جىل ىشىندە جامبىل وبلىستىق قحا انالار كەڭەسى 7000 ادامنىڭ قاتىسۋىمەن 121 ءىس-شارا ۇيىمداستىرعان. ەتنومادەني بىرلەستىكتەردىڭ جاستارى مەن جاس انالاردىڭ قاتىسۋىمەن وتباسىنىڭ ءرولى تۋرالى اقپاراتتىق كەڭەستەر وتكىزىلدى. «وتباسى جانە مەدياسيا» الەۋمەتتىك جوباسى بويىنشا وتباسىلىق سوت بويىنشا 21 وتىرىس وتكىزىلىپ، 14 وتباسى ساقتالىپ قالدى دەپ جازادى Qamshy.kz اقپارات اگەنتتىگى. ق ر جوعارعى سوتىنىڭ «جانۇيالىق سوت» پيلوتتىق جوباسى شەڭبەرىندە «باستاۋ» جۇمىس توبىنىڭ 14 وتىرىسىنا قاتىسىپ، اجىراسۋعا كەلگەن 28 جۇپتىڭ ماسەلەسى قارالدى.

سونداي - اق كوپبالالى ايەلدەر اراسىندا الەۋمەتتىك جاردەماقى تولەۋدىڭ جاڭا ءتارتىبىن ءتۇسىندىرۋ بويىنشا 6 كوشپەلى (مەركى، شۋ، بايزاق، ت.رىسقۇلوۆ، جۋالى جانە قورداي اۋداندارىندا) وتىرىس وتكىزىلدى.

«جاڭعىرۋ جولى» جاستار قوزعالىسى وبلىستىق شتابى 58 ءىس-شارا وتكىزىپ، وعان 2572 جاس قامتىلدى. اتاپ ايتساق، وبلىستىق «جاڭعىرۋ جولى» جاستار قوزعالىسى مەن «اق جەلكەن» جاستار ليگاسى جانە ەتنومادەني بىرلەستىكتەردىڭ 70 بەلسەندى مۇشەلەرى جىل سايىنعى اكسياسىن وتكىزىپ، 31 ليتر قان تاپسىردى، سونىمەن قاتار، «SARQYT»، «ءومىر سىيلا» قايىرىمدىلىق اكسيالار، «قازاق حالقىنا مىڭ العىس» فلەشموب ۇيىمداستىرىلدى.

وبلىستىق «جاڭعىرۋ جولى» جاستارىنا رەسپۋبليكالىق «ەلتانۋ» تۋريستىك-ولكەتانۋ ەكسپەديسياسى اياسىندا تۇركىستان وبلىسىنىڭ تاريحي جەرلەرىنە ەكسكۋرسيا ۇيىمداستىرىلدى. شاراعا «جاڭعىرۋ جولى» جاستار قوزعالىسى شتابىنىڭ مۇشەلەرى، از قامتىلعان وتباسىنان شىققان مەكتەپ جانە كاسىپتىك-تەحنيكالىق وقۋ ورىندارىنىڭ وقۋشىلارى، اتا-اناسىنىڭ قامقورلىعىنسىز قالعان بالالار، بارلىعى 50 ادام قاتىسقان.

كونە تاراز شاھارىنان ەجەلگى تۇركىستانعا بەت العان جاستاردىڭ كەرۋەنى شىمكەنت قالاسىنا توقتاپ، جەرگىلىكتى اسسامبلەيا جاستارىمەن كەزدەستى جانە قوجا احمەت ياسساۋي، رابيعا - سۇلتان بەگىم، ءشاۋىلدىر اۋىلىنداعى ارىستان-باب كەسەنەلەرى، قوجا احمەت ياسساۋي كەسەنەسىنىڭ ماڭىندا ورنالاسقان ەمدىك قاسيەتكە يە شىعىس مونشا، حيلۆەت جەر استى مەشىتىنە، وتىرار قالاشىعى مەن تاريحي-ولكەتانۋ مۇراجايىنا ساياحات جاسالدى.

«رۋحاني جاڭعىرۋ» باعدارلاماسى اياسىندا «قازاقستاننىڭ 100 جاڭا ەسىمى» جوباسىنىڭ جەڭىمپازى، مەسەنات، وبلىستىق ءماسليحاتتىڭ دەپۋتاتى جانە قوعامدىق كەڭەستىڭ ءتوراعاسى س.سەيدازيموۆ، «وزبەك ۇلتتىق مادەني ورتالىعى» قوعامدىق بىرلەستىگى ءتوراعاسىنىڭ ورىنباسارى، قازاقستان حالقى اسسامبلەياسىنىڭ مۇشەسى گ.ۋماروۆ، جامبىل اۋدانى اسا اۋىلىنىڭ «اينالايىن» بالالار-جاسوسپىرىمدەر ورتالىعى «جاستار كلۋبى» قوعامدىق بىرلەستىگىنىڭ ءتورايىمى، مەسەنات ا.رازاكوۆانىڭ قاتىسۋىمەن بايزاق اۋدانى سارىكەمەر اۋىلدىق وكرۋگىنىڭ جانە «جاڭعىرۋ جولى» جاستار قوزعالىسىنىڭ مۇشەلەرىمەن كەزدەسۋ وتكىزىلدى.