اۋىل شارۋاشىلىعىن دامىتۋ-ماڭىزدى باعىتتىڭ ءبىرى. سوندىقتان دا بوار، مەملەكەت باسشىسى ق.توۆاەى «سىندارلى قوعامدىق ديالوگ-قازاقستان تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىندا وسى سالاعا ايرىقشا نازار اۋداردى. بۇگىندە اگروونەركاسىپ كەشەنىن دامىتۋ باعىتىندا اۋليەاتا وڭىرىندە ىرگەلى باستامالار كوتەرىلۋدە.

قازاقستان رەسپۋبليكاسى اۋىل شارۋاشىلىعى مينيسترلىگىنىڭ تاپسىرماسىنا سايكەس 2018 جىلى جامبىل وبلىسى بويىنشا 1،0 مىڭ توننا سيىر جانە 1،5 مىڭ توننا قوي ەتى ەكسپورتقا شىعارىلۋى ءتيىس بولسا، ەسەپتى كەزەڭدە وبلىستاعى تاۋاروندىرۋشىلەر ەكسپورتقا بارلىعى 1014،1 توننا سيىر جانە 1659،1 توننا قوي ەتىن شىعاردى. سيىر ەتىن ەكسپورتتاۋ بويىنشا مەموراندۋمدا بەلگىلەنگەن كورسەتكىشتىڭ ورىندالۋى 101،4 پايىزدى، قوي ەتى ەكسپورتى بويىنشا 109،1 پايىزدى قۇرادى. 2019 جىلعا بەكىتىلگەن جوسپارعا سايكەس وبلىستان 1500 توننا سيىر ەتى ەكسپورتقا شىعارىلۋى ءتيىس. اعىمداعى جىل باسىنان بەرى تاۋاروندىرۋشىلەر 862،7 توننا سيىر ەتىن ەكسپورتقا شىعارىپ، جوسپاردىڭ ورىندالۋى 57،5 پايىزدى قۇرادى. سونىمەن بىرگە 671،2 توننا قوي ەتى ەكسپورتتالىپ جوسپاردىڭ (جوسپار - 2000 توننا) ورىندالۋى 33،6 پايىزدى قۇرادى.

نەگىزگى ەكسپورتتاۋشىلار قاتارىندا ەكسپورتقا باعىتتالعان دامىعان تەحنولوگيالى بورداقىلاۋ الاڭدارى جانە كلاستەر قۇرامىنداعى «وڭتۇستىك حالال تاعامدارى» ج ش س، مەركى اۋدانىندا «مەركى ەت كومبيناتى» ج ش س، قورداي اۋدانىنداعى «پەرۆومايسكيە دەليكاتەسى ج ش س» ەت كومبيناتتارى بولدى. ەت ونىمدەرىنىڭ نەگىزگى بولىگى يران يسلام رەسپۋبليكاسى، باحرەين كارولدىگى، كۋۆەيت مەملەكەتىنە ەكسپورتتالدى.

وسى كاسىپورىنداردىڭ جۇكتەلىمىن ارتتىرۋ ارقىلى الداعى ۋاقىتتا ەتتى ەكسپورتتاۋ ديناميكاسىن ارتتىرۋ جوسپارلانۋدا. باعدارلاما اياسىندا قولداعى مالدىڭ ونىمدىلىگىن ارتتىرۋ ماقساتىندا ەت باعىتىنا تۇقىمدىق تۇرلەندىرۋ جۇمىسى قولعا الىندى. جىل بويى تۇقىمدىق تۇرلەندىرۋگە ءمۇيىزدى ءىرى قارا مالىنىڭ 65،5 مىڭ انالىق باسى تارتىلىپ، جوسپاردىڭ ورىندالۋى 102،3 پايىزدى قۇرادى.

جامبىل ءوڭىرى-قاشاننان اگرارلى سالاعا بەيىمدەلگەن ايماق. بۇل باعىتتا بۇرىننان قالىپتاسقان باي تاجىريبە بار. ال مەملەكەت باسشىسىنىڭ سالانى دامىتۋعا بايلانىستى بەرگەن تاپسىرماسى مەن باياندى باعدارلامالار بۇل باعىتتاعى جۇمىستاردى تىپتەن جانداندىرا تۇسكەنىن ايتۋ كەرەك.