اۋىل شارۋاشىلىعىن دامىتۋ جولدارىنىڭ ءبىرى – كووپەراتيۆتەر قۇرىپ، ونىڭ جۇمىسىن جۇيەلى ۇيىمداستىرۋ بولىپ وتىرعانى بەلگىلى. بۇل جاعدايدا جامبىل وبلىسىندا شارۋا قوجالىقتارى كووپەراتيۆتەرگە بىرىگىپ، وزدەرىنىڭ وندىرگەن ونىمدەرىن، ونىڭ ىشىندە، ءسۇت، قۇس ونىمدەرىن، ەت، كوكونىستەرىن ءبىر كوزدەن وتكەرۋگە مۇمكىندىكتەر الۋدا.

شارۋاشىلىقتى ىرىلەندىرۋ ءىسىنىڭ يگىلىككە باستايتىنىن بايزاق اۋدانىنىڭ شارۋالارى جەتە ءتۇسىنىپ، بۇل ىستە بەلسەندىلىك تانىتىپ وتىر. ماسەلەن، اۋدانداعى جاڭاتۇرمىس، قوستوبە، بايتەرەك، تۇيمەكەنت، ىنتىماق، ديقان، بۋرىل جانە ۇلگىلى اۋىلدىق وكرۋگتەرىندەگى جالپى 9 كووپەراتيۆتەر جۇمىس اتقارۋدا.

بيىل 2017-2018 جىلدارى جەكە قوسالقى شارۋاشىلىق نەگىزىندە قۇرىلعان 7 كووپەراتيۆتەردىڭ جانە 2019 جىلى جاڭادان قۇرىلعان 4 كووپەراتيۆتىڭ جۇمىستارىن جانداندىرىپ، نەسيەلەندىرۋ باعىتىندا جۇمىستار جۇرگىزىلەتىن بولادى. ونىڭ ىشىندە 6-ى ءسۇت، 1ء-ى ەت، 2ء-ى كوكونىس، 1ء-ى قۇس جانە 1ء-ى ەت، ءجۇن، تەرى جيناۋ باعىتىندا.

اتاپ ايتقاندا، سارىكەمەر اۋىلدىق وكرۋگىندەگى ەت، ءجۇن جانە تەرى جيناۋ باعىتىنداعى «بەرەكە-17» اشك 5 ملن. تەڭگە قارجى اينالىمىنا «اشققق» اق-نا ءوتىنىم بەرىپ، كەپىلدىك بويىنشا كەمشىلىكتىردى جويۋدا. بوتامويناق اۋىلدىق وكرۋگىندەگى ءسۇت باعىتىنداعى «اقبۇلاق 2019» اشك (2019 جىلى تىركەلگەن) 3 ملن. تەڭگەگە تانكەر جانە تراكتور اگرەگاتتارىمەن الۋ ءۇشىن بيزنەس جوسپار دايىنداپ، «اشققق» اق-نا ءتيىستى قۇجاتتارىن دايىنداۋدا، كەپىلدىك بويىنشا كەمشىلىكتەردى جويۋدا.

بۋرىل اۋىلدىق وكرۋگىندەگى كوكونىس باعىتىنداعى «باشاتوۆ» اشك 11 ملن. تەڭگەگە جەلدەتكىشتەر مەن مۇزداتقىشتار الۋ ءۇشىن 12 ملن. تەڭگە قارجى اينالىمىنا «اشققق» اق-نا ءوتىنىم بەرىپ، قۇجاتتارى ماقۇلداندى، قارجى الۋدى كۇتىپ وتىر.جالعىزتوبە اۋىلدىق وكرۋگىندەگى ەت باعىتىنداعى «كەمەلبەك اتا» اشك قاجەتتى نەسيە ءمىق باسىن ۇلعايتۋعا قارجى اينالىمىنا 20 ملن. تەڭگە الۋ ءۇشىن بيزنەس جوسپارىن دايىنداپ، اشققق-نا قۇجاتتارىن وتكىزدى، شەشىمىن كۇتۋدە. كوكتال اۋىلدىق وكرۋگىندەگى قۇس باعىتىنداعى «كوكتال سامالى» اشك 3 ملن. تەڭگەگە ينكۋباسيا قوندىرعىلارىن الۋ ءۇشىن بيزنەس قايتا جوسپارىن دايىندالۋدا. اشققق-نا ءوتىنىم بەرىلگەن جوق.

كوپتەرەك اۋىلدىق وكرۋگىندەگى ءسۇت باعىتىنداعى «اق باستاۋ» اشك (2019 جىلى تىركەلگەن) 3 ملن. تەڭگەگە تانكەر الۋ ءۇشىن بيزنەس جوسپار دايىندالدى. بۇگىنگى كۇنگە ءسۇت قابىلدايتىن ورىن تاپپاي وتىر. اشققق-نا ءوتىنىم بەرىلگەن جوق.

قىزىل جۇلدىز اۋىلدىق وكرۋگىندەگى «الدىحان» اشك 2017 جىلى ەت باعىتىنا اشىلعان، بۇگىنگى كۇنگە كوكونىس باعىتىنا اۋىستى. «اشققق» اق-نا نەسيە الۋ ءۇشىن ءتيىستى قۇجاتتارىن دايىنداۋدا. مىرزاتاي اۋىلدىق وكرۋگىندەگى ءسۇت باعىتىنداعى «قارا بۋرا ءدارس» اشك (2019 جىلى تىركەلگەن) 3 ملن. تەڭگەگە تانكەر الۋ ءۇشىن بيزنەس جوسپارى دايىندالدى، كەپىلدىك بويىنشا كەمشىلىكتەردى جويۋدا.

سازتەرەك اۋىلدىق وكرۋگىندەگى ءسۇت باعىتىنداعى «ءدان-2017» اشك 12 ملن. تەڭگەگە ءسۇت قۇياتىن جەلى الۋ ءۇشىن بيزنەس-جوسپارىن قايتا دايىنداپ، «اشققق» اق-نا قۇجاتتارىن وتكىزىپ، شەشىمىن كۇتۋدە. سۋحانبايەۆ اۋىلدىق وكرۋگىندەگى ءسۇت باعىتىنداعى «باقىت-بەرەكە-بىرلىك» اشك جالپى 7،5 ملن. تەڭگەگە تانكەر جانە ءسۇت تاسىمالدايتىن اۆتوكولىك الۋ ءۇشىن بيزنەس جوسپارى دايىندالدى، «اشققق» اق-نا ءتيىستى قۇجاتتارىن دايىنداۋدا.

تەمىربەك اۋىلدىق وكرۋگىندەگى ءسۇت باعىتىنداعى «Bio Dairy» اشك (2019 جىلى تىركەلگەن) جالپى 29 ملن. تەڭگەگە تانكەر، مۇزداتقىش ءسۇت قۇياتىن جەلى، ءسۇت تاسىمالدايتىن اۆتوكولىك، جەم-شوپ مايدالاعىش جانە كومباين الۋ ءۇشىن بيزنەس جوسپارى مەن قۇجاتتارىن دايىنداپ، «اگرارلىق نەسيە كورپوراسياسىنا» اق-نا تەكسەرۋگە وتكىزىپ، شەشىمىن كۇتۋدە. سونىمەن قاتار، جامبىل وبىلىسى تۇرعىندارىنىڭ تۇرمىستىق تابىسىن جاقسارتۋ جوباسى اياسىندا، بايزاق اۋدانى بويىنشا پيلوتتىق وكرۋگ بولىپ بەلگىلەنگەن قوستوبە اۋىلدىق وكرۋگىندە «قوستوبە-2019» اۋىل شارۋاشىلىعى كووپەراتيۆى قۇرىلىپ، بۇل كووپەراتيۆ اۋىلدىق وكرۋگتىڭ شارۋا قوجالىقتارىنىڭ ەگىستىك جەرلەرىن بىرىكتىرىپ، ول جەرلەردى وڭدەۋ ءۇشىن اۋىل شارۋاشىلىق تەحنيكالارىن الۋ ءۇشىن جۇمىستار اتقارۋدا.