بۇگىنگى قارىشتى دامىعان قوعامدا وركەنيەت كوشىنەن قالماعان ەلىمىز بارلىق سالاعا زاماناۋي قوندىرعىلاردى جۇمىلدىرۋدا. «سيفرلىق قازاقستان» جوباسىنىڭ دا تۇپكى ماقساتى وسى. سالالاردىڭ جۇمىسىن جەڭىلدەتىپ، تىرلىگىن تىكتەۋ. ادام ومىرىمەن تىكەلەي بايلانىستى مەديسينا مەن توتەنشە جاعدايلار قىزمەتىندە كوپ جاعدايدا اۆياسيا قىزمەتى قولدانىلىپ جاتادى. بۇل باعىتتاعى جۇمىستار جامبىل وبلىسىندا دا جولعا قويىلعان، دەپ جازادى Qamshy.kz اقپارات اگەنتتىگى. شىنىندا توتەنشە جاعدايلار سالاسىنداعى ەڭ ۇلكەن قۇرىلىمنىڭ ءبىرى – اۆياسيا قىزمەتى. جالپى وسى قىزمەت تۋرالى نە بىلەمىز؟ جانە بيىلعا اۆياسيا قىزمەتى قانشالىقتى قولدانىلدى؟ جامبىل وبلىستىق توتەنشە جاعدايلار دەپارتامەنتىنىڭ باستىعى باعدات دانيلوۆتىڭ ايتۋىنشا، اتالمىش قىزمەتتىڭ ادام قۇتقارۋ سالاسىندا كوپ كومەگى تيگەن ەكەن.
- قازىرگى تاڭدا بىزدە «قازاۆياقۇتقارۋ» مەكەمەسىنە قاراستى ءبىر «Eurocopter» تىكۇشاعى تۇر. اتالعان مەكەمەسىنىڭ ورتالىق بازاسى الماتى قالاسىندا ورنالاسقانىمەن، ءار وڭىردە ءبىر-بىر فيليالى جۇمىس جاساۋدا. بيىل اۆياسيا قىزمەتىن ءورت ءقاۋىپى ناۋقانى كەزىندە 4-5 مارتە قولداندىق. مويىنقۇم اۋدانىنان باستاپ سارىسۋ ەلدى مەكەنىنە دەيىنگى ورمان قورى القابىن باقىلاپ شىقتىق. ودان بولەك، ەلىمىزدىڭ دەنساۋلىق ساقتاۋ مينسترلىگىمەن بەكىتىلگەن كەلىسىمشارت بويىندا ولار دا ناۋقاستاردى ءبىر جەردەن ەكىنشى جەرگە شۇعىل جەتكىزۋ كەرەك كەزدە سۇرانىس تاستاپ تىكۇشاقتى پايدالانۋدا. ءبىر سوزبەن ايتقاندا اتالعان اۆياسيا قىزمەتىنىڭ وبلىسقا تيگىزىپ جاتقان پايداسى وراسان، - دەيدى باعدات جۇما ۇلى.
شىنىندا دا اۆياسيا قىزمەتىنىڭ كەڭ كولەمدە قولدانىلۋى كوپتەگەن اپاتتاردىڭ بەتىن قايتاراتىنى بەلگىلى. اسىرەسە ءورت ءقاۋىپى ناۋقانى كەزىندە كەڭ اۋقىمدى الىپ جاتقان مويىنقۇمنىڭ ورمان قورى سىندى ايماقتاردى باقىلاۋعا ءمىڭدا-بىر كومەك. جانە ەستەرىڭىزدە بولسا 2003 جىلى جۋالى اۋدانىنىڭ تۇرعىندارى قار استىندا قالعاندا ءدال وسى اۆياسيا قىزمەتى حالىققا ازىق-تۇلىك پەن كەرەك-جاراقتى جەتكىزگەن بولاتىن. ەندى بيىلعى قىستتا بۇل قىزمەتتىڭ تيگىزەر پايداسى كوپ بولعالى تۇر. ال مەديسينا سالاسىندا اۆياسيا قىزمەتى اۋىر ناۋقاستاردى ءبىر جەردەن ەكىنشى جەرگە شۇعىل جەتكىزۋدە كەڭ قولدانىلۋدا. وعان ءبىزدىڭ كوز جەتكىزگەن كەزدەرىمىز دە بولعان. سوندىقتان اۆياسيا قىزمەتىنىڭ جۇمىسىنا ساتتىلىك تىلەپ، قىراعى قىزمەتى جۇيەلى بولىسىن دەمەكپىز.
