جامبىل وبلىسى قازاقستان حالقى اسسامبلەياسىنىڭ «جاڭعىرۋ جولى» جاستار قوزعالىسىنىڭ ءبىرقاتار بەلسەندىلەرى مەن وڭىرلىك ەتنوس وكىلدەرىنىڭ جاس مۇشەلەرى تۇركىستان قالاسىنا ساياحات جاساپ قايتتى.

شاراعا وبلىستىق اسسامبلەيانىڭ بەلسەندى جاستارى، جامبىل وبلىسى اكىمى اپپاراتىنىڭ «قوعامدىق كەلىسىم» كوممۋنالدىق مەملەكەتتىك مەكەمەسى، «جاڭعىرۋ جولى» جاستار قوزعالىسىنىڭ وڭىرلىك شتابىنىڭ مۇشەلەرى، از قامتىلعان وتباسىنان شىققان مەكتەپ جانە كاسىپتىك-تەحنيكالىق وقۋ ورىندارىنىڭ وقۋشىلارى مەن بىلىمگەرلەرى، اتا-اناسىنىڭ قامقورلىعىنسىز قالعان بالالار قامتىلدى.

ەكسكۋرسيانىڭ باستى ماقساتى – قازاقستانداعى جاستار جىلى اياسىندا تۇركىستان، جامبىل وبلىستارىنىڭ بەلسەندى جاستارىن قازاقستان پرەزيدەنتى جولداۋى جۇكتەگەن مىندەتتەرگە جۇمىلدىرۋ، قوعامدىق كەلىسىم مەن جالپىۇلتتىق بىرلىككە نەگىزدەلگەن قازاقستاندىق پاتريوتيزم قۇندىلىقتارىن ىلگەرلەتۋ بولىپ تابىلادى. سونداي-اق، وسكەلەڭ ۇرپاقتى ەلىمىزدەگى ىشكى ءتۋريزمدى قالىپتاستىرۋ، ولكە تاريحىمەن جانە ونىڭ گەوگرافياسىمەن تانىستىرۋ.

كونە تاراز شاھارىنان ەجەلگى تۇركىستانعا بەت العان جاستاردىڭ كەرۋەنى جول بويىندا ەلىمىزدىڭ وڭتۇستىك استاناسى سانالاتىن شىرايلى شىمكەنت قالاسىنا توقتاپ، جەرگىلىكتى اسسامبلەيانىڭ جاستارىمەن جۇزدەستى.

كەزدەسۋ باسىندا ءسوز سويلەگەن جامبىل وبلىسى اكىمى اپپاراتىنىڭ «قوعامدىق كەلىسىم» كمم باسشىسى رانو ماحسۋد قىزى جەرگىلىكتى اسسامبلەيا قىزمەتكەرەلەرىنە العىسىن ايتىپ، جاستارعا جالىندى سوزدەرىن ارنادى. سونداي-اق ەكسكۋرسيانىڭ الداعى باعىت-باعدارلارىمەن تانىستىرىپ، جاستارمەن بىرگە اتقارىلىپ جاتقان جۇمىستىڭ جۇيەسىنە توقتالدى. كەزدەسۋ بارىسىندا ەكى جاقتىڭ جىل بويى اتقارىلعان جۇمىستارىنىڭ قورىتىندىسى، جولداۋعا قولداۋ بىلدىرگەن جاستار، اباي قۇنانباي ۇلىنىڭ 175 جىلدىعىنا ارنالعان چەللەندجدىڭ جالعاسۋى تۋرالى ويلار مەن پىكىرلەرىن ورتاعا سالدى.

ەكسكۋرسيانىڭ ەكىنشى كۇنى قوجا احمەت ياسساۋي، رابيعا-سۇلتان بەگىم كەسەنەلەرى، قوجا احمەت ياسساۋي كەسەنەسىنىڭ ماڭىنان ورىن تەپكەن ەمدىك قاسيەتكە يە شىعىس مونشاسى، قىلۋەت جەر استى مەشىتىنە، ءشاۋىلدىر اۋىلىنداعى ارىستان-باب كەسەنەسى، وتىرار قالاشىعى، وتىرار تاريحي-ولكەتانۋ مۇراجايىنا ساياحات جاساعان جاستار تاريحپەن بەتپە-بەت كەلگەندەي اسەر الدى.

ق.ا.ياسساۋي كەسەنەسى XIV عاسىردىڭ سوڭىندا تۇرعىزىلعان ارحيتەكتۋرالىق عيمارات. قوجا احمەت ياسساۋي دۇنيە سالعاننان كەيىن حالىقتىڭ كوپ جيىلۋىمەن وزىنە ارناپ سوعىلعان كىشكەنە مازارعا جەرلەنەدى. كەيىن بۇل كەسەنە مۇسىلمانداردىڭ جاپپاي ءتاۋ ەتۋ ورنىنا اينالعان. مەكەمە قىزمەتكەرلەرى اسسامبلەيا جاستارىنا باس سۇققان ءار كيەلى ورىندى ءجىتى تانىستىردى. ولار تۋرالى كوپتەگەن اقپاراتتارمەن ءبولىسىپ، تاريح تۇنىعىنان سۋسىنداتتى.