قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىنىڭ ءتورتىنشى «الەۋمەتتىك جاڭعىرۋدىڭ جاڭا كەزەڭى» بولىمىندە الەۋمەتتىك سالاداعى باسىم باعىتتارعا، سونىڭ ىشىندە ءبىلىم بەرۋدىڭ ساپاسىنا باسا ءمان بەرۋ قاجەتتىلىگى ايتىلادى. بۇل رەتتە، جامبىل وبلىسىندا اتالعان سالانى دامىتۋ بويىنشا كەشەندى شارالار اتقارىلۋدا. ونىڭ ىشىندە، جۋالى اۋدانىندا ءبىلىم بەرۋ ىسىندە ىلگەرىلەۋشىلىك انىق اڭعارىلىپ وتىر.

اۋدان اكىمدىگىنىڭ ءبىلىم بولىمىنە قاراستى 72 ءبىلىم بەرۋ، مەكتەپكە دەيىنگى تاربيە مەن ءبىلىم بەرۋ جانە مەكتەپتەن تىس ءبىلىم بەرۋ ۇيىمى قىزمەت ەتەدى. سونىڭ ىشىندە 39-ى جالپى ورتا ءبىلىم بەرەتىن مەكتەپ، 26-سى مەملەكەتتىك بالاباقشا، ءبىر شاعىن ورتالىق، تورتەۋى مەكتەپتەن تىس مەكەمە جانە ءبىر پسيحولوگيالىق-پەداگوگيكالىق تۇزەتۋ كابينەتى جانە بەسەۋى جەكە مەنشىك بالاباقشا.

– جاڭا وقۋ جىلىندا 39 مەكتەپتە 11 244 بالا ءبىلىم الۋدا. ءبىلىم بەرۋ مەكەمەلەرىن وڭتايلاندىرۋ ماقساتىندا جاڭا وقۋ جىلى قارساڭىندا بولىمگە قاراستى توڭكەرىس باستاۋىش مەكتەبى جابىلدى. اۋدان مەكتەپتەرىندە 1 752 ءمۇعالىم جۇمىس اتقارۋدا، ونىڭ 1665 جوعارى ءبىلىمدى، 87ء-سىنىڭ ءبىلىمى – ارناۋلى ورتا.

جالپى ءبىلىم بەرەتىن 39 مەكتەپتىڭ بارلىعى كومپيۋتەندىرىلگەن جانە تەلەفون بايلانىسى ورناتىلعان. مۇنداعى كومپيۋتەرلەر سانى 1 795 دانانى قۇرايدى، ياعني توعىز وقۋشىعا ءبىر كومپيۋتەردەن كەلدى. ينتەرنەت جەلىسىنە قوسىلعان، ونىڭ ىشىندە كەڭ ارنالى ينتەرنەت جەلىسىنە قوسىلعانى – 40 مەكتەپ. 23 مەكتەپتىڭ كىتاپحاناسى ينتەرنەت جەلىسىنە قوسىلعان.

اۋدان مەكتەپتەرىندە بارلىعى 95 ينتەراكتيۆتى تاقتا بار. ارنايى جابدىقتالعان ءپان كابينەتتەرى سانى – 70، ودان بولەك، 30 لينگافوندى-مۋلتيمەديالىق كابينەت، ءۇش مەكتەپتىڭ بازاسىندا IT-سىنىپتار اشىلدى. جالپى وقىتۋ كابينەتى – 737، ونداعى مۇعالىمدەرگە ارنالعان كومپيۋتەرلەر سانى 696، – دەيدى اۋدان اكىمدىگى ءبىلىم ءبولىمىنىڭ باسشىسى ءماجيت ايجانوۆ.

سونىمەن قاتار، ءبىلىم ساپاسى مەن مازمۇنىن ارتتىرۋ ماقساتىندا مەكتەپ وقۋشىلارىن جاڭا بۋىندى وقۋلىقتارمەن قامتاماسىز ەتۋ بويىنشا جۇمىس قارقىندى ءجۇرىپ جاتىر ەكەن. اعىمداعى وقۋ جىلى «اۋداننىڭ مەملەكەتتىك ءبىلىم بەرۋ مەكەمەلەرى ءۇشىن وقۋلىقتار مەن وقۋ-ادىستەمەلىك كەشەندەردى ساتىپ الۋ جانە جەتكىزۋ» باعدارلاماسىنا اۋداندىق بيۋدجەتتەن 183 233،0 مىڭ تەڭگە قارجى قاراستىرىلىپ، 2019-2020 وقۋ جىلىنا اۋدانداعى 4،9،10 سىنىپ وقۋشىلارىنا وقۋلىقتار جانە مادت تاربيەلەنۋشىلەرى مەن 8، 9 سىنىپتاردىڭ وقۋشىلارىنا ۇشتىلدىلىك بويىنشا وقۋ-ادىستەمەلىك كەشەندەرگە 11 باسپامەن شارتتار جاسالعان. وقۋلىقتار جاڭا وقۋ جىلى باستالعانعا دەيىن اۋدانعا تولىعىمەن جەتكىزىلىپ، وقۋشىلارىمىز ساپالى وقۋلىقتارمەن قامتاماسىز ەتىلىپتى.