حالىقتىڭ دەنساۋلىعى – ەل دامۋىنىڭ ماڭىزدى تۇتقاسى، بولاشاعىمىزدىڭ كەپىلى. دانا حالقىمىز دەنساۋلىقتىڭ ءقادىرىن، ماڭىزىن ايرىقشا ۇعىنىپ، بارلىق يگىلىكتەن جوعارى ساناعان. تىرشىلىكتىڭ ناعىز وزەگىنەن الىنعان «ءبىرىنشى بايلىق – دەنساۋلىق» دەگەن اتالى ءسوز وسىعان دالەل. دەنى ساۋ ۇرپاق قانا ەلدىڭ، ۇلتتىڭ بولاشاعى بولا الادى. ادامزاتتى بەرەكە-بىرلىككە، بەيبىتشىلىككە ۇندەيتىن دە وسى – سپورت. وسى ورايدا، قازاقستان حالقىنا ارنالعان جىل سايىنعى جولداۋلار، مەملەكەتتىك باعدارلامالار حالىقتى بۇقارالىق سپورتپەن شۇعىلدانۋعا كوپتەپ تارتۋ جانە سالاماتتى ءومىر سالتىن قالىپتاستىرۋ ماسەلەلەرىن ۇندەپ كەلەدى.

ەلىمىزدە سپورتتىڭ بۇقارالىلىعىن ارتتىرۋ ماقساتىندا مەملەكەت تاراپىنان بارىنشا جاعداي جاسالۋدا. بۇل رەتتە جامبىل وبلىسىنىڭ سارىسۋ اۋدانىندا دا اتالمىش سالا نازاردان تىس قالعان ەمەس.

بۇگىندە، بارلىق سپورت نىساندارى تۇرعىندار ءۇشىن قول جەتىمدى. ودان بولەك، اۋداندا 5 بالالار-جاسوسپىرىمدەر سپورت مەكتەبى، 1 سپورت كەشەنى، 1 ستاديون، 30 سپورت زالى، 25 فۋتبول الاڭى جانە 106 سپورت الاڭشالارى ەل يگىلىگىنە قىزمەت ەتۋدە.

سالانى قولداۋعا بولىنگەن قارجى جىلدان-جىلعا ۇلعايا تۇسۋدە. بۇل يگىلىكتىڭ بارلىعى دەنە شىنىقتىرۋ جانە سپورتپەن شۇعىلدانۋشىلاردىڭ قاتارىن كوبەيتىنىنە سەنىمىز مول.

كۇنى كەشە سارىسۋ اۋدانىنىڭ ورتالىعى جاڭاتاس قالاسىندا «قازفوسفات» ءجشس-نىڭ 20 جىلدىعىنا ارنالعان 3 شاقىرىم قاشىقتىققا جۇگىرۋ مارافونى ءوتتى.

مارفونعا قاتىسۋشىلار سانى مىڭنان اسىپ، ۇلكەن-كىشى دەمەي جۇگىرۋگە دەگەن قۇلشىنىستارىن تانىتتى.

«قازفوسفات» ج ش س «قاراتاۋ» تاۋ-كەن وڭدەۋ كەشەنىنىڭ ديرەكتورى مۇراتقالي سارسەنوۆ باستاعان بارشا كەنشىلەر قاۋىمى دا 20 جىلدىققا ارنالعان مارافونعا ەلەۋلى ۇلەس قوستى.

مەجەگە جەتكەندەر قاتارىندا جاستارى 60-تى القىمداعاندار مەن التى جاسار بالاعا دەيىن بار. ولاردىڭ قاۋىپسىزدىكتەرى باستى نازارعا الىنىپ، جەدەل جاردەم كولىگىنەن باستاپ بارلىق ءتيىستى مەكمەلەر ماماندارىمەن سوڭدارىنان ءجۇرىپ وتىردى. ابىروي بولعاندا ەشقانداي قاتىسۋشى سىر بەرمەي، جەڭىس سىزىعىنا جەتتى.

جەڭىس تۇعىرىنان كورىنگەن قاتىسۋشىلاردى اۋدان اكىمى قاناتبەك مادىبەك جانە «قاراتاۋ» تاۋ-كەن وڭدەۋ كەشەنىنىڭ ديرەكتورى مۇراتقالي سارسەنوۆ ماراپاتتادى. ولار بەلسەندىلەر مەن جەڭىمپازدار، ەر جانە ايەل، جاس ايىرماشىلىقتارىنا قاراي ارنايى العىس حاتتار مەن زاتتاي، قارجىلاي سىيلىقتارعا يە بولدى.