ەلباسى ۇسىنعان «رۋحاني جاڭعىرۋ» شىن مانىندە ۇلتتىق دەڭگەيدەگى اۋقىمدى جوبا. ول قوعامداعى بارلىق سالانى قامتيتىندىعىمەن بىرەگەي سانالادى. سوندىقتان، ونى قازىرگى كەزەڭدەگى ۇزاقمەرزىمدى پەرسپەكتيۆالى قازاقستاندىق قوعام دامۋىنىڭ وزىندىك يدەولوگيالىق پلاتفورماسى دەۋگە بولادى. وسى ورايدا جامبىل وبلىسىنىڭ ورتالىعى-تاراز قالاسىندا دا تىندىرىمدى تىرلىكتەر اتقارىلۋدا.

-قوعامدىق سانانىڭ جاڭارۋى ورتاق الەۋمەتتىك كەڭستىكتە ءومىر ءسۇرىپ جاتقان حالىقتىڭ قاجەتتىلىكتەرىمەن تىكەلەي بايلانىستى جۇرەتىنى بەلگىلى. ال قازاقستان ازاماتتارىنىڭ قوعامدىق سانانىڭ مازمۇنى ولاردىڭ مۇددەلەرىمەن، يدەيالارىمەن، قۇندىلىقتارىمەن ۇندەس. ول مادەنيەت، مىنەز-قۇلىق تاجىريبەسى، ءسالت-داستۇردى قوسا العانداعى رۋحاني نەگىزدەرگە ارقا سۇيەيدى.

تاراز قالاسىندا ەلباسى نۇرسۇلتان ءابىش ۇلى نازاربايەۆتىڭ «بولاشاققا باعدار: رۋحاني جاڭعىرۋ» باعدارلاماسىن جۇزەگە اسىرۋ باعىتىندا وبلىس اكىمى اسقار مىرزاحمەتوۆتىڭ باسشىلىعىمەن قارقىندى جۇمىستار اتقارىلۋدا. اتاپ ايتساق، «اتامەكەن»، «تاربيە جانە ءبىلىم»، «رۋحاني قازىنا»، «اقپارات تولقىنى» كىشى باعدارلامالارى مەن «100 جاڭا كىتاپ»، «تۋعان جەر»، «قازاقستان كيەلى جەرلەرىنىڭ گەوگرافياسى»، «100 جاڭا ەسىم» ارنايى جوبالارى بويىنشا اۋقىمدى باستامالار قولعا الىنعان. قازاق ءتىلىن لاتىن ءالىپبيى نەگىزىندەگى گرافيكاعا كوشىرۋ ماسەلەسى دە نازاردان تىس قالعان جوق،-دەيدى تاراز قالاسىنىڭ اكىمى قايرات دوسايەۆ.

جالپى، 25 جوبانى ىسكە اسىرۋعا 2 ميلليارد 472 ميلليون 750 مىڭ تەڭگە قارجى جۇمساۋدى قاجەت ەتىپ وتىر. بىلتىر قالا اكىمدىگىنىڭ ەكونوميكا جانە بيۋدجەتتىك جوسپارلاۋ ءبولىمى 9 جوباعا 321 ميلليون 600 مىڭ تەڭگە ءبولدى.

ال، جامبىل وبلىستىق جوبالىق وفيسكە «اتامەكەن» كىشى باعدارلاماسى بويىنشا 2 جوبا ۇسىنىلعان. ولاردىڭ جالپى قۇنى 374 ميلليون تەڭگەنى قۇرايدى. اتالعان جوبالار دەمەۋشىلەردىڭ كومەگىمەن جۇزەگە اسىرىلدى. اتاپ ايتقاندا، جەكە كاسىپكەر ارمان جۇمابايەۆ تەمىر جول بەكەتى ماڭىنداعى سكۆەردى اباتتاندىرۋعا 150 ميلليون تەڭگەگە كومەك كورسەتىپ، «ارايسترويماركەت» ءجشس-نىڭ ديرەكتورى ارمان ەدىلبايەۆ «اتشابار» سكۆەرىنىڭ قۇرىلىسىنا 224 ميلليون تەڭگە جۇمسادى. مۇنىڭ ءبارى كونە شاھاردى كوركەيتە تۇسكەن يگى شارالار دەسەك، ارتىق ايتپايمىز.

بۇل باعىتتاعى جۇمىستار الداعى ۋاقىتتا دا جالعاسىن تابا بەرەتىن بولادى.