جامبىل وڭىرىنە قاراستى تەمىرجولشى جاستار ەكى كۇندىك ايماقتىق ترەنينگتە باس قوستى. ونىنشى جىل قاتارىنان ءوتىپ جاتقان شاراعا بيىل بارلىعى 16 توپ قاتىسىپ، وزدەرىنىڭ زامان تالابىنا ساي، يننوۆاسيالىق يدەيالارىن ورتاعا سالدى. تەمىرجولشى جاستاردىڭ بىلىكتىلىگىن ارتتىرىپ، شىڭداي تۇسەتىن سايىستىڭ العاشقى كۇنىندە قاتىسۋشى كوماندالار وزدەرىن تانىستىرىپ، بايقاۋ شارتتارىمەن قانىقتى.

ترەنينگتىڭ ەكىنشى كۇنىندە جاستار ءوز جوبالارىن قورعادى. ال ترەنينگ شارتىنا سايكەس، ءادىل ءقازىلار القاسى جوبالاردىڭ قازاقستان تەمىر جولى سالاسى ءۇشىن ءتيىمدى تۇستارىنا، ەكونوميكالىق تۇرعىدان قولايلىلىعىنا، ونى پايدالانۋ مەرزىمىنىڭ ۇزاقتىعىنا، ەڭبەك رەسۋرستارىنا باسا ءمان بەردى.

شويىن جولدا تەر توگىپ جۇرگەن جاستاردىڭ ۇسىنعان جوبالارىنا كەلەر بولساق، ولاردىڭ قاتارىندا تۇنگى ۋاقىتتا جانە ءورت بولعان جاعدايدا فليۋوريستسەنتتى بوياۋدى قولدانۋ، كۇن نۇرىنان، جالپى كەز كەلگەن ساۋلەدەن قۋاتتالاتىن تەجەۋىش باشماك سىندى جوبالار قاتىسۋشىلار تاراپىنان قىزۋ تالقىعا ءتۇستى. جاستار سونداي-اق، ەلەكتروۆوزدى مودەرنيزاسيالاۋعا، شامالعاندا ورىن العان وقيعالار سىندى اپاتتى جاعدايدى بولدىرماۋعا، ينتەراكتيۆتى تاقتاعا بايلانىستى دا جوبالارىن جاساپ، كوميسسيا مۇشەلەرىنە ۇسىندى.

جاستار اراسىندا جوبالارىنىڭ بۇگە-شىگەسىنە دەيىن ەسەپتەپ، قورعاي العاندارى دا، كەيبىر ەكونوميكالىق نەمەسە باسقا دا تۇستارىن ەسكەرمەي، شيكىلەي ۇسىنىلعان، اسىعىس جاسالعان جوبالار دا بولدى. كەيبىر قاتىسۋشىلار جاپ-جاقسى جوبانىڭ ءتيىمدى تۇستارىن كوميسسيا مۇشەلەرىنە تولىقتاي ءتۇسىندىرىپ، جەتكىزە المادى. ءبىراق، جالپى العاندا، تالاپشىل جاستاردىڭ تەمىرجول سالاسىن جەتىلدىرۋ باعىتىنداعى وي-پىكىرلەرى مەن تىڭ يدەيالارىنىڭ باسىم بولىگى كوڭىلگە قونىمدى.

بايقاۋ سوڭىندا نودگپ-8 بولىمشەسىنىڭ باس ينجەنەرى اناتوليي كيم ءتوراعالىق ەتكەن كوميسسيا مۇشەلەرى ءۇش توپتى جەڭىمپاز دەپ تانىدى. ونىڭ ءبىرىنشىسى «كريۋك» جوباسى 1000 ۆولتتان جوعارى دەڭگەيدەگى ەلەكتر ەنەرگياسىن وڭتايلاندىرۋعا ارنالسا، ەكىنشى جوبا ءورت كەزىندە ۋلترافيولەتتى بوياۋدى پايدالانۋدى ۇسىنعان جاستاردىڭ توبىنا بۇيىردى. ءۇشىنشى جەڭىمپاز توپ نۇسقاۋلىقتاردىڭ ەلەكتروندى بازاسىن جاساپ، ۇسىنعان بولاتىن.

كومپانيا باسقارماسىنىڭ ايماقتىق-وڭىرلىك وكىلىنىڭ ۇيلەستىرۋشىسى داۋلەتبەك نەسىپبەك ۇلىنىڭ ايتۋىنشا، جەڭىمپازدار ەندى جوبالارىن جەتىلدىرە ءتۇسىپ، نۇر-سۇلتان قالاسىنداعى رەسپۋبليكالىق بايقاۋدا ب ا ق سىنايتىن بولادى.