جۋالى اۋدانى باۋىرجان مومىش ۇلى اۋىلىنداعى «جاستار اللەياسىندا» جاستار اراسىنداعى كوشە سپورتىن دامىتۋ ماقساتىندا «ۇلت بولاشاعى – دەنى ساۋ ۇرپاق» اتتى «Street Workout» ءتۋرنيرى وتكەن بولاتىن. تۋرنيرگە 14 وكرۋگتەن باعىن سىناۋعا 14-29 جاس ارالىعىنداعى سپورتشىلار كەلدى. ەڭ قىزىعى ەرلەر اراسىنداعى تۋرنيرگە نۇلىكەنت اۋىلدىق وكرۋگىنەن ەكى سپورتشى قىز قاتىسىپ، «ەڭ ۇزدىك سپورتشى» جانە «ەڭ جاس سپورتشى» اتالىمىن جەڭىپ الدى.
ولار – اقبوتا ءدۇيين 2005 جىلى دۇنيەگە كەلسە، نۇرزيە نازاروۆا 2003 جىلى ءومىر ەسىگىن اشقان. قازىرگى تاڭدا سپورتشىلار №5 م.لومونوسوۆ اتىنداعى ورتا مەكتەپتىڭ 8 جانە 10 سىنىپ وقۋشىلارى. ولار ساباقتان تىس ۋاقىتتارىن ءتيىمدى پايدالانىپ، سپورتپەن اينالىسادى. ونىڭ ىشىندە كىشى فۋتبول، باسكەتبول جانە «جاۋىنگەرلىك كاراتە» جانە «MIX COMۆAT»-پەن شۇعىلدانادى. جاتتىعۋ اتالعان مەكتەپتىڭ سپورتزالىندا وتەدى. جاتتىعۋدىڭ قىزدار ءۇشىن ساباققا ەش كەدەرگىسى جوق، ساباق ۇلگەرىمدەرى دە جاقسى. قوس قىزدىڭ اتا-انالارىنىڭ سپورتقا دەگەن كوزقاراستارى جاقسى، كۇتەر ۇمىتتەرى كوپ.
اقبوتا مەن نۇرزيەنىڭ جاتتىعۋ الاڭىندا العان تاجىريبەلەرىن ويىن بارىسىندا كورسەتىپ، سپورت سالاسىندا جەتكەن جەتىستىكتەرى دە بارشىلىق. ماسەلەن، اقبوتا – كىشى فۋتبولدان، باسكەتبولدان اۋداننىڭ بىرنەشە دۇركىن چەمپيونى، وبلىستىق جارىستىڭ ءىى ورىن جەڭىمپازى، 2015 جىلى كۋدو كاراتەدەن، دجيۋ-دجيتسۋدان وبلىستىق جارىستاردىڭ ءى ورىن يەگەرى. ال، 2015-2019 جىلدارى تاراز قالاسىندا وتكەن جاۋىنگەرلىك كاراتەدەن وبلىستىڭ 10 دۇركىن چەمپيونى اتاندى. سونىمەن قاتار، كاراتە-دو گودزيۋ-ريۋدان وبلىستىق جارىستا وبلىستىڭ بىرنەشە دۇركىن چەمپيونى. 2017-2019 جىلدارى الماتىدا وتكەن «Fullcontac Karate» قازاقستان رەسپۋبليكاسىنىڭ چەمپيوناتىنىڭ 2 دۇركىن جەڭىمپازى اتانىپ، كۋبوكپەن ماراپاتتالدى. 2018-2019 جىلى استانا قالاسىندا وتكەن شينكيوكۋشينكاي كاراتەدەن وتكەن قازاقستان رەسپۋبليكاسىنىڭ چەمپيوناتىندا ءى ورىن الىپ، التىن مەدالمەن جانە كۋبوكپەن ناگرادتالدى. 2019 جىلى وتكەن وبلىستىق گرەپپلينگ جارىسىنىڭ التىن جۇلدەگەرى. 2019 جىلى تاراز قالاسىندا وتكەن اشيحارا كاراتەدەن وتكەن حالىقارالىق جارىستىڭ جانە اراشي كاراتەدەن وتكەن حالىقارالىق جارىستىڭ التىن مەدال جۇلدەگەرى.
نۇرزيە دە – كىشى فۋتبول، باسكەتبول ويىندارىنىڭ جەڭىمپازى. ول 2015 جىلى كۋدو كاراتەدەن وبلىستىق جارىستا ءى ورىن، دجيۋ-دجيتسۋدان وبلىستىق جارىستا ءىى ورىندى يەلەنىپ، 2015-2019 جىلدارى تاراز قالاسىندا وتكەن وبلىستىڭ قولا، كۇمىس، التىن جۇلدەگەرى اتاندى. كاراتە-دو گودزيۋ-ريۋدان وبلىستىق جارىستا ءى ورىن، الماتىدا وتكەن «Fullcontact Karate»قازاقستان رەسپۋبليكاسىنىڭ چەمپيوناتىندا ءىى ورىن الىپ، كۇمىس مەدالمەن جانە كۋبوكپەن ماراپاتتالدى. 2019 جىلى وتكەن الماتى قالاسىنىڭ كيەوكۋشيكاي كاراتە جارىسىندا ءىىى ورىن الىپ، قولا مەدالمەن ماراپاتتالدى. 2018-2019 جىلدارى استانا قالاسىندا وتكەن شينكيوكۋشينكاي كاراتەدەن وتكەن قازاقستان رەسپۋبليكاسىنىڭ چەمپيوناتىندا ءىىى ورىن الىپ، قولا مەدالمەن جانە كۋبوكپەن ناگرادتالدى. 2017-2019 جىلدارى تاراز قالاسىندا وتكەن دجيۋ-دجيتسۋدان وبلىستىق جارىستىڭ، 2018 جىلى شىمكەنت قالاسىندا وتكەن رەسپۋبليكالىق ءتۋرنيرى JEET KUNE DO شىعىس جەكپە-جەگىنىڭ، 2019 جىلى تاراز قالاسىندا وتكەن جاۋىنگەرلىك كاراتەدەن رەسپۋبليكالىق ءتۋرنيردىڭ التىن مەدال جۇلدەگەرى. 2019 جىلى شينكيوكۋشينكاي كاراتەدەن وتكەن حالىقارالىق جارىستىڭ كۇمىس مەدال جۇلدەگەرى.
سپورتشى قىزدار ەلىمىزدىڭ كوك تۋىن كوكتە جەلبىرەتىپ، اتا-انالارىنىڭ، ۇستازىنىڭ ءۇمىتىن اقتاپ، ەل نامىسىن شەت ەلدەردە قورعاپ، بيىك شىڭداردان كورىنۋدى ماقسات تۇتقان جاندار.
سونداي-اق، مەكتەپ ماقتانىشتارى قازاقستان رەسپۋبليكاسىنىڭ سپورت شەبەرىنە ۇمىتكەر. قوس سپورتشى وسى جەتىستىكتەرگە جەتكىزۋگە كوپ كومەگىن بەرگەن «جاۋىنگەرلىك كاراتە» جانە «MIX COMۆAT-تان» ۇستازى ارتىق راحىمجانۇلىنا العىستارىن ايتۋدا.
پىكىر قالدىرۋ