«بىرلىك ءتۇبى بەرەكە» دەيدى دانا قازاق. ال ەلىمىزدە ەلباسىنىڭ باستاماسىمەن ۇلتتار مەن ۇلىستاردىڭ دوستىعى اركەز الدىڭعى قاتارعا قويىلۋدا. بۇعان قازاقستان حالقى اسسامبلەياسىنىڭ قۇرىلعانى انىق دالەل بولا الادى. اسسامبلەيانىڭ جامبىل وبلىستىق حاتشىلىعى دا يگىلىكتى ىستەرگە ۇيىتقى بولىپ، جىل ىشىندە تالاي تىرلىكتى تىكتەۋدە دەپ جازادى Qamshy.kz اقپارات اگەنتتىگى. حاتشىلىق مەڭگەرۋشىسى مارجان تورەعۇل قىزىنىڭ سوزىنە سۇيەنسەك، قوعامدىق كەلىسىم مەن جالپىۇلتتىق بىرلىكتى قامتاماسىز ەتۋ باعىتىندا جىل باسىنان بەرى جوسپارلى جۇمىستار جۇيەسىن تاۋىپتى.

- جالپى وبلىس كولەمىندە 87 ەتنوس پەن ەتنيكالىق توپتىڭ وكىلدەرى قونىستانعان. ۇستىمىزدەگى جىلى ەتنومادەني بىرلەستىكتەردىڭ قوعامدىق اككرەديتاسياسى وتكىزىلىپ، 34 رەسپۋبليكالىق فيليال، وبلىس جانە اۋدان ەتنومادەني بىرلەستىكتەرى اسسامبلەيا تىزىمىنە ۇسىنىلدى.

قازاقستان حالقى اسسامبلەياسى قىزمەتىنىڭ باستى باعىتتارى – قايىرىمدىلىق جانە مەدياسيانى دامىتۋ. ۇلى دالانىڭ داستۇرلەرىنە نەگىزدەلگەن قايىرىمدىلىق شارالارىنىڭ كۇنتىزبەسىنە سايكەس وبلىس بويىنشا قايىرىمدىلىق اكسيالارى اياسىندا 69 820 ادامعا 338 844 300 تەڭگەگە كومەك جاسالدى. بيىلعى جىلى ارىس قالاسىندا زارداپ شەككەندەرگە تۇرىك، كۇردى، دۇنگەن، وزبەك، ۇيعىر، ورىس، شەشەن، پولياك، گرەك ەتنومادەني بىرلەستىكتەرى مەن «جاڭعىرۋ جولى» جاستار قوزعالىسىنىڭ مۇشەلەرى 10 ميلليون 495 مىڭ تەڭگەگە قايىرىمدىلىق كومەك كورسەتتى.

سونداي – اق، وبلىستىق وزبەك ەتنومادەني بىرلەستىگىنىڭ وكىلى 5 بالالى جالعىزباستى انا گ.مىرزاحمەتوۆاعا 2 بولمەلى پاتەر تارتۋ ەتتى جانە «تۋعان جەرگە تۋىڭدى تىك» اكسياسى بويىنشا قورداي اۋدانىنىڭ قۇرمەتتى ازاماتى، كاسىپكەر س.سالىبايەۆ تۇرمىس جاعدايى تومەن 3 وتباسىنا جانە قورداي، بايزاق، جامبىل، شۋ، سارىسۋ اۋداندارىنىڭ مەسەناتتارى كوپبالالى جانۇيالارعا باسپانا سىيلادى.

كونوۆالوۆ كلينيكاسىنىڭ وفتولمولوگتارى قورداي اۋدانى سورتوبە، ماسانشى، بۇلار باتىر، اۋحاتتى جانە قاراكەمەر اۋىلدارىنىڭ تۇرعىندارىنا ق ر باس پروكۋراتۋراسىنىڭ قۇرمەتتى قىزمەتكەرى گ.ماشانلو مەن سورتوبە اۋىلدىق وكرۋگىنىڭ اكىمى ي.بۋلاروۆتىڭ كومەگىمەن 750 ادامعا تەكسەرۋ جۇرگىزىپ، 5 ادامعا وتا جاسادى، بارلىعى 10 ميلليون 250 مىڭ تەڭگەگە دەمەۋشىلىك جاسالدى، - دەگەن مارجان تورەعۇل قىزى ودان ءارى مەدياسيا قىزمەتى تۋرالى وي قوزعادى.

- مەدياسيا قىزمەتىنە جۇگىنەتىندەر سانى جىل سايىن ارتۋدا، بيىلدىڭ وزىندە 773 ازامات جۇگىنىپ، قحا مەدياتورلارى 667 جانجال مەن داۋلى جاعدايلاردى شەشتى، ولاردىڭ نەگىزگى تۇرلەرى - 33 ەڭبەك، 396 ازاماتتىق، 113 وتباسىلىق، 125 قىلمىستىق داۋلار. وبلىس بويىنشا 2 مەدياسيا كابينەتى، سونداي - اق 40 مەدياسيا الاڭى بار، وندا قحا مەدياتورلارى پراكتيكالىق جانە مەدياتيۆتىك كومەك كورسەتىپ، تۇسىندىرمە جۇرگىزەدى.

وتكەن جىلدىڭ وسى كەزەڭىمەن سالىستىرعاندا مەدياسياعا جۇگىنگەن ازاماتتار سانى 152 ادامعا كوبەيىپ، شەشىلگەن داۋلى ماسەلەلەر سانى 186 كوتەرىلگەن.

مەكتەپ مەدياسياسىن دامىتۋ - بۇگىنگى كۇننىڭ وزەكتى ماسەلەلەرىن شەشۋدە قاجەتتى سالا بولىپ وتىر. جامبىل وبلىسى قحا قوعامدىق مەدياتورلار قاتارىندا 9 مەدياتور – پەداگوگ مۇعالىمدەر مەن وقۋشىلار اراسىندا قۇقىقتىق ءتۇسىندىرۋ جۇمىستارىن جۇرگىزۋدە. ءقازىردىڭ وزىندە كەڭ كولەمدى 13 ءىس-شارا وتكىزىلىپ، وعان 1840 ادام قامتىلدى، - دەيدى م.قوجايەۆا.

بۇل ءسوز جوق، ىنتاماق پەن بىرلىكتىڭ اينىماس ۇلگىسى.