جۋالى اۋدانىنىڭ وقۋشىلارى بيىلعى ۇلتتىق ءبىرىڭعاي تەستىلەۋگە قاتىسۋ ناتيجەسى بويىنشا جوعارى ناتيجە كورسەتتى. اتاپ ايتار بولساق، مەكتەپ ءبىتىرۋشى تۇلەكتەردىڭ ۇلتتىق ءبىرىڭعاي تەستىلەۋگە قاتىسۋعا ءوتىنىش بەرگەندەر سانى 756 بولعان. ناقتى تەستىلەۋگە 750 وقۋشى قاتىسىپ، اۋدان بويىنشا تەستىلەۋدىڭ ورتاشا بالى 97،5ء-تى قۇرادى. تەستىلەۋدىڭ قورىتىندىسى بويىنشا وقۋشىلار كورسەتكەن ناتيجەلەرى دە جامان ەمەس. ماسەلەن، 2018-2019 وقۋ جىلىندا 791 وقۋشى 11 سىنىپتى بىتىرسە، ونىڭ 38ء-ى «التىن بەلگى» ءتوس بەلگىسىن، 36 وقۋشى «ۇزدىك اتتەستات» العان.

بۇل اۋدانداعى وقۋشىلاردى ءبىلىم الۋعا ىنتالاندىرۋ ءىسىنىڭ دۇرىس جولعا قويىلعانىن كورسەتسە كەرەك-تى. ال بۇل رەتتە وقۋشىلاردىڭ جاڭا كۇشپەن جاڭا وقۋ جىلىندا ءبىلىم قورىن تولىقتىرۋعا جازعى دەمالىسىنىڭ دۇرىس ءوتۋى ىقپال ەتەتىنى بەلگىلى. اتالعان ىستە جۋالى اۋدانىندا وڭ جۇمىستار جۇرگىزىلۋدە. ماسەلەن، اۋداندا 2019 جىلدىڭ بيۋدجەتىنەن جازعى ساۋىقتىرۋ لاگەرىمەن قامتاماسىز ەتۋ ءۇشىن 19850،0 مىڭ تەڭگە قارجى قاراستىرىلعان. جالپى 2019 جىلدىڭ جازعى كەزەڭىندە بالالار مەن جاسوسپىرىمدەردىڭ دەمالىسى مەن ساۋىقتىرىلۋىنا 1-10 سىنىپ وقۋشىلارىنىڭ 9841 بالاسىن دەمالدىرۋ جوسپارلانىپ، اياقتالعان. سونداي-اق 11 600،0 مىڭ تەڭگەگە 400 بالانى قالا سىرتىنداعى لاگەرگە دەمالدىرۋ جوسپارلانىپ، ولار جازعى ساۋىقتىرۋ لاگەرىندە دەمالىپ كەلگەن.

– تۋريستىك ساياحاتتار مەن ەكسكۋرسياعا 1 914 بالا، مەكتەپتەر مەن مەكتەپتەن تىس ءبىلىم مەكەمەلەرىندە ءتىل ۇيرەنۋ، سپورتتىق، ونەر باعىتتارى بويىنشا ۇيىرمەلەرگە 5280، ەڭبەك جاساقتارىندا كوگالداندىرۋ، جوندەۋ جۇمىستارىنا 845 جانە اۋلا كلۋبىندا – 1050، رەسپۋبليكالىق ساۋىقتىرۋ ورتالىقتارىندا – 9 بالا دەمالدى.

اعىمداعى جىلى بولىمگە قاراستى ءبىلىم مەكەمەلەرىندەگى بالالاردىڭ ساۋىقتىرۋ لاگەرلەرىندە دەمالاتىن جەكەلەگەن ساناتتاعى بالالاردىڭ قامتىلۋى 100 پايىزدى قۇرادى، ول – 3150 وقۋشى. سونىڭ ىشىندە جەتىم جانە اتا-انالارىنىڭ قامقورلىعىنسىز قالعان، قورعانشىلىققا الىنعان جانە پاتروناتتاعى بالالار – 41، از قامتىلعان وتباسىلارىنىڭ بالالارى – 2207، مۇمكىندىگى شەكتەۋلى بالالار – 141 بالانىڭ 59-ى قامتىلدى، ءبىلىم، ونەر، سپورت سالالارىندا ۇزدىك ناتيجە كورسەتكەن بالالار – 2791، – دەيدى اۋداندىق ءبىلىم ءبولىمىنىڭ باسشىسى م. ايجانوۆ.

بۇدان بولەك، اۋداندا بيىلعى جازعى ماۋسىمدا دارىندى بالالارعا ارنالعان 3، 4 كۋرس بىلىمگەرلەرىن ۆولونتەر رەتىندە جاز مەزگىلىندە مەكتەپتەردەگى اعىلشىن ءتىلى ۇيىرمەلەرىنە تارتۋ جۇمىستارى جۇرگىزىلۋ جوسپارلانىپ وتىر ەكەن.