بۇگىندە «جامبىل وبلىسى جاستار ۇيىمدارىنىڭ قاۋىمداستىعى» زاڭدى تۇلعالار بىرلەستىگىنىڭ ۇيىتقى بولۋىمەن تولايىم تىرلىكتەر اتقارىلۋدا. ولاردىڭ دەنى جاستار ساياساتىن وڭتايلاندىرۋ مەن قورشاعان ورتانۋ قورعاۋعا باعىتتالۋدا، دەپ جازادى Qamshy.kz اقپارات اگەنتتىگى. اتاپ ايتساق، «ەكولوگيالىق اعارتۋ جانە ناسيحاتتاۋ بويىنشا ءىس-شارالار وتكىزۋ» اتتى مەملەكەتتىك الەۋمەتتىك تاپسىرىستى ورىنداۋ ماقساتىندا قورشاعان ورتانى قورعاۋ ماسەلەلەرىنە قوعامنىڭ نازارىن اۋدارۋ ءۇشىن 4 الەۋمەتتىك بەينەروليك ازىرلەنگەن.
اتالعان بەينەروليكتەر سۇلەيمەنوۆ كوشەسىندە ورنالاسقان «جاستار اللەياسىنداعى» LED-ەكراندا جانە جەرگىلىكتى تەلەارنادا كورسەتىلۋدە. قورشاعان ورتانى قورعاۋ ماسەلەلەرىنە قوعامنىڭ نازارىن اۋدارۋ ءۇشىن اتالعان بەينەروليكتەردى الەۋمەتتىك جەلىلەرگە (فەيسبۋك، ينستاگرامم، يۋتۋب) سالىندى. بۇگىنگى كۇنگە دەيىن 5000-عا جۋىق قارالىم جينادى.
سونداي-اق «جامبىل وبلىسى جاستار ۇيىمدارىنىڭ قاۋىمداستىعى» زاڭدى تۇلعالار بىرلەستىگى مەن جامبىل وبلىستىق پىكىرسايىس وداعى «ەركىن پىكىر» جاستار قوعامدىق بىرلەستىگىنىڭ ۇيىمداستىرۋىمەن «ەكولوگيالىق اعارتۋ جانە ناسيحاتتاۋ بويىنشا ءىس-شارالار وتكىزۋ» اتتى مەملەكەتتىك الەۋمەتتىك تاپسىرىس اياسىندا ەكولوگيالىق تاربيە بەرۋ بويىنشا تاراز قالاسى اكىمدىگى ىشكى ساياسات ءبولىمىنىڭ «جاستار رەسۋرستىق ورتالىعى» كمم-مەن بىرلەسە 7 مولتەك اۋدانىداعى كانالدىڭ جان-جاعىن تازالاۋ فلەش-موبى ۇيىمداستىرىلدى. فلەش-موبقا تاراز قالاسىنىڭ NEET-ساناتتىنداعى 50-گە جۋىق جاستار قاتىستىرىلدى. شارا بارىسىندا اعىن سۋعا تاستالعان زاتتار جيناستىرىلىپ، قوقىسقا تولى كانالدىڭ بەتى تازالاندى.
ودان بولەك «ەكولوگيالىق اعارتۋ جانە ناسيحاتتاۋ بويىنشا ءىس-شارالار وتكىزۋ» اتتى مەملەكەتتىك الەۋمەتتىك تاپسىرىس اياسىندا 06.09.19 ج. سكۆەرلەر مەن پاركتەردى كورىكتەندىرۋ ماقساتىندا تاراز مەملەكەتتىك پەداگوگيكالىق ۋنيۆەرسيتەتىنىڭ جاستار ءىسى جونىندەگى كوميتەتىمەن بىرلەسىپ، «قاراحان بابا» كەسەنەسىنىڭ اۋماعى كورىكتەندىرىلدى. شاراعا 100-گە جۋىق ۇستاز ۋنيۆەرسيتەتىنىڭ ستۋدەنتتەرى قاتىستى.
«قاعاز جانە ماقتا پاكەتتەرىنىڭ پايداسىنا پوليەتيلەن پاكەتتەرىن پايدالانۋعا تىيىم سالۋ» اتتى وبلىستىق ستۋدەنتتەرمەن وقىتۋشىلار اراسىنداعى پىكىرسايىس ءتۋرنيرى دە ءوتتى. دودادا I-ورىن "پاپينا دوچكا" كۇلتوبە پىكىر سايىس كلۋبى (پك) شامبىل شۇعا مەن رايكۋلوۆ قانات، II-ورىن "ساراپشىلار" كۇلتوبە پك اسقار بەكبولات پەن ماليكتايەۆا پەرنەش، III-ورىن "Jameco" پك سەرىك مۇحاممەدجان مەن ساۋلەباي الماز يەلەنسە، "ۇزدىك تورەشى": ءسابيت ەرزات اتانسا، "العىرلار" پك وقىتۋشىلار اراسىندا "ۇزدىك سپيكەر": ساۋلەباي الماز "Jameco" پك اتاندى.
پىكىر قالدىرۋ