حالقىمىز «ۇستازدىق ەتۋ – تالابى قاشاندا تاۋسىلمايتىن، زامانى ەشقاشان ەسكىرمەيتىن كاسىپ» - دەپ ءمۇعالىم ماماندىعىنا ەرەكشە ىقىلاس تانىتقان. ءيا، شاكىرت ساناسىنا ساۋلە شاشىپ، شىراق وتىن مازداتقان ۇستازدارىمىزدىڭ ءتول مەرەكەسى دە كەلىپ جەتتى.

تابيعاتتىڭ تاماشا مەزگىلى، التىن كۇزبەن قاتار كەلگەن كاسىبي مەرەكە - ۇستازدار كۇنىنە وراي بايزاق اۋداندىق مادەنيەت ۇيىندە “ۇستاز اتى - بيىك ءارى ماڭگىلىك” تاقىرىبىندا مەرەكەلىك شارا ءوتتى.

سالتاناتتى جيىندا مىنبەرگە كوتەرىلگەن اۋدان اكىمى نۇرجان نۇرجىگىتوۆ ۇستازدار قاۋىمىن كاسىبي مەرەكەلەرىمەن قۇتتىقتادى.

اۋدان باسشىسى: «مەكتەپتىڭ جۇرەگى»، «بالا جانىنىڭ باعبانى»… ءيا، بۇل مەكتەپ ءمۇعالىمى — ۇستازعا ارنالعان تەڭەۋلەر»، - دەگەن ءسوزىن تىلگە تيەك ەتە وتىرىپ، وتكەن وقۋ جىلىندا اۋدان ۇستازدارى مەن ءبىلىمدى شاكىرتتەردىڭ جەتكەن جەتىستىكتەرىن اتاپ ءوتتى.

ءبىلىم سالاسىندا ۇزاق جىلدار جەمىستى تەر توگىپ، بۇگىندە ەڭبەگىنىڭ زەينەتىن كورىپ وتىرعان، ارداگەر-ۇستازدار قاۋىمىن دا اتاپ، ەل ەرتەڭى، بولاشاق ۇلانداردىڭ بويىنا ءبىلىم مەن ونەردى، ادامگەرشىلىك پەن ادالدىقتى، تۋرالىق پەن شىنشىلدىقتى، رۋحاني بايلىق پەن ۇلتتىق قاسيەتتەردى ءسىڭىرىپ، ولاردى تۇلعالى ازامات ەتىپ قالىپتاستىرۋداعى ەڭبەكتەرىنە شىعارماشىلىق تابىس تىلەدى.

ودان سوڭ اۋدان اكىمى اتىنان ۇستازدار قاۋىمىنا گۇل شوقتارى تابىستالىپ، ماراپاتتاۋ راسىمىنە ۇلاستى. اتالمىش راسىمدە اۋدان باسشىسى ءبىرقاتار ۇستازدار قاۋىمىنا قازاقستان رەسپۋبليكاسى ءبىلىم جانە عىلىم مينيسترلىگىنىڭ قۇرمەت گراموتاسى مەن العىس حاتىن، وبلىس اكىمدىگى ءبىلىم باسقارماسىنىڭ قۇرمەت گراموتاسى مەن العىس حاتىن، اۋدان اكىمىنىڭ قۇرمەت گراموتاسى مەن العىس حاتىن، "Nur Otan" پارتياسى اۋداندىق فيليالىنىڭ قۇرمەت گراموتالارىن سالتاناتتى تۇردە تابىس ەتتى. سونداي-اق، اۋداندىق دەڭگەيدە وتكىزىلگەن "ۇزدىك پەداگوگ" بايقاۋىنىڭ جەڭىمپازدارى دا ماراپاتتالدى.

ماراپات لەگى مۇنىمەن تولاستاعان جوق. ساحناعا كوتەرىلگەن اۋداندىق ءماسليحات حاتشىسى نۇرجان تلەپوۆ ۇلگىلى ورتا مەكتەبىنىڭ باستاۋىش سىنىپ ءمۇعالىمى نۇرجامال ابدۋللايەۆاعا، قوساق نەگىزگى مەكتەبىنىڭ بەينەلەۋ ونەرى ءپانىنىڭ ءمۇعالىمى اسەم مايلىقۇلوۆاعا، اۋداندىق ىسكەر ايەلدەر قاۋىمداستىعى "التىن جاس" سەكسياسىنىڭ ءتورايىمى گۇلنار قوسىموۆاعا، وسى سەكسيانىڭ مۇشەسى، زەينەتكەر-ۇستاز فاتيما وسپانوۆاعا، "ايەل جانە ساياسات" سەكسياسىنىڭ ءتورايىمى شولپان بايتاقوۆاعا، اۋداندىق ءماسليحاتتىڭ بەسىنشى شاقىرىلىم دەپۋتاتى، ءبىلىم بەرۋ سالاسىنىڭ ارداگەرى تازاگۇل كاديموۆا مەن التىنشى شاقىرىلىم دەپۋتاتى سانيا التايەۆاعا اۋداندىق ءماسليحاتتىڭ قۇرمەت گراموتاسىن تابىستادى.