جامبىل وبلىسىندا مەملەكەتتىك قىزمەت جۇيەسىن جانە سىبايلاس جەمقورلىققا قارسى ءىس-قيمىلدى ودان ءارى جەتىلدىرۋ جۇمىستارى جۇرگىزىلۋدە. بۇل ماقساتتا قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگى جامبىل وبلىسى بويىنشا دەپارتامەنتى جەمقورلىقپەن كۇرەستى كۇشەيتۋگە جانە ونىڭ الدىن الۋ تيىمدىلىگىن ارتتىرۋدا تابىستى قىزمەت ەتۋدە.
دەپارتامەنت اسىرەسە جاستاردىڭ قازىرگى ومىردەن ءوز ورنىن تابۋىنا، ءوز بويىنداعى تابيعي دارىنى مەن ادامي قابىلەتىنىڭ اشىلا تۇسۋىنە كومەكتەسۋگە باسا نازار اۋدارۋدا. وسى ورايدا، جاستارعا ادالدىق، ادىلدىك، اسىل قاسيەتتەردى سىڭىرۋگە جانە جوعارى ادامگەرشىلىك قاسيەتتەردى ۇستانۋلاردى قالىپتاستىرۋ ماقساتىندا مەكتەپتەردە «ادال ۇرپاق» ەرىكتىلەر كلۋبى جانە جوعارعى وقۋ ورىندارى مەن كوللەدجدەردە «سانالى ۇرپاق» جوبالىق كەڭسەلەرى جۇمىس جاساۋدا.
اتالعان جوبالار اياسىندا دەپارتامەنت، «جامبىل – ادالدىق الاڭى» جوبالىق كەڭسەسى جانە ءبىلىم باسقارماسىمەن بىرلەسىپ «پاراساتتى وتباسى» بايقاۋىن وتكىزۋ تۋرالى شەشىم قابىلداندى.
بايقاۋدىڭ ماقساتى – قوعامنىن نەگىزىن قالايتىن وتباسى قۇندىلىقتارىن ناسيحاتتاۋ، وتباسى مۇشەلەرىنىڭ اراسىنداعى باۋىرمالدىق، قايىرىمدىلىق، دوستىق قارىم-قاتىناستى قالىپتاستىرۋ، زاماناۋي جەتىستىكتەرگە لايىقتى پاراساتتى تۇلعانى دامىتۋ، وزات-ويلى، پاراساتتى، قايىرىمدى وقۋشىنى انىقتاۋعا باعىتتالعان.
بايقاۋعا جامبىل وبلىسىنىڭ ءارتۇرلى قىزمەت سالاسىندا جۇمىس ىستەيتىن ازاماتتارى بار وتباسىلار قاتىسادى. بايقاۋ 2 كەزەڭنەن تۇرادى. «پاراساتتى وتباسى» بايقاۋى اۋداندىق، تاراز قالالىق ءبىلىم مەكەمەلەرىندە وتكىزىلۋدە. قازىرگى تاڭدا، بايقاۋدىڭ مەكتەپىشىلىك، اۋداندىق جانە قالالىق كەزەڭىنە 508 وتباسى قاتىستى.
بايقاۋدىڭ وبلىستىق كەزەڭى 2019 جىلعى قازان ايىنىڭ ءۇشىنشى ونكۇندىگىندە تاراز قالاسىنداعى مەكتەپ وليمپيادالارىن جانە مەكتەپتەن تىس ءىس-شارالاردى وتكىزەتىن وبلىستىق ورتالىقتىڭ بازاسىندا وتكىزىلەدى.
اعىمداعى جىلدىڭ 7 قاراشاسىندا وتكىزىلەتىن ەكىنشى وبلىستىق كەزەڭگە اۋداندار مەن تاراز قالاسىندا ۇزدىك دەپ تانىلعان 29 وتباسى قاتىسادى.
بايقاۋدىڭ قازىلار القاسى ۇزدىك دەپ تانىلعان جانۇيالاردى «پاراساتتى وتباسى»، «كوپتىلدى وتباسى»، «ۇزدىك وقىرمان وتباسى»، «ينتەللەكتۋالدى وتباسى»، «شىعارماشىل وتباسى»، «شەبەرلەر وتباسى»، «ونەرلى وتباسى»، «جومارت وتباسى»، «ساياحاتشى وتباسى» نوميناسيالارى بويىنشا انىقتايدى. جەڭىمپازدار ءى، ءىى جانە ءىىى ورىندار جانە باعالى سىيلىقتارمەن ماراپاتتالادى.
