كاسىپكەرلىكتىڭ كوكجيەگىن كەڭەيتۋ – ەل ەرتەڭىنە سالىنعان ينۆەستيسيا ەكەنى داۋسىز. سوندىقتان دا مەملەكەت باسشىسى قاسىم-جومارت كەمەل ۇلى سوڭعى جولداۋىندا اسىراۋشى سالاعا باسىمدىق بەرىپ، شاعىن جانە ورتا بيزنەستى دامىتۋدى نىقتاپ تاپسىردى. وسى ورايدا جامبىل وبلىسى جامبىل اۋدانىندا كاسىپكەرلىك سالاسىندا كوز قىزىعارلىقتاي تىرلىكتەر اتقارىلۋدا دەپ جازادى Qamshy.kz اقپارات اگەنتتىگى. 

اۋدان بويىنشا جالپى تىركەلگەن 4 800 كاسىپكەرلىك نىساندارىندا 7 534 ادام جۇمىسپەن قامتىلدى. بارلىق شاعىن كاسىپكەرلىك سالاسى بويىنشا ەسەپتى كەزەڭدە 16 ملرد 296،5 ملن. تەڭگەنىڭ ءونىمى وندىرىلگەن. بۇل اۋداندا جالپى شىعارىلعان ءونىم كولەمىنىڭ 45،2% قۇرايدى.

«بيزنەستىڭ جول كارتاسى 2020» باعدارلاماسى اياسىندا 6 جوبا ماقساتىندا پايىزدىق ستاۆكانى سۋبسيديالار شارتىمەن 442 ملن. تەڭگە كولەمىندە نەسيە الدى. ونىڭ ىشىندە 69،2 ملن. تەڭگەگە كەپىلدەمە بەرىلگەن.

ال اۋدان بويىنشا اۆتوموبيل جولدارىنىڭ جالپى ۇزىندىعى 716،7 شاقىرىمعا ەتەدى. اتاپ ايتساق، رەسپۋبليكالىق ماڭىزى بار جولداردىڭ جالپى ۇزىندىعى 72 شاقىرىم. ونىڭ 58 شاقىرىمى «باتىس ەۋروپا – باتىس جۇڭگو» اۆتوجولى. وبلىستىق ماڭىزى بار اۆتوموبيل جولدارىنىڭ ۇزىندىعى 85،7 شاقىرىم. اۋداندىق ماڭىزى بار جولداردىڭ جالپى سانى 35، ۇزىندىعى 163،0 شاقىرىم. ەلدى مەكەندەردەگى كوشەلەر سانى – 475، ۇزىندىعى - 396 شاقىرىم. ونىڭ 157 شاقىرىم ءاسفالتتى توسەم، 239 شاقىرىم شاعالدى توسەم.

2019 جىلى اۋدان بويىنشا اۆتوموبيل جولدارىن ۇستاۋعا 48،5 ملن. تەڭگە جانە اۋداندىق ماندەگى اۆتوموبيل جولدارىن جوندەۋگە 128،9 ملن. تەڭگە ءبولىندى. بۇل قاراجاتتارعا اۋداندىق ماڭىزى بار 5 جول (اسا-مىرزاتاي، ءايشابيبى-قاراتاۋ، پيونەر-سەڭگىرباي، قۇمتيىن-ورنەك-ەرنازار جولدارى) ورتاشا جوندەۋدەن وتكىزىلەدى.

سونىمەن قاتار، اۋىل ىشىلىك جولداردى جوندەۋگە 207،3 ملن. تەڭگە ءبولىنىپ، بۇل قاراجاتتارعا 11 اۋىلدىڭ 24 كوشە جولدارى جوندەۋدەن وتكىزىلەدى.

2019 جىلى جالپى اۋدان بويىنشا اۆتوموبيل جولدارىن جوندەۋگە جانە ۇستاۋعا 384،8 ملن. تەڭگە ءبولىندى.

2019 جىلعا اۋداندىق بيۋدجەتتەن ەلدى مەكەندەردىڭ سانيتارياسىن كامتاماسىز ەتۋ ماقساتىندا 33 ملن. 375 مىڭ تەڭگە ءبولىندى (تۇكشجكجاج ءبولىمى ارقىلى – 23 ملن. 681 مىڭ تەڭگە، وكرۋگتەرگە – 9 ملن. 694 مىڭ تەڭگە).

ال، اباتتاندىرۋ جانە كوگالداندىرۋ جۇمىستارىنا 139 ملن. 742 مىڭ تەڭگە ءبولىندى (تۇكشجكجاج ءبولىمى ارقىلى – 121 ملن. 610 مىڭ تەڭگە، وكرۋگتەرگە – 18 ملن. 132 مىڭ تەڭگە).

2019 جىلعا ەلدى مەكەندەردەگى كوشەلەردى جارىقتاندىرۋعا، اتاپ ايتقاندا، ەلەكتر جەلىسىنىڭ جانە ترانسفورماتورلاردىڭ تەحنيكالىق قىزمەتى مەن تۇتىنىلعان ەلەكتر ەنەرگياسى ءۇشىن كوممۋنالدىق اقى تولەۋگە 111 ملن. 920 مىڭ تەڭگە ءبولىنىپ، يگەرىلۋدە.

بۇل اۋدانداعى جۇيەلى جۇمىس پەن باعدارلى باعىتتى ايقىندايتىنى بەلگىلى.