تەمىرجول سالاسىنىڭ ەل ەكونوميكاسىنىڭ وزەگى، مەملەكەتتىڭ قۋاتتى كۇشى ەكەنىنە داۋ جوق. بۇگىندە 20 ميلليونعا تارتا جولاۋشى تاسىمالدىڭ وسى ءتۇرىن تاڭدايتىنىن نازارعا الساق، ىرگە قالاعانىنا ءجۇز جىلدان اسقان شويىن جولدىڭ قازىرگى احۋالى جىل ساناپ قارقىندى وركەندەۋ ۇستىندە. ال بۇگىنگى مەجەگە جەتۋ جولىندا تۇڭعىش پرەزيدەنت – ەلباسى نۇرسۇلتان نازاربايەۆتىڭ قولداۋى زور بولعانىن بىلەمىز. سونىمەن قاتار ەلىمىزدەگى بىلىكتى، تاجىريبەلى كاسىبي تەمىرجولشىلاردىڭ ماڭداي تەرى ءسىڭدى، ايانباي ەڭبەك ەتتى. ناتيجەسىندە قازاقستان تەمىرجول سالاسى سوڭعى جىلدارى وندىرىستىك جانە تەحنيكالىق الەۋەتى جاعىنان ايتارلىقتاي ىلگەرىلەدى.

ايتالىق، ءبىر عانا جامبىل جۇك تاسىمالى بولىمشەسى جىل باسىنان بەرى جۇك ارتىپ، ءتۇسىرۋدىڭ مەجەسىن 6 043 000 توننالىق 91 025 ۆاگون دەپ جوسپارلاسا، بۇل 6 129 891 توننالىق 91 579 ۆاگونعا دەيىن جەتكەن. وسىلايشا جوسپار 106،68 پايىزعا ارتىعىمەن ورىندالىپتى. ياعني، بۇل سانداردان جۇك تاسىمالىنىڭ 80 891 تونناعا نەمەسە 554 ۆاگونعا ارتقانىن اڭعارامىز. ال مۇنى بىلتىرعى كورسەتكىشپەن سالىستىرا قارايتىن بولساق، 453 975 توننالىق 6 565 ۆاگونعا نەمەسە 108،00 پايىزعا ۇلعايعان.

اتالعان سيفرلار جايىندا جامبىل جۇك تاسىمالى بولىمشەسى ديرەكتورىنىڭ لوگيستيكا جۇمىستارى جونىندەگى ورىنباسارى ءادىل ءتۇسىپوۆ اڭگىمەلەپ بەردى.

تەمىرجول دەسەك، كوز الدىمىزعا ەكى يىعىنان دەم الىپ، جۇزدەگەن جۇك تيەلگەن ۆاگوندار مەن سيستەرنالاردى سۇيرەگەن ەڭبەككەر قۇمىرسقالار ءتارىزدى لوكوموتيۆتەر، جولاۋشىلارى جايلى ۆاگوندارىن ۋاقىتشا ۇيا ەتكەن تەپلوۆوزدار جانە سولاردىڭ ۇزدىكسىز قىزمەتى ءۇشىن قىستا ايازدى، جازعى اپتاپتا رەلس بويىندا جۇرەتىن ادامدار – تەمىرجولشىلار كەلەدى.

ءادىل ءتۇسىپوۆتىڭ ايتۋىنشا، تەمىرجولشى ماماندىعى – ەرلىك پەن ۇلكەن جاۋاپكەرشىلىكتى تالاپ ەتەتىن كاسىپ. ماسەلەن، سالا قىزمەتكەرلەرى بيىلدىڭ وزىندە تاسكومىر تاسىمالىن 113 پايىزعا ارتىعىمەن ورىنداپ تاستاسا، مۇنايدى – 109 پايىزعا، حيميكاتتاردى – 112 پايىزعا، وندىرىستىك شيكىزاتتى – 111 پايىزعا، گرانشلاكتى – 132 پايىزعا، قانت، جەمىس-جيدەكتەردى – 133 پايىزعا، تۇزدى – 322 پايىزعا، سەمەنتتى – 105 پايىزعا، كونتەينەرلىك جۇكتەر – 117 پايىزعا جانە قالدىق جۇكتەردى 194 پايىزعا ارتىعىمەن تاسىعان.

بۇل سانداردى دا بىلتىرعى كورسەتكىشتەرمەن سالىستىرا قارايتىن بولساق، جۇمىستىڭ ەداۋىر ۇلعايعانىنا كوز جەتكىزە تۇسەمىز. «وتكەن جىلى مۇنايدىڭ تاسىمالى 215 پايىزدى قۇراسا، ءتۇستى مەتالدىڭ تاسىمالى – 120 پايىزدى، حيميالىق تىڭايتقىشتار – 112 پايىزدى، حيميكاتتار – 101 پايىزدى، وندىرىستىك تىڭايتقىشتار – 111 پايىزدى، گرانشلاگ – 185 پايىزدى، كوكونىستەر – 114 پايىزدى، تۇز – 288 پايىزدى، بيداي – 362 پايىزدى، كونتەينەرلىك جۇكتەر – 120 جانە قالدىق جۇكتەر 105 پايىزدى قۇرادى»، - دەيدى بولىمشە ديرەكتورىنىڭ ورىنباسارى.