەكتىگە كەلۋشىلەردىڭ سانى تۋرالى تولىق اناليتيكا بار بەس نەگىزگى كومپونەنتتەن تۇرادى.
قازىرگى كەزدە جامبىل وبلىسىنىڭ 33 تۋريستىك نىسانىنا، ءار نىساننىڭ كىرە بەرىس شەتىنە بيىكتىگى 1 م. ەنى 70 سم. بولاتىن مرامور تاسىنا بەرىلگەن تۋريستىك نىسان تۋرالى اقپارات ەنگىزىلگەن QR-كود ورناتىلدى.