جەرى مال شارۋاشىلىعىنا قولايلى سانالاتىن مويىنقۇم اۋدانىندا سوڭعى جىلدارى سۋارمالى ەگىس القاپتارىن ۇلعايتۋ ەسەبىنەن ەگىنشىلىككە دە بەت بۇرىس بايقالادى.وسىلايشا مويىنقۇمدىق جەرگىلىكتى بيلىك وكىلدەرى مەن شارۋالار اراسىنداعى بىرلەسكەن ءىستىڭ ناتيجەسىندە مەملەكەت باسشىسىنىڭ قازاقستان حالقى جولداۋىندا ايقىندالعان سۋارمالى ەگىس القابىن 2030 جىلعا قاراي 3 ميلليون گەكتارعا ۇلعايتۋ تاپسىرماسى ورىندالا باستادى، دەپ جازادى Qamshy.kz اقپارات اگەنتتىگى. 

اۋدانداعى بۇرىن جۇگەرى، ارپا اۋىل شارۋاشىلىق قۇرلىمدارىنىڭ جەتەكشىلەرى، اگرونومدار مەن سۋ شارۋاشىلىعى ماماندارىنىڭ باسىن ءبىر ارناعا توعىستىرعان «اگروونەركاسىپ كەشەنىن دامىتۋ» جونىندە كوميسسيا قۇرىلدى. كوميسسيا اۋدانداعى سۋارمالى ەگىستىك القابىن ۇلعايتۋدا وبىلس اكىمىنىڭ باستاماسىمەن قۇرىلعان «اسا-تالاس» مەكەمەسىنىڭ مۇمكىندىگىن پايدالانۋدى ءجون كوردى.

–سۋارمالى ەگىستى القابىن ۇلعايتۋ شارالارىنا كىرىسپەستەن بۇرىن ايدارلى، بىرلىك، بينازار، ايتبايي نازاربەكوۆ، كوكجەلەك، كۇشامان، جامبىل اۋىلدارىنىڭ شارۋالارىمەن پىكىرلەستىك. ولاردىڭ ايتار ءۋاجى جەرگىلىكتى جەردە اۋىل شارۋاشىلىعىن دامىتۋدا سۋ جەتىسپەيدى، تەحنيكا، تۇقىم تابىلمايدى دەگەنگە سايادى.وسىلايشا ءبىز ەڭ اۋەلى اعىن سۋدى جەتكىزۋ ىسىنە بەل شەشە كىرىستىك. مەحانيكالىق جاساقتىڭ تەحنيكالارىمەن ۇزىندىعى 70 شاقىرىم 9 كانال تازالاندى. جەكە يەلىكتەگى «بينازار»، «بىرلىك» كانالدارى مەملەكەتتىك مەنشىككە قايتارىلىپ الىندى. ايدارلى، بىرلىك، بينازار اۋىلدارىندا تىڭ جەرلەرگە سوقا ءتۇستى. بۇل جۇمىستارعا اۋدان بيۋدجەتىنەن 65 ميلليون 304 مىڭ تەنگە قارالىپ، وعان اۋىل شارۋاشىلىعى تەحنيكالارى ساتىپ الىندى،–دەيدى اۋدان اكىمى مادەن مۇسايەۆ.

اۋدان اكىمىنىڭ ايتۋىنشا ايماقتاعى سۋارمالى ەگىستىك القاپتارىن ۇلعايتۋ جۇمىستارى ەڭ اۋەلى ەگىستىك جەرلەردىڭ قازىرگى جاعدايىن باعامداۋدان باستالعان.

–اۋداننىڭ اۋماعىنداعى ەگىستىك جەرلەردى تەكسەرگەنىمىزدە ولاردىڭ كوبىنىڭ قاراۋسىز قالعانى انىقتالدى. ءتىپتى تال-داراق باسىپ كەتكەن القاپتار دا كەزدەستى. ارا-تۇرا يەسى انىقتالماعان ەگىس القاپتارى دا بولدى. ۇزاق ۋاقىت يەسسىز قالعان جەرگە سۋ جەتكىزۋدىڭ مۇمكىندىگى ازايعان. ءبىز وسىناۋ القاپتاردى ەسەپكە الىپ، ولاردا تازالاۋ جۇمىستارىن جۇرگىزە باستاعاندا شارۋالاردا سەنىمدىلىك پايدا بولدى. ناتيجەسىندە ءبىز ءبىر عانا جۇگەرى القابىن 1100 گەكتارعا دەيىن ۇلعايتا الدىق. ەندى جەردە «دالا ارۋىنا» وراق تۇسپەك. بۇعان دەيىن ءبىز تارى القابىندا كۇزگى جيىن تەرىمدى تابىستى اياقتاي الىپ ەدىك، – دەيدى اۋدان اكىمى.