قوعامدىق كەلىسىم – ۇلت پەن ۇلىستاردىڭ دوستىعىنىڭ كەپىلى. بۇگىندە بۇل ءوز-وزىن دالەلدەگەن قۇرىلىم. سونداي-اق جامبىل وبلىسىنداعى قوعامدىق كەلىسىم مەكەمەسى بۇل بايلامعا ەش سەلكەۋ تۇسىرگەن ەمەس دەپ جازادى Qamshy.kz اقپارات اگەنتتىگى. ماسەلەن «قوعامدىق كەلىسىم» كمم عىلىمي-ساراپتامالىق قولداۋ ءبولىمى كونفەرەنسيا، تيمبيلدينگ، حاكاتون، فوكۋس-توپتىق زەرتتەۋلەر جانە ت.ب فورماتتاردا 30 ءىس-شارا وتكىزىپ، وعان 4310 بەلسەندى قوعام مۇشەلەرى قامتىلدى. قازاقستان حالقى اسسامبلەياسىنىڭ ۇزدىك عىلىمي ەڭبەكتەر قاتارىنا ەنگىزىلگەن 49 جۇمىستىڭ 7-ەۋى جامبىلدىق عالىمداردىڭ ەنشىسىندە.

«رۋحاني جاڭعىرۋ» باعدارلاماسى بويىنشا وبلىستاعى ەتنوستاردىڭ سالت ء-داستۇرىن، تاريحى مەن مادەنيەتىن، قولونەرىن تەرەڭ زەرتتەۋگە باعىتتالعان ءۇش جوبا جۇزەگە اسۋدا. جوبا اياسىندا ش.ءۋاليحانوۆ اتىنداعى تاريح جانە ەتنولوگيا ينستيتۋتىمەن ىنتىماقتاستىق تۋرالى كەلىسىم جاسالدى، سونداي - اق، ءال - فارابي اتىنداعى قازاق ۇلتتىق ۋنيۆەرسيتەتىمەن ىنتىماقتاستىق قارىم - قاتىناس كەلىسىمى جاسالىپ، بىرلەسكەن جۇمىس جۇرگىزىلۋدە. وبلىستاعى ەتنوستاردىڭ قولونەر، ۇلتتىق بۇيىمدار جاساۋ شەبەرلىگى تەرەڭ زەردەلەنۋدە. مەركى اۋدانىندا توقىماشى، كوركەم داستۇرلەردى ساقتاۋشى گ.دجۋباروۆانىڭ جانە كىلەمشى گ.ەرەجەپوۆانىڭ، سونداي - اق، قاراشاي - بالقار ورتالىعى باسشىسىنىڭ بابالارى مۇراسىنان 19 عاسىردىڭ بەلبەۋى، سونداي - اق قورداي اۋدانىندا ۇلتتىق دۇنگەن ونەرى كەستە تىگۋ شەبەرى س.حافازوۆانىڭ جانە دۇنگەن قالىندىعىنىڭ توي كيىمىنىڭ تىگىنشىسى س.چيۆانىڭ ماستەر كلاستارى ءتۇسىرىلدى. ت.رىسقۇلوۆ اۋدانىندا اعاش، سۇيەك جانە مەتاللدان ويۋ كەسۋ شىعارمالارىن بىرىكتىرەتىن شەبەر ج.تاتايەۆانىڭ ەڭبەگى دە جوباعا سايكەس نازارعا الىندى.

بۇگىنگى كۇنگە وبلىس بويىنشا 177 قوعامدىق كەلىسىم كەڭەستەرى بىرنەشە جوبانىڭ جۇزەگە اسۋىن ۇيىمداستىرىپ كەلەدى.

«كەدەرگىگە جول جوق» الەۋمەتتىك جوباسىن ىسكە اسىرۋ ماقساتىندا، وعان 59 ادامنان تۇراتىن مونيتورينگ توبى قۇرىلدى، 401 وبەكتىگە مونيتورينگ جۇرگىزىلىپ، انىقتالعان كەمشىلىكتەر بويىنشا ءتيىستى مەكەمەلەرگە ۇسىنىستار بەرىلدى.

«جاڭعىرعان اۋىل» جوباسى بويىنشا مەركى، ت.رىسقۇلوۆ اۋداندارىندا قوعامدىق كەلىسىم كەڭەسى مۇشەلەرىنىڭ قاتىسۋىمەن كاسىپتىك ءبىلىم الۋشىلارمەن كەزدەسۋ جانە قورداي، مەركى، شۋ اۋداندارىندا كەڭەستىڭ 3 كوشپەلى وتىرىستارى وتكىزىلدى. ۇزدىك جەتىستىكتەرگە جەتكەن شارۋا قوجالىقتار مەن كاسىپورىندارعا («سامعاۋ» شق قورداي اۋدانى، «سىپاتاي باتىر» ج ش س مەركى اۋدانى، «قۋات» شق جانە «گۋد جەم» تاراز ق) اگرارلىق تۋريزم ۇيىمداستىرىلدى. جالپى 65 ءىس - شارا وتكىزىلىپ، وعان 4650 ادام قامتىلعان.