ەلباسى ن.نازاربايەۆتىڭ تىكەلەي تاپسىرماسىمەن قولعا الىنعان «سيفرلى قازاقستان» باعدارلاماسى دەنساۋلىق ساقتاۋ سالاسىندا دا كەڭىنەن جۇزەگە اسۋدا.

بۇگىنگى تاڭدا جامبىل وبلىسى بويىنشا 4952 مەديسينالىق قىزمەتكەرلەردىڭ جۇمىس ورنى تولىعىمەن كومپيۋتەرمەن قامتىلعان.

تاراز قالاسى مەن اۋدان ورتالىقتارىندا 391 مەديسينالىق مەكەمە بار. ونىڭ ىشىندە مەديسينالىق اقپاراتتىق جۇيەگە قوسىلۋعا ءتيىس مەكەمەلەر سانى - 370. ينتەرنەت جەلىسىنە قوسىلعاندار سانى - 352. بۇل 95 پايىزدىق قامتىلۋدى قۇرادى. ال مەجە قالا جانە اۋدان ورتالىقتارى دەڭگەيىندە 100 پايىزدى قۇرايدى.

جامبىل وبلىسى مەديسينالىق ۇيىمدارى 2 مەديسينالىق اقپاراتتىق جۇيەسىمەن جۇمىس جاساۋدا. «Elsi Med» مەديسينالىق اقپاراتتىق جۇيەcىندە 14 ۇيىم جانە 33 ۇيىم «Damu Med» مەديسينالىق اقپاراتتىق جۇيەcىندە.

اقپاراتتىق جۇيەلەرگە 1 060 302 ەلەكتروندىق دەنساۋلىق پاسپورتى ەنگىزىلگەن. بۇل «حالىقتى تىركەۋ رەگيسترى» بويىنشا اقپاراتتىق جۇيەسىندە تىركەلگەن 1 121 133 حالىق سانىنىڭ 94،6 پايىزىن قۇرادى.

«دەنساۋلىق ساقتاۋ ۇيىمدارىنىڭ باستاپقى مەديسينالىق قۇجاتتاما نىساندارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2010 جىلعى 23 قاراشاداعى № 907 بۇيرىعىنا وزگەرىستەر مەن تولىقتىرۋلار ەنگىزۋ تۋرالى ق ر دەنساۋلىق ساقتاۋ ءمينيسترىنىڭ دسم-48 بۇيرىعىنا سايكەس، 233 باستاپقى مەديسينالىق قۇجاتتاما نىساندارىنىڭ 203 – ءى تولىعىمەن ساندىق فورماتتا مەديسينالىق اقپاراتتىق جۇيەلەرىنە ەنگىزىلگەن.

وبلىستا بارلىق «العاشقى مەديكو-سانيتارلىق كومەك» ۇيىمدارىندا 52 سيفرلىق ساۋاتتىلىق پوستارى اشىلعان. جامبىل وبلىسى بويىنشا پيلوتتىق جوبانىڭ باسىنان باستاپ سيفرلىق داعدىلارعا وقىتىلعان حالىق سانى 775 507 قۇرادى، ال 2019 جىلدىڭ 6 ايلىق قورىتىندىسى بويىنشا سيفرلىق ساۋاتتىلىق پوستارى ارقىلى 261 809 حالىق اقپاراتپەن قامتاماسىز ەتىلدى.

«Damu Med» مەديسينالىق اقپاراتتىق جۇيەcىندەگى موبيلدىك قوسىمشاعا 45 714 ادام تىركەلگەن. 2019 جىلدىڭ 6 ايلىق قورىتىندىسىمەن سكرينينگ، فليۋرو تەكسەرۋدەن، جانە دارىگەرگە دەيىنگى كابينەتتەردەن مىندەتتى تۇردە ءوتۋ تۋرالى جىبەرىلگەن (PUSH) حابارلامالاردىڭ جالپى سانى - 872 058.

قازىرگى تاڭدا 2 310 496 رەت ەلەكتروندى جازىلۋ ارقىلى دارىگەردىڭ قابىلداۋىنا جازىلعان. 24 325 ەلەكتروندى ەڭبەككە جارامسىزدىق پاراعى اشىلعان. ونىڭ ىشىندە - 18 646ء-ى QR-كود تاڭباسىمەن تىركەلگەن. سونىمەن قاتار، 17 416 ەلەكتروندى ەڭبەككە جارامسىزدىق انىقتاماسى جۇمىس ىستەۋدە. ونىڭ ىشىندە 12 683ء-ى QR-كود تاڭباسىمەن اشىلعان.

ناتيجەسىندە ەمحانالارعا كەلۋى 2 ەسە تومەندەپ، ءموبيلدى قوسىمشا ارقىلى الدىن-الا دارىگەرگە جازىلۋ ناتيجەسىندە كەزەك كۇتۋ 30 پايىزعا تومەندەگەن.