جامبىل وبلىسىندا سىبايلاس جەمقورلىققا قارسى ءىس-قيمىل اگەنتتىگىنىڭ جامبىل وبلىسى بويىنشا دەپارتامەنتى جانە وبلىس اكىمدىگىنىڭ ءبىلىم باسقارماسى بىرلەسىپ جاستاردىڭ بويىندا سىبايلاس جەمقورلىققا توزبەۋشىلىك ۇستانىمىن قالىپتاستىرۋ باعىتىندا جۇمىستار جۇرگىزۋدە. اتالعان ماقساتتا ايماقتا وبلىس اكىمدىگىنىڭ ءبىلىم باسقارماسى سىبايلاس جەمقورلىققا قارسى ءىس-قيمىل اگەنتتىگىنىڭ جامبىل وبلىسى بويىنشا دەپارتامەنتىمەن بىرلەسكەن «جامبىل وبلىسى اكىمدىگى ءبىلىم باسقارماسىنىڭ ءبىلىم بەرۋ مەكەمەلەرىندە سىبايلاس جەمقورلىققا قارسى مادەنيەتتى كوتەرۋگە باعىتتالعان 2019-2020 وقۋ جىلىنا ارنالعان ءىس-شارالار جوسپارىن» بەكىتتى. جوسپارعا سايكەس وڭىردەگى 392 مەكتەپ پەن 43 كوللەدجدە وقۋشىلار مەن ستۋدەنتتەر اراسىندا پاراساتتىلىقتى، قايىرىمدىلىقتى، دوستىق قارىم-قاتىناستى قالىپتاستىرۋ، سىبايلاس جەمقورلىققا قارسى مادەنيەتىن كوتەرۋ، ءبىلىم الۋشىلاردىڭ قۇقىقتىق ساۋاتتىلىعىن ارتتىرۋ ماقساتىندا «ادال ۇرپاق»، «سانالى ۇرپاق» دەبات كلۋبتارى قۇرىلدى. كلۋبتار قۇرامىنا 15 437 وقۋشى مەن ستۋدەنتتەر ەندى.

سونىمەن قاتار، «ادال ۇرپاق» ەرىكتى مەكتەپ كلۋبتارىنىڭ ۇيىمداستارۋىمەن 2019 جىلى بارلىعى 187 ءىس-شارالار وتكىزىلىپ، 42 135 وقۋشى قامتىلعان. ءبىلىم بەرۋ ۇيىمدارىنداعى «پاراساتتى ازامات» بۇرىشتارىندا جاستاردىڭ بويىندا پاتريوتتىق، پاراساتتىلىق، جاۋاپتىلىق قاسيەتتەرىن دامىتۋ جانە سىبايلاس جەمقورلىققا قارسى مادەنيەتتى قالىپتاستىرۋ تۋرالى اقپاراتتار تۇراقتى تۇردە جاڭارتىلىپ وتىرادى. اعىمداعى جىلدىڭ قاراشا ايىندا «ادال ۇرپاق» ەرىكتىلەر كلۋبىنىڭ وبلىستىق سلەتى وتەدى دەپ جوسپارلانۋدا.

وقۋشىلار مەن ستۋدەنتتەردىڭ پاراساتتىلىعىن، جوعارى مادەنيەتتىلىگىن قالىپتاستىرىپ، دامىتۋ ماقساتىندا 8 بەن 11 سىنىپ وقۋشىلارى مەن 1-2 كۋرس ستۋدەنتتەرى اراسىندا «سانا پاراساتتىلىعى – ادال ۇرپاق نەگىزى» اتتى پىكىرسايىس تۋرنيرلەرى وتكىزىلۋدە. بۇگىنگى كۇنى مەكتەپىشىلىك كەزەڭگە – 3417 وقۋشى، اۋداندار مەن كوللەدجدەردە – 1896 وقۋشى مەن ستۋدەنت قاتىستى. پىكىرسايىس ءتۋرنيرىنىڭ وبلىستىق كەزەڭى قازان ايىنىڭ اياعىندا وتكىزىلەدى.

بۇدان بولەك، ءبىلىم الۋشىلاردىڭ بويىندا پاراساتتىلىق پەن اكادەميالىق تازالىق پرينسيپتەرىن قالىپتاستىرۋ، ادامگەرشىلىك-ەتيكالىق قۇندىلىقاردى بويىنا ءسىڭىرۋ ماقساتىندا 8-11 سىنىپ وقۋشىلارى اراسىندا «پاراساتتى بولاشاق» اتتى ەسسە جازۋ بايقاۋىنىڭ مەكتەپىشىلىك، اۋداندىق كەزەڭدەرى ءوتىپ، ولارعا 2932 وقۋشى قاتىستى. وبلىستىق كەزەڭگە قاتىسۋ ءۇشىن 112 جۇمىس قابىلداندى.

وتكىزىلگەن بايقاۋلاردىڭ جەڭىمپازدارى مەن بەلسەندى قاتىسۋشىلارى پاراساتتىلىق «ەلشىلەرىنە» اينالعان لەكتورلار پۋلىن قالىپتاستىردى. ولار ەرىكتى تۇردە قوعامدا سىبايلاس جەمقورلىققا قارسى مادەنيەتتى، ادەپتىلىكتى دامىتۋعا باعىتتالعان دارىستەر، ترەنينگتەر وتكىزەدى.