تاراز تەمىرجول كولىگى جانە كوممۋنيكاسيا كوللەدجىنىڭ ۇجىمى قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى جولداۋىنان تۋعان مىندەتتەر مەن تاپسىرمالاردى تالقىلادى.
بۇل جولداۋ تاۋەلسىز ەلدىڭ بەرىك دىڭگەگى مەن ءبىرتۇتاستىعىن ساقتاۋدا ەلىمىزدىڭ الەۋمەتتىك-ەكونوميكالىق ماسەلەلەرىن جان-جاقتى شەشىپ، ناقتى مىندەتتەردى ورىنداۋدا ماڭىزدى قۇرال بولماق.
بيىلعى 2 قىركۇيەك مەملەكەتىمىزدىڭ ەڭ ماڭىزدى كۇندەردىڭ ءبىرى رەتىندە تاريحتا قالاتىنى بەلگىلى. بۇل جاڭادان سايلانعان پرەزيدەنتتىڭ العاشقى جولداۋى بولعاندىقتان، ەل اراسىندا قىزىعۋشىلىقتى تۋدىردى. بۇل جولداۋدىڭ باسقا قۇجاتتاردان نەگىزگى ەرەكشەلىگى رەتىندە مەملەكەتتىڭ ەكونوميكاعا كوزقاراسىنىڭ تۇبەگەيلى وزگەرۋىن اتاپ وتۋگە بولادى.
مەملەكەت باسشىسى قاسىم-جومارت توقايەۆتىڭ العاشقى جولداۋى قوعامدى تولعاندىرعان ماسەلەلەردىڭ بارىنە دەرلىك جاۋاپ بەردى. پرەزيدەنت مەملەكەتتى نىعايتۋ، وتاندىق بيزنەستى قولداۋ، حالىقتى الەۋمەتتىك قورعاۋ جانە ەكونوميكانى دامىتۋ ماسەلەلەرىنە توقتالدى. نەگىزگى مالىمدەمە بولاشاق ازاماتتىق قوعام جونىندە بولدى.
جولداۋدا ازاماتتاردىڭ بارلىق سىندارلى وتىنىش-تىلەكتەرىن جەدەل ءارى ءتيىمدى قاراستىراتىن «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋ مىندەتى قويىلدى. مەملەكەت باسشىسى جەرىمىزدىڭ شەتەلدىكتەرگە ساتىلمايتىنىن ايتتى. «ءبىز وعان جول بەرمەيمىز. بۇل ماسەلە بويىنشا قاۋەسەت تاراتۋدى دوعارۋ كەرەك، – دەدى ق.توقايەۆ. كاسىپكەرلەر وتىنگەن تاعى ءبىر شەشىم – 5 پايىزدىق قوسىمشا زەينەتاقى تولەمىن ەنگىزۋ ماسەلەسى 2023 جىلعا دەيىن شەگەرىلدى. وسى ۋاقىت ىشىندە ورتاق شەشىم تابۋ قاجەت.
«زەينەتكەرلىكتى قامتاماسىز ەتۋ ماسەلەسىندە تاعى ءبىر جاڭالىق: مەملەكەت باسشىسى ۇكىمەتكە جىل سوڭىنا دەيىن جۇمىس ىستەيتىن ازاماتتاردىڭ زەينەتاقى جيناعىنىڭ ءبىر بولىگىن ماقساتتى تۇردە پايدالانۋىنا قاتىستى، مىسالى باسپانا ساتىپ الۋ نەمەسە ءبىلىم الۋ ءۇشىن جۇمساۋ ماسەلەسىن جىل سوڭىنا دەيىن پىسىقتاۋدى تاپسىردى.
جولداۋ مەملەكەتىمىزدەگى الەۋمەتتىك احۋالدى جاقسارتۋ جونىندەگى ءىس-قيمىلداردىڭ ناقتى جوسپارىنا اينالاتىنى ءسوزسىز»، - دەدى جيىندا ءبىلىم وشاعىنىڭ جاستار ءىسى جونىندەگى كوميتەت ءتورايىمى ا.بايعابىلوۆا.
